నితిన్‌ `తమ్ముడు` మూవీ 5 రోజుల కలెక్షన్లు చూస్తే షాకే.. నిర్మాత దిల్‌ రాజు ఎన్ని కోట్లు పోగొట్టుకున్నాడంటే?

నితిన్‌ హీరోగా నటించిన `తమ్ముడు` సినిమా గత వారం ఆడియెన్స్ ముందుకు వచ్చింది. ఈ మూవీ ఇప్పుడు దారుణమైన కలెక్షన్లని రాబట్టింది. 

నితిన్‌ `తమ్ముడు` మూవీ కలెక్షన్లు

నితిన్‌ని వరుసగా పరాజయాలు వెంటాడుతున్నాయి. ఇప్పటికే ఐదారు ఫ్లాప్‌లున్నాయి. ఇప్పుడు `తమ్ముడు` సినిమాతో అయినా హిట్‌ కొట్టాలని భావించారు. 

కానీ భారీ అంచనాల మధ్య విడుదలైన ఈ మూవీ కూడా నితిన్‌ని బాగా నిరాశ పరిచింది. బాక్సాఫీసు వద్ద ఇది ఏమాత్రం సత్తా చాటలేకపోతుంది. 

ఆడియెన్స్ ని థియేటర్‌కి రప్పటించడంలో సక్సెస్‌ కాలేకపోయింది. దీంతో కలెక్షన్లు చాలా డల్‌గా ఉన్నాయి. మొదటి వీకెండ్‌తో పోల్చితే ఇప్పుడు మరింత ఎక్కువగా పడిపోయాయి.

`తమ్ముడు` మూవీ ఐదు రోజులు వసూళ్లు

నితిన్‌ `తమ్ముడు` కలెక్షన్లు చూస్తే ఈ చిత్రం మొదటి రూ.3 కోట్ల గ్రాస్‌ వసూలు చేసింది. రెండో రోజు సగానికి తగ్గిపోయింది. మూడో రోజు మరింతగా పడిపోయింది. ఇక సోమవారం, మంగళవారం మరింత డల్‌ అయ్యింది. 

ఇప్పుడు ఈ మూవీ ఐదు రోజుల్లో కేవలం సుమారు ఆరు కోట్ల గ్రాస్‌ని వసూలు చేసిందని తెలుస్తోంది. ఈ లెక్కన ఈ మూవీ రూ.3కోట్ల డిస్ట్రిబ్యూటర్ షేర్‌ మాత్రమే రాబట్టింది.

`తమ్ముడు` మూవీ బడ్జెట్‌, బిజినెస్‌ లెక్కలు

`తమ్ముడు` మూవీ రూ.75కోట్ల బడ్జెట్‌తో రూపొందింది. శ్రీ వెంకటేశ్వరి క్రియేషన్స్ పతాకంపై దిల్‌ రాజు, శిరీష్‌ రెడ్డి నిర్మించారు. ఈ మూవీకి సుమారు రూ.25 కోట్ల థియేట్రికల్‌ బిజినెస్‌ అయ్యింది. అందులో ఇప్పుడు మూడు కోట్లు మాత్రమే వచ్చాయి. 

ఇంకా రూ.22కోట్లు రాబట్టాల్సి ఉంది. లాంగ్‌ రన్‌లోనూ మహా అయితే ఇంకా కోటి, రెండు కోట్ల వరకు వసూళు చేసే ఛాన్స్ ఉంది. ఈ లెక్కన ఈ మూవీని కొన్న డిస్ట్రిబ్యూటర్లకి ఇరవై కోట్ల వరకు నష్టాలు వచ్చే అవకాశం ఉంది.

`తమ్ముడు`తో దిల్‌ రాజుకి మరో బిగ్‌ లాస్‌

అయితే `తమ్ముడు` సినిమాకి నాన్‌ థియేట్రికల్‌ బిజినెస్‌ కూడా బాగానే అయ్యిందట. రూ.20కోట్ల ఓటీటీ రైట్స్, రూ.15కోట్లు శాటిలైట్‌ రైట్స్, కోటీ మ్యూజికల్‌ రైట్స్ రూపంలో వచ్చినట్టు సమాచారం.

 ఈ లెక్కన నిర్మాతకు విడుదలకు ముందే దాదాపు అరవై కోట్లు వచ్చాయి. కానీ డిస్ట్రిబ్యూటర్లే భారీగా నష్టపోయే ఛాన్స్ ఉంది. దీన్ని దిల్‌ రాజు ఎలా భర్తీ చేస్తారో చూడాలి. 

ఈ సంక్రాంతికి `గేమ్‌ ఛేంజర్‌`తో వంద కోట్ల వరకు నష్టాలను చవిచూసిన ఆయన ఇప్పుడు `తమ్ముడు`తో మరో ఇరవై కోట్లకుపైగానే నష్టపోయే అవకాశం ఉంది.

అక్క ఇచ్చిన మాట కోసం తమ్ముడి పోరాటం

ఇక వేణు శ్రీరామ్‌ దర్శకత్వంలో రూపొందిన `తమ్ముడు` చిత్రంలో నితిన్‌ హీరోగా నటించగా, లయ, సప్తమిగౌడ, స్వసిక ముఖ్య పాత్రలు పోషించారు. 

అక్క ఇచ్చిన మాట కోసం తమ్ముడు చేసే పోరాటం ప్రధానంగా సాగే ఈ చిత్రం జులై 4న ఆడియెన్స్ ముందుకు వచ్చింది.  గ్రాండ్‌గా రిలీజ్‌ అయ్యింది.

 సెంటిమెంట్‌, యాక్షన్‌ సీన్లు బాగున్నా, కథలో దమ్ములేకపోవడంతో, ఆసక్తికరంగా తెరకెక్కించలేకపోవడంతో సినిమా ఆడియెన్స్ కి కనెక్ట్ కాలేదు. దీంతో ఫ్లాప్‌ టాక్‌ తెచ్చుకుంది.