Intinti gruhalakshmi: సామ్రాట్ తో తులసి బిజినెస్ ట్రిప్.. అది చూసి తట్టుకోలేకపోతున్న నందు!

Intinti Gruhalakshmi: బుల్లితెరపై ప్రసారమవుతున్న ఇంటింటి గృహలక్ష్మి  (Intinti Gruhalakshmi) సీరియల్ మంచి కాన్సెప్ట్ తో కొనసాగుతుంది. భర్తతో విడిపోయి కుటుంబం కోసం ఒంటరిగా పోరాడే మహిళ కాన్సెప్ట్ తో ప్రసారం అవుతున్న ఈ సీరియల్ ఈరోజు ఆగస్ట్ 8వ తేదీ ఎపిసోడ్ లో ఏం జరిగిందో హైలెట్స్ తెలుసుకుందాం...  

ఈరోజు ఎపిసోడ్ ప్రారంభంలోనే... నందు, నీకు ఏమైనా అందం లేదా? లేకపోతే మంచితనం లేదా? ఆస్తి లేనంత మాత్రాన పనికిమాలిన వాడిని అవుతానా? నన్ను పొగడొచ్చు కదా , అసలు నాకు సామ్రాట్ కి మధ్య హ్యాండ్ రెస్లింగ్ ఎందుకు మొదలు పెట్టావు? అని  లాస్యను తిడతాడు. నీ ఆనందం కోసమే కదా! చెప్పింది ,అయినా నువ్వు అందులో గెలిచావు కదా ఇంకేంటి బాధ అని లాస్య అడగగా, నేను గెలవలేదు. సామ్రాట్ కావాలని నన్ను గెలిపించాడు. తులసి సామ్రాట్ ని ఓడిపోమని చెప్పింది నాకల్లారా నేను దాన్ని చూశాను అని అంటాడు నందు. అప్పుడు లాస్య నిజంగానే విషయం నాకు తెలీదు.

ఈరోజు కాకపోతే రేపు మనది అవుతాది కనుక మంచిగా ఉంటే ఈ జాబ్స్ మనతోనే ఉంటాయి అని లాస్య అనగా, ఈ జాబ్ పోతే ఇంకో జాబ్ చేసుకుందాము అని నందు కోపంగా అంటాడు. జాబ్ దొరకడం ఎంత కష్టమో తెలుసా. సామ్రాట్ తో పోటీ పడడం మానేసి ఆయనకి నచ్చే విధంగా మెలుచుకో అని నందుని లాస్య తిట్టి అక్కడి నుంచి వెళ్ళిపోతుంది. ఆ తర్వాత సీన్లో సామ్రాట్, వాళ్ళ బాబాయ్ తో పాటు తులసి వాళ్ళ ఇంటికి వెళ్లి చమత్కారంతో "బాబాయి నేను ఎంత చెప్పినా నువ్వు వినిపించుకోవు, నీకు వయసు అయిపోతున్న సరే నువ్వు ఇంకా మారవు.

నువ్వు తులసి గారిని అడగకూడని విషయాలు అడిగావు. ఇప్పుడు తులసి గారికి మన మీద కోపం వచ్చింది. కనీసం ఇంట్లోకి కూడా తీసుకెళ్లడం లేదు చూసారా?  ఇప్పుడు మంచి మనసుతో తులసి గారు మనల్ని క్షమించుతారు అని మనం అనుకున్నాము. అది జరగని పని అని మనకు ఎలాగా తెలుసు అని నటిస్తాడు. తులసి నవ్వుకుంటూ ఇదంతా వింటూ ఉంటుంది. సరే బాబాయ్ ఇంక మనం వెళ్ళిపోదామని తిరిగి వెళ్ళిపోతున్న సమయంలో, తులసి నవ్వుతూ నేను ఆ సంఘటన నిన్నే మర్చిపోయాను. ఇంక దాని గురించి వదిలేయండి అని అంటుంది.

అప్పుడు సామ్రాట్ మీరు నిజంగానే ఆ సంఘటన మర్చిపోయారు అంటే నిన్న మీరు మా ఇంట్లో వదిలేసిన మీ గిఫ్ట్ని మళ్ళీ తీసుకుంటారు అని చెప్పి కార్ లోనుంచి ఆ వీణను తీసి తులసికిస్తాడు. తులసి ఆనందంగా వీనని తీసుకుంటుంది. ఇంక మేము బయలుదేరుతాం తులసి గారు. మీటింగ్ ఉంది, మీరు రావాలి మేము ముందు వెళ్లిపోతాము అని చెప్పి అక్కడి నుంచి వెళ్ళిపోతాడు సామ్రాట్. ఆ తర్వాత సీన్లో లాస్య, నందు ,సామ్రాట్, తులసి కోసం ఎదురు చూస్తూ ఉంటారు. అప్పుడు లాస్య నాకు తర్వాత ఇంకో రెండు మీటింగ్స్ ఉన్నాయి.

ఏంటి తులసి ఇంత లేట్ చేస్తుంది? అని అంటుంది.  ఇదే అవకాశం అని చెప్పి లాస్య ,నందుతో తులసిని తిడుతూ ఉంటుంది. ఈలోగా తులసి కంగారుగా అక్కడికి వస్తుంది. మనిషికి మంచితనం నిజాయితీ ఎంత అవసరమో వర్క్ విషయంలో టైం పంచ్వాలిటీ కూడా అంతే అవసరం అని సామ్రాట్ తులసిని అంటాడు. ఇదే అవకాశం అని చెప్పి నందు కూడా మీ కారణంగా మా వర్క్స్ అన్నీ లేట్ అయ్యాయి అని అంటాడు. లాస్య కూడా తులసిని తిడుతూ ఉంటాది. అప్పుడు సామ్రాట్ ఇక్కడ బాస్ ని నేను, అడగాల్సింది నేను, తులసి గారిని తిట్టే హక్కు మీకు లేదు, తులసికి సారీ చెప్పండి అని సామ్రాట్ అంటాడు.

నందు, లాస్యలు తులసికి సారీ చెప్తారు. ఎందుకు లేట్ అయింది అని సామ్రాట్ వాళ్ళ బాబాయ్ తులసిని అడగగా మా అత్త మావయ్యలకు ఆరోగ్యం సరిగా ఉండదు. నా వంట తప్ప ఇంకెవరి వంట పట్టదు అందుకే కంగారుగా వంట చేసుకుంటూ వచ్చాను అని అంటుంది. అప్పుడు సామ్రాట్ వల్ల బాబాయ్ తులసిని, కన్నకొడుకే ఇంట్లో వాళ్ళందరినీ గాలికి వదిలేసాడు.కోడలువై ఉండి ఎన్ని పనులు చేస్తున్నావమ్మా అని తులసి ని పొగుడుతూ ఉంటారు. ఆ మాటలన్నీ నందు కి ముల్లుల్ల తగులుతాయి.నందు మొఖం మాడిపోతుంది. లాస్య టాపిక్ ని డైవర్ట్ చేస్తూ ఇంకా మీటింగ్ మొదలుపెడదామా? అని మీటింగ్ మొదలు పెడుతుంది.

అప్పుడు నందు, లాస్యలు ఆ ప్లాన్ అంతా తులసికి చెప్తారు. తులసికి ఆ ప్లాన్ నచ్చుతుంది. రేపు వైజాగ్ బిజినెస్ టూర్ వెళ్లడానికి సామ్రాట్ నందుని తోడుగా రమ్మంటాడు. కానీ నందు నాకు వేరే పని ఉంది అని చెప్తాడు. అప్పుడు సామ్రాట్ వాళ్ళ బాబాయి తులసిని నీకు తోడుగా తీసుకువెళ్ళు కొత్త కదా ఇదంతా నేర్చుకుంటుంది అని అనగా సామ్రాట్ తులసిని రమ్మంటాడు. అప్పుడు తులసి,ఇంట్లో వాళ్ళని అడిగి చెప్తాను అని అంటుంది. ఇదంతా నందు,లాస్యలు చూసి కుళ్లుకుంటారు. దాని తర్వాత సీన్లో లాస్య నందు దగ్గరికి వెళ్లి సామ్రాట్, తులసి గురించి చెప్పి నందుని రెచ్చగొడుతూ ఉంటుంది.ఇంతటితో ఎపిసోడ్ ముగుస్తుంది. తర్వాయి భాగంలో ఏం జరిగిందో తెలియాలంటే రేపటి వరకు ఎదురు చూడాల్సిందే!!