ఎన్టీఆర్ – కృష్ణ మ‌ధ్య టైటిల్ వార్.. కొడుకుల కోసం కొట్లాడుకున్న స్టార్ హీరోలు..? చివరికి గెలిచింది ఎవరు..?

ఎన్టీఆర్ - కృష్ణ మధ్య ఎంత స్నేహం ఉందో.. అన్ని వివాదాలు కూడా ఉన్నాయి. చాలా విషయాల్లో వీరి మధ్య పంతాలు పట్టింపులు ఎదురు కాగా.. ఓ సినిమా టైటిల్ విషయంలో కూడా వీరు గట్టిగా పంతం పట్టుకుని కూర్చున్నారు. ఇంతకీ ఎవరు నెగ్గారంటే..?   

మొదటి తరం హీరోలలో ఎన్టీఆర్  ముందు రాగా.. కృష్ణ కాస్త లేట్ గా ఇండస్ట్రీలోకి వచ్చారు. అయినా సరే ఎన్టీఆర్ ను చాలా విషయాల్లో వ్యతిరేకించడంతో పాటు... పెద్దాయనకు ఎదురెళ్లేవారు. తగ్గేవారు కాదు. దాంతో వీరి మధ్య ఎంత స్నేహం ఉందో.. అంతే వివాదాలు కూడా ఉన్నాయి. అయితే ఎవరి తప్పు.. ఎవరి ఒప్పు అనేది పక్కన పెడితే.. వీరి మధ్య వివాదాలకు సబంధించి ఇండస్ట్రీలో ఎప్పటికప్పుడు హాట్ హాట్ న్యూస్ లు బయటకు వచ్చేవి. 

ఇప్పటికీ అవి వైరల్ అవుతూనే ఉన్నాయి. ఈక్రమంలో ఎన్టీఆర్ - కృష్ణ మధ్య జరిగిన టైటిల్ వార్ గురించి ఇప్పడు తెలుసుకుందాం. అన్నివివాదాలతో పాటు టైటిల్ కూడా వీరిమధ్య మరింత విభేదాలతను తీసుకు వచ్చింది. ఇంతకీ విషయం ఏంటంటే..? టాలీవుడ్ లో సీనియర్ ఎన్టీఆర్ – సూపర్ స్టార్ కృష్ణ మధ్య ఎన్నో విషయాలలో పోటా పోటీ ఉండేదని మనందరికి తెలుసు.

 సినిమాల విషయంలోనే కాదు..పొలిటికల్ గా కూడా వీరిమధ్య ఎప్పుడు ఏదొ ఒక ఇష్యు నడిచేది. ఇక వీరిమధ్య ఓసందర్భంలో టైటిల్ వార్ నడిచింది.  అది కూడా ఈ ఇద్దరు హీరోలు వారి కొడుకుల సినిమాల కోసం ఒకే టైటిల్ తో సినిమాలు చేశారు. ఎవరు తమ టైటిల్స్ ను మార్చుకోవడానికి ఇష్టపడలేదు. సూపర్ స్టార్ కృష్ణ తన పెద్ద కుమారుడు రమేష్ బాబును హీరోగా పరిచయం చేయాలని అనుకున్నారు. 

రమేష్ బాబు బాలనడుడిగా గతంలో సినిమాలు చేశారు. అల్లూరి సీతారామరాజు సినిమాలో చైల్డ్ ఆర్టిస్ట్ గా నటించిన రమేష్ బాబును హీరోగా పరిచయం చేస్తూ..  సామ్రాట్ సినిమాను స్టార్ట్ చేశారు కృష్ణ.   బాలీవుడ్ లో హిట్ అయిన బేతాబ్‌ సినిమాను తెలుగులో సామ్రాట్ గా రీమేక్‌ చేయాలని అనుకున్నారు.ఈ సినిమాలో హిందీలో సన్నిడియోల్ హీరోగా నటించారు. తెలుగులో దర్శకుడుగా విక్టరీ మధుసూదన్ రావు … సోన‌మ్ అనే బాలీవుడ్ హీరోయిన్ ను తెలుగు ఇండస్ట్రీకి పరిచయం చేస్తూ.. సినిమాను చేశారు. 

ఇక ఈ టైటిల్ వివాదంఅయ్యింది. ఇదే టైటిల్ తో బాలకృష్ణ హీరోగా మరో సినిమా తెరకెక్కింది. నిర్మాత కెసి శేఖర్ బాబు బాలకృష్ణతో సామ్రాట్ అనే టైటిల్ పెట్టి సినిమా తీస్తానని చెప్పారు. దర్శకేంద్రుడు రాఘవేంద్రరావు సారధ్యంలో ఈమూవీ తెరకెక్కింది. అయితే ఇక్కడే అసలు ట్విస్ట్ ఉంది. 

ఈ సినిమా టైటిల్ ను  కృష్ణ ముందే  రిజిస్టర్ చేయించారు. కాని తన టైటిల్ ను మార్చడానికి  నిర్మాత శేఖర్ బాబు ఒప్పుకోలేదు. అటు పెద్దాయన ఎన్టీఆర్ కూడా  ఎట్టి ప‌రిస్థితుల్లోనూ సామ్రాట్ టైటిల్ బాల‌య్య సినిమాకే పెట్టాల‌ని పంతం పట్టారు. సామ్రాట్ టైటిల్ తో సినిమా స్టార్ట్ చేసి.. రిలీజ్ కు కూడా రెడీ అయ్యారు. రెండు సినిమాలు సామ్రాట్ అనే టైటిల్ తో ప్రమోషన్స్ కూడా చేశారు.

కాని ఈ  వివాదం ఎక్కడివరకూ వెళ్తుందో అని భయపడ్డ ఇండస్ట్రీ పెద్దలు కొంత మంది.. రెండు వైపుల సర్దిచెప్పి.. అంతకు ముందే కృష్ణ రిజిస్టేషన్ చేసుకున్నారని.. నచ్చచెప్పడంతో..  బాలయ్య సినిమాను సహస్ర సామ్రాట్ గా మార్పించారు. అయితే ఇక్కడే ఉంది అసలు ట్విస్ట్ .. సామ్రాట్ టైటిల్ తో వచ్చిన ఈరెండు సినిమాలు భారీ డిజాస్టర్ ను మూటగట్టుకున్నాయి. రెండు సినిమాలు బాక్సాఫీస్ దగ్గర బోల్తా పడ్డాయి.