Thammudu Collections: నితిన్‌ `తమ్ముడు` ఫస్డ్ డే కలెక్షన్లు.. అస్సలు ఊహించరు

నితిన్‌ హీరోగా రూపొందిన `తమ్ముడు` మూవీ ఈ శుక్రవారం ఆడియెన్స్ ముందుకు వచ్చింది. భారీ అంచనాలతో రూపొందిన ఈ మూవీ ఫస్ట్ డే ఎంత వసూలు చేసిందో తెలుసుకుందాం. 

థియేటర్లలో సందడి చేస్తోన్న `తమ్ముడు`

నితిన్‌ హీరోగా లేటెస్ట్ గా `తమ్ముడు` అనే చిత్రం వచ్చింది. `వకీల్‌ సాబ్‌` ఫేమ్‌ వేణు శ్రీరామ్‌ దర్శకత్వంలో రూపొందిన ఈ మూవీని దిల్‌ రాజు, శిరీష్‌ రెడ్డి సంయుక్తంగా ఎస్‌వీసీ పతాకంపై నిర్మించారు.

 ఇందులో సీనియర్‌ నటి లయ, సప్తమి గౌడ, వర్ష బొల్లమ్మ, స్వసిక ముఖ్య పాత్రలు పోషించారు. సౌరభ్‌ సచదేవ నెగటివ్‌ రోల్‌ చేసిన ఈ మూవీ ట్రైలర్స్ తో ఆకట్టుకుంది. సినిమాపై భారీ హైప్‌ వచ్చింది. దీనికితోడు దిల్‌ రాజు కామెంట్స్ కూడా ఈ మూవీపై బజ్‌ పెరగడానికి కారణమని చెప్పొచ్చు.

`తమ్ముడు` చిత్రానికి మిశ్రమ స్పందన

వరుస పరాజయాలతో ఉన్న నితిన్‌ `తమ్ముడు` సినిమాతో కమ్‌ బ్యాక్‌ కావాలని, ఈ మూవీపై చాలా హోప్స్ పెట్టుకున్నారు. కానీ భారీ అంచనాలతో శుక్రవారం విడుదలైన ఈ చిత్రానికి మిశ్రమ స్పందన లభిస్తోంది. 

చాలా వరకు నెగటివ్‌ టాక్‌ వినిపిస్తుంది. మరి ఈమూవీకి ఫస్ట్ డే కలెక్షన్లు ఎలా ఉన్నాయనేది చూస్తే, చాలా వరకు డల్‌గానే ఉన్నట్టు తెలుస్తోంది.

ఈనేపథ్యంలో మొదటి రోజు వసూళ్ల వివరాలు ప్రముఖ ట్రేడ్‌ సైట్లు వెళ్లడించాయి. ఈ మూవీ తొలి రోజు ఆశించిన దానికంటే తక్కువే వచ్చాయి.

`తమ్ముడు` మూవీ తొలి రోజు వసూళ్లు

ట్రేడ్‌ వర్గాల నుంచి తెలుస్తోన్న సమాచారం ప్రకారం `తమ్ముడు` మూవీ తొలి రోజు రూ.3 కోట్ల వరకు వసూళ్లని రాబట్టినట్టు సమాచారం. 

సినిమాపై ఉన్న బజ్‌కి, అడ్వాన్స్ బుకింగ్స్ తో పోల్చితే ఈ మూవీకి ఆశించిన స్థాయిలో ఓపెనింగ్స్ రాబట్టలేకపోయింది. 

అంతేకాదు ఇటీవల కాలంలో నితిన్‌ కెరీర్‌లోనే అతి తక్కువ ఓపెనింగ్స్ గా చెప్పొచ్చు. కాంట్రవర్సీలు, హైప్‌ ఏది ఓపెనింగ్స్ కలెక్షన్ విషయంలో ప్రభావం చూపించలేకపోయాయి.

`తమ్ముడు` మూవీ బడ్జెట్‌, బిజినెస్‌ లెక్కలు

ఇక `తమ్ముడు` సినిమా బిజినెస్‌ చూస్తే ఈ చిత్రానికి సుమారు రూ..75కోట్ల బడ్జెట్‌ అయినట్టు సమాచారం. కాకపోతే దర్శకుడు వేణు శ్రీరామ్‌, హీరో పారితోషికం తీసుకోకుండా వర్క్ చేశారు.

 దీంతో నిర్మాత దీనికి సుమారు యాభై కోట్లు పెట్టారట. అయితే బిజినెస్‌ పరంగా రికవరీ బాగానే ఉంది. ఈ మూవీని అమెజాన్‌ ప్రైమ్‌ హక్కులను సొంతం చేసుకుంది.

దీనికి రూ.20కోట్ల వచ్చాయట. అలాగే శాటిలైట్‌ రూ.15 కోట్లు, మ్యూజిక్‌ రైట్స్ కోటి వరకు వచ్చాయని సమాచారం. మరోవైపు థియేట్రికల్‌ బిజినెస్‌ కూడా బాగానే అయ్యిందట. 

తెలుగు స్టేట్‌ రైట్స్ రూ.20కోట్లకు అమ్ముడు పోయాని, ఇతర స్టేట్స్, ఓవర్సీస్‌ రైట్స్ ఐదు కోట్లకు అమ్ముడు పోయినట్టు సమాచారం. ఇదే నిజమైతే నిర్మాత చాలా వరకు సేఫ్‌లోనే ఉన్నారని చెప్పొచ్చు. కానీ సినిమాని కొన్న బయ్యర్లకే నష్టాలు వచ్చే అవకాశం ఉంది.

వరుస పరాజయాల్లో నితిన్‌

నితిన్‌ చివరగా `భీష్మ` సినిమాతో విజయాన్ని అందుకున్నారు. ఆ తర్వాత వచ్చిన `చెక్‌`, `రంగ్‌ దే`, `మాచర్ల నియోజకవర్గం`, `ఎక్స్ టార్డినరీ మ్యాన్‌`, `రాబిన్‌హుడ్‌` చిత్రాలు పరాజయం చెందాయి. 

ఓటీటీలో వచ్చిన `మ్యాస్ట్రో` ఫర్వాలేదనిపించింది. కానీ థియేటర్లో వచ్చిన అన్ని సినిమాల నిరాశపరిచయాయి. మరి ఇప్పుడు `తమ్ముడు` కూడా ఆ స్థానంలో చేరుతుందా? గట్టెక్కుతుందా అనేది చూడాలి.