Prema Entha Madhuram: మాన్సీని అనుమానిస్తున్న నీరజ్.. ఎంట్రీ ఇస్తూనే శాడిజం చూపించిన అంజలి అన్నయ్య!

Prema Entha Madhuram: జీ తెలుగులో ప్రసారమవుతున్న ప్రేమ ఎంత మధురం సీరియల్ ఎంతో ఇంట్రెస్టింగ్ గా ఉండటంతో  మంచి రేటింగ్ ని సంపాదిస్తుంది. స్వేచ్ఛ, స్వతంత్రాల కోసం అత్తింటిని నరకంగా మారుస్తున్న ఒక కోడలి కధ ఈ సీరియల్.ఇక ఈరోజు ఏప్రిల్ 4 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో నా కోడలికి నేనే తినిపిస్తాను అంటూ శారదమ్మ అనుకి భోజనం తినిపిస్తూ ఉంటుంది. అదే సమయంలో ఆర్య కి నీరజ్ భోజనం వడ్డిస్తాడు. ఉప్పు, కారాలు భరించలేక పోతారు కానీ శారదమ్మ బాధపడుతుందని ఏమీ మాట్లాడకుండా ఊరుకుంటారు. కాసేపటి తర్వాత నీరజ్ కూడా తినడం ప్రారంభిస్తాడు.ఉప్పులు, కారాలు భరించలేక ఎలా తింటున్నారు అంటూ గోల గోల చేసేస్తాడు. నేను ఉప్పు, కారాలు బానే వేశాను అంటుంది శారదమ్మ. అయినా అలా తినేయడమేనా చెప్పాలి కదా అంటూ అనుని మందలిస్తుంది. 

నువ్వు ప్రేమతో చేసి తీసుకొచ్చావు కదమ్మా అందుకే అంటాడు ఆర్య. నువ్వేమైనా ట్రిక్ ప్లే చేసావా అంటూ మాన్సీ ని అడుగుతాడు నీరజ్.నేను మరీ అంత క్రూయల్ గా కనిపిస్తున్నానా ఇట్స్ ఇన్సల్టింగ్ నేను వెళ్ళిపోతున్నాను అంటుంది మాన్సీ. పండగపూట గొడవలు ఎందుకు అంటుంది శారదమ్మ. మీ ఇద్దరికీ కడుపునిండా అన్నం పెడదామని వచ్చాను కడుపు మండేలాగా చేశాను అంటూ గిల్టీగా ఫీల్ అవుతుంది శారదమ్మ. ఎందుకు బాధ పడతావు నువ్వు అనుకున్నట్లుగానే అందరం కలిసే భోజనం చేద్దాము అంటూ ఆర్య, నీరజ్ వంట ప్రారంభిస్తారు.

శారదమ్మ అందరికీ భోజనాలు తినిపిస్తుంది. ఈ సంతోషమే నేను కోరుకునేది అంటూ ఎమోషనల్ అవుతుంది శారదమ్మ. అక్కడ ఉన్న గిఫ్ట్ ని అంజలి ఇచ్చిందని తెలుసుకొని సంతోషిస్తుంది శారదమ్మ. అంజలి చాలా మంచి అమ్మాయి కొందరు అలా ఉంటే చాలా బాగుంటుంది అంటూ మాన్సీ ని చూస్తూ అంటాడు నీరజ్. మన కుటుంబానికి కూడా మంచి రోజులు వస్తాయి నువ్వు అనుకున్నట్లే అంతా జరుగుతుందమ్మా అంటాడు నీరజ్.ఆ రోజు కోసమే ఎదురు చూస్తున్నాను అంటుంది శారదమ్మ. మరోవైపు టెన్షన్ గా ఉన్న అంజలిని ఎందుకు అలా ఉన్నారు అని అడుగుతుంది అను. యూఎస్ నుంచి నా బ్రో వస్తున్నాడు. 

వాడు నాకు బ్రో కాదు శాడిజనికే బ్రో. వాడి మాట దక్కించుకోవడానికి ఎంత దూరమైనా వెళ్తాడు అంటుంది అంజలి. బిజినెస్ లో మీకు హెల్ప్ చేయడానికి కదా వస్తున్నాడు అంటుంది అను. నేను ఇక్కడికి వచ్చేటప్పుడు ప్రాజెక్టు సక్సెస్ చేయలేను అని ఫుల్ గా డిస్క్రైజ్ చేశాడు. కానీ ఆర్య సపోర్ట్ తో సక్సెస్ అయ్యాను కదా. అసలు ఇక్కడ ఏం జరుగుతుందో అని యాంగ్సైటితో వస్తున్నాడు. ఎప్పుడు ఎలాంటి డెసిషన్ తీసుకుంటాడో వాడికే తెలియదు. ఇప్పటివరకు ప్రశాంతంగా నడిచింది ఇంక వీడు వచ్చాక వెళ్లి ట్విస్టులు ఇస్తాడో ఏంటో అంటూ టెన్షన్ పడిపోతుంది అంజలి.

మరోవైపు ట్రాఫిక్ జామ్ లో కారు ఆగటంతో రాంగ్ రూట్లో వెళ్ళమంటాడు అంజలి వాళ్ళ అన్నయ్య. నేను రూల్స్ అతిక్రమించను అంటాడు డ్రైవర్. వెంటనే వాడిని ఉద్యోగం నుంచి పీకేస్తాడు అంజలి వాళ్ళ అన్నయ్య. ఆ విషయాన్ని డ్రైవర్ ఫోన్ చేసి చెప్తే నీకు వేరే దగ్గర జాబ్ అరేంజ్ చేస్తాను అంటూ.. వస్తూనే శాడిజం స్టార్ట్ చేశాడు అంటూ తల పట్టుకుంటుంది అంజలి. చాలా విచిత్రమైన మనిషి లాగా ఉన్నాడు అంటుంది అను. ఇంతలోనే ఇంటికి వచ్చేస్తాడు అంజలి వాళ్ళ అన్నయ్య. టెన్షన్ పడుతూనే అతన్ని రిసీవ్ చేసుకుంటుంది అంజలి. 

 ప్రయాణం బాగా సాగిందా అని అంజలి అడుగుతుంది. పర్వాలేదు ఇండియా అంటేనే బ్యూటిఫుల్ ఎంజాయ్ చేద్దాం అనుకున్నాను కానీ ఆ అందము ఎక్కడా కనిపించలేదు అంటాడు అంజలి వాళ్ళ అన్నయ్య. అంతలోనే దిష్టి తీయడానికి వచ్చిన అనుని చూసి బ్యూటిఫుల్ అనుకుంటాడు. అంజలి దిష్టి తీస్తుంటే నోటితో ఆర్పేసి 2023లో ఉన్న కూడా ఇంకా ఈ ఫార్మాలిటీస్ అవి ఏంటి ఫూలిష్నెస్ కాకపోతే అంటాడు అంజలి వాళ్ళ అన్నయ్య. ఇది మన దేశ ఆచారం సర్ ఎక్కడెక్కడో తిరిగి వస్తారు, వాళ్లతో పాటు నెగటివ్ ఎనర్జీ కూడా వస్తుంది అందుకే దాన్ని గుమ్మం బయటే తీసేయాలని ఇలాంటి ఆచారం పెట్టారు అంటుంది అను.

ఇలాంటి నీతి వాక్యాలు చెప్తున్నావు అంటే నువ్వు అపర్ణ అంతేనా నీ గురించి నాకు నా సిస్టర్ చెప్తూనే ఉండేది. మా చెల్లెలికి మంచి కంపెనీ ఇచ్చి మంచి వంటలు చేసి పెడుతున్నావ్ అంట కదా అంటూ లోపలికి వస్తాడు అతను. ఫ్రెష్ అయ్యి రా భోజనం చేద్దాం అంటుంది అంజలి. భోజనం చేసిన వెంటనే కన్స్ట్రక్షన్ సైట్ కి వెళ్దాము అంటాడు అంజలి వాళ్ళ అన్నయ్య.

ఇప్పుడే వచ్చావు కదా కాస్త రెస్ట్ తీసుకో అంటుంది అంజలి. ఫస్ట్ వర్క్ నెక్స్ట్ రెస్ట్ అంటూ అనుని కాఫీ అడుగుతూ నీ అంత స్వీట్ గా ఉండాలి అంటాడు. ఒకసారి గా షాక్ అవుతారు అను, అంజలి. తర్వాత ఏం జరిగిందో రేపటి ఎపిసోడ్ లో చూద్దాం.