ఫారెన్‌లో నాగార్జునకి చుక్కలు చూపించిన నయనతార, ఫోన్‌ వస్తే వణికిపోయేవారట.. ఆ బ్యాడ్‌ డేస్‌ని స్వయంగా చూశాడట

లేడీ సూపర్‌ స్టార్‌ నయనతార ఇప్పుడు బిజీయెస్ట్ హీరోయిన్‌ అయితే. ఒకప్పుడు ఆమె నాగార్జునకి చుక్కలు చూపించిందట. అదికూడా ఫారెన్‌ లో. ఆ విషయాలను నాగ్‌ వెల్లడించారు.  

nayanthara

నయనతార ప్రస్తుతం సౌత్ లేడీ సూపర్‌ స్టార్‌గా రాణిస్తుంది. స్టార్‌ హీరోలకు దీటుగా సినిమాలు చేస్తుంది. ఆమె సినిమాలు పెద్ద పెద్ద హీరోల మూవీస్‌కి పోటీగా విడుదలై కలెక్షన్లని రాబడుతుండటం విశేషం. అయితే నయనతార జీవితంలో చాలా స్ట్రగుల్స్ ఉన్నాయి. మూడు సార్లు లవ్‌ ఫెయిల్యూర్స్ అయ్యాయి. ఈ క్రమంలో ఆమె ఎంతో స్ట్రగుల్‌ అయ్యింది. కానీ దాన్ని తట్టుకుని నిలబడింది. లేడీ సూపర్‌ స్టార్‌గా పేరు తెచ్చుకుంది. 

ఇదిలా ఉంటే నయనతార హీరో నాగార్జునకి చుక్కలు చూపించిందట. ఫారెన్‌లో షూటింగ్‌కి వెళితే ఓ రకంగా భయపెట్టేసిందట. ఆమెకి ఫోన్‌ వస్తే చాలు నాగ్‌తోపాటు టీమ్‌ మొత్తం వణికిపోయేవాళ్లట. షూటింగ్‌ చేయాలంటే చాలా ఇబ్బందిగా ఉండేదట. దాన్ని నాగార్జున స్వయంగా ఫేస్‌ చేశాడట. ఆయనే ఈ విషయాన్ని బయటపెట్టాడు. ఇప్పుడు ఆమె పరిస్థితిని చూస్తుంటే హ్యాపీగా ఉందన్నాడు. మరి అంతగా నాగ్‌ని నయన్‌ ఎందుకు భయపెట్టింది, అసలు అప్పుడు ఏం జరిగిందనేది చూస్తే. 

నాగార్జునతో నయనతార మొదటిసారి `బాస్‌` సినిమాలో నటించింది. ఇది పెద్దగా ఆడలేదు. ఆ తర్వాత కొంత గ్యాప్‌ తర్వాత `గ్రీకు వీరుడు` సినిమాలో నటించింది. ఈ మూవీ షూటింగ్‌ విదేశాల్లో జరిగింది. కొన్ని పాటలు కూడా అక్కడ షూట్‌ చేశారు. అయితే ఆ సినిమా షూటింగ్‌ సమయంలోనే నయనతార లవ్‌ ఎఫైర్లతో బిజీగా ఉందట. అవి బ్రేకప్‌ అయి బాగా డిస్టర్బర్‌గా ఉండేవట. శింబుతో, ఆ తర్వాత ప్రభుదేవాతో ప్రేమ వ్యవహారం నడిపించిన విషయం తెలిసిందే. కానీ కరెక్ట్ గా నాగ్‌తో సినిమా సమయంలోనే ఈ బ్రేకప్‌ వ్యవహారాలు నడిచేవి. ప్రభుదేవాతో ఎంగేజ్‌మెంట్‌ క్యాన్సిల్‌ అయ్యింది. దీంతో నయనతార చాలా సఫర్‌ అయ్యిందట. ఫ్రీగా ఉండేది కాదని, తరచూ ఏదో ఒక ఫోన్‌ వచ్చేదట. ఆ ఫోన్‌ వస్తే బాగా అరిచేదని, ఫైరింగ్‌ లో ఉండేదట. 

నయనతారకి ఫోన్‌ వస్తే చాలు ఆమె మూడ్‌ మొత్తం మారిపోయేదని, దీంతో టీమ్‌ మొత్తం భయపడిపోయేవారట. తరచూ ఇలానే జరుగుతుండటంతో ఎట్టకేలకు నాగార్జున ఆమెని అడిగాడట. సమస్య ఏంటి ? ఆమె ఈ విషయాలు చెప్పారట. తాజాగా నయనతార కెరీర్‌పై డాక్యుమెంటరీని రూపొందించారు. `Nayanthara 'Beyond the Fairytale` పేరుతో దీన్ని రూపొందించారు. ఇందులో నాగార్జున ఈ విషయాలను పంచుకున్నారు.  ఈ వరుస హార్ట్ బ్రేక్స్ తర్వాత నయనతార మారిపోయింది. విఘ్నేష్‌ శివన్‌తో ప్రేమలో పడి పెళ్లి చేసుకుంది. రెండేళ్ల క్రితం వీరి మ్యారేజ్‌ జరిగింది. వీరికి ఇద్దరు కవల పిల్లలు కూడా ఉన్నారు. ఇప్పుడు ఆమె హ్యాపీగా ఉండటం చాలా సంతోషంగా ఉందని చెప్పారు నాగార్జున. 

నయనతార, నాగార్జున కలిసి నటించిన `బాస్‌`, `గ్రీకు వీరుడు` రెండు సినిమాలు పరాజయం చెందాయి. కానీ వీరిద్దరికి మాత్రం మంచి జోడీ అనే పేరు వచ్చింది. ఇక నయనతార ప్రస్తుతం ఓ వైపు ఫ్యామిలీని టేక్‌ కేర్‌ చేస్తూనే, మరోవైపు సినిమాలు చేస్తుంది. ఆమె చేతిలో ప్రస్తుతం ఐదారు సినిమాలున్నాయి.