Kanguva suffers a loss of Rs 180 crore : స్టార్ హీరో సూర్య నటించిన భారీ బడ్జెట్ మూవీ "కంగువ" కోట్లలో నష్టాన్ని చవిచూసిందని సినీ ట్రేడ్ వర్గాలు పేర్కొంటున్నాయి. అయితే, కంగువతో పాటు సూర్య కెరీర్ లో డిజాస్టర్ సినిమాలు ఏవో మీకు తెలుసా?
తమిళ సినీ పరిశ్రమలో స్టార్ నటుల్లో ఒకరైన సూర్య.. విభిన్న కథాంశాలు, అద్భుతమైన నటనతో తనకంటూ ప్రత్యేక గుర్తింపు సాధించారు. సూర్య సినీ కెరీర్ గమనిస్తే నేరుకు నేర్ సినిమాతో వెండితెరకు పరిచయమయ్యారు. ఒకప్పుడు తమిళ సినిమాల్లో మాత్రమే నటించే అతను ప్రస్తుతం వివిధ భాషల్లో నటిస్తూ పాన్ ఇండియా సినిమాలు చేస్తున్నాడు. మొదటి సినిమాతోనే హిట్ కొట్టిన సూర్య.. రెండో సినిమాతో ఫ్లాప్ ను చూశాడు. ఆ తర్వాత సందిప్పోమా, పెరియన్న, శ్రీ, మాయావి, అంజాన్, ఎన్జీకే వంటి ఫ్లాప్ సినిమాలు వచ్చాయి.
సూర్య కెరీర్ లో అదరుదైన సినిమాగా నిలిచిన 'జై భీమ్' మూవీ అమెజాన్ ప్రైమ్ వీడియోలో విడుదలై సూపర్ డూపర్ హిట్ అయ్యింది. ఈ సినిమాతో పాటు సింగం సిరీస్ తప్పా గత 11 ఏళ్లుగా సూర్య ఒక్క హిట్ కూడా లేదు. ఆ సినిమాలో పోలీసుల గొప్పతనాన్ని చూపించి, ఇప్పుడు కంగువాలో పోలీసులకి వ్యతిరేకమైన పాత్రలో నటించారు సూర్య.
ఇప్పటివరకు సూర్య 43 సినిమాల్లో నటించిన సూర్య కెరీర్ లో నష్టాలు తెచ్చిన సినిమాల వివరాలు ఇప్పుడు తెలుసుకుందాం.
అంజాన్:
లింగుస్వామి దర్శకత్వంలో సూర్య, సమంత నటించిన యాక్షన్ సినిమా అంజాన్. 2014లో విడుదలైన ఈ సినిమాకి యువన్ శంకర్ రాజా సంగీతం అందించారు. కృష్ణ తన సోదరుడు రాజు భాయ్ కోసం ముంబై వస్తాడు. రాజు భాయ్ గ్యాంగ్ స్టర్ స్నేహితుల ద్వారా అతని గత జీవితం తెలుస్తుంది. చివరికి రాజు భాయ్ ఎవరు, అతనికి ఏమి జరిగిందనేది కథ.
మాస్:
వెంకట్ ప్రభు దర్శకత్వంలో సూర్య ద్విపాత్రాభినయం చేసిన సినిమా మాస్. ఈ సినిమాలో నయనతార, ప్రణిత, ప్రేమ్జీ, పార్థిబన్, సముద్రఖని వంటి వారు నటించారు. యువన్ శంకర్ రాజా సంగీతం అందించారు. సూర్య, జ్ఞానవేల్ రాజా కలిసి నిర్మించిన ఈ సినిమా పూర్తిగా ఫ్లాప్ అయ్యింది.
24:
విక్రమ్ కుమార్ దర్శకత్వంలో సూర్య, సమంత, నిత్య మీనన్ నటించిన ఈ సినిమా నష్టాలను చవిచూసింది. సూర్య తన 2D ఎంటర్టైన్మెంట్ సంస్థ ద్వారా ఈ సినిమాను నిర్మించారు.
సింగం 3:
హరి దర్శకత్వంలో సూర్య, అనుష్క, శృతి హాసన్, ఠాకూర్ అనూప్ సింగ్, రోబో శంకర్ నటించిన సింగం 3 (S3) 2017లో విడుదలైంది. జ్ఞానవేల్ రాజా ఈ సినిమాను నిర్మించారు. అయితే, బడ్జెట్ కు తగిన వసూళ్లు రాబట్టలేదు.
థాన సేర్ధ కూట్టం:
విగ్నేష్ శివన్ దర్శకత్వంలో సూర్య, కీర్తి సురేష్, కార్తీ, రమ్యకృష్ణ, సెంథిల్ నటించిన ఈ సినిమా 2018లో విడుదలైంది. అవినీతికి వ్యతిరేకంగా తీసిన ఈ సినిమా పూర్తిగా ఫ్లాప్ అయ్యింది.
ఎన్జీకే: సెల్వరాఘవన్ దర్శకత్వంలో పూర్తిగా రాజకీయ కథతో వచ్చిన ఈ సినిమాలో సూర్య, సాయి పల్లవి, రకుల్ ప్రీత్ సింగ్ నటించారు. యువన్ శంకర్ రాజా సంగీతం అందించారు. కానీ, విజయం సాధించలేకపోయింది.
కాపాన్: కె.వి. ఆనంద్ దర్శకత్వంలో మోహన్ లాల్, ఆర్య, సూర్య, సాయిషా నటించిన కాపాన్ 2019లో విడుదలై నష్టాలను మిగిల్చింది.
ఎదర్కుమ్ తునింధవన్: పాండిరాజ్ దర్శకత్వంలో సూర్య, ప్రియాంక మోహన్, శరణ్య పొన్నవన్, సత్యరాజ్, సూరి నటించిన ఈ సినిమా కాలేజీ విద్యార్థినులపై జరిగే దాడుల నేపథ్యంలో వచ్చింది. ఈ సినిమా యావరేజ్ గా నిలిచింది.
వరుసగా ఫ్లాప్ లతో ఇబ్బంది పడుతున్న సూర్యకు కంగువ హిట్ రూపంలో ఆశాకిరణం అవుతుందని అందరూ అనుకున్నారుే. అందుకే, సినిమా విడుదలకు ముందు బాగా ప్రచారం చేశారు. 2000 కోట్ల వరకు వసూళ్లు వస్తాయని చెప్పారు. కానీ, సినిమా విడుదలైన తర్వాత కంగువకు నెగెటివ్ టాక్ వచ్చింది.
బ్యాగ్రౌండ్ మ్యూజిక్, సంగీతం ఎక్కువగా ఉందని విమర్శలు వచ్చాయి. 350 కోట్లతో నిర్మించిన ఈ సినిమాలో చాలా మార్పులు చేసి మళ్ళీ విడుదల చేయబోతున్నారట. నెగెటివ్ టాక్ తో కంగువా థియేటర్ల నుండి తప్పుకుంటోంది. ఈ సినిమా 180 కోట్ల వరకు నష్టాన్ని మిగిల్చిందని చెబుతున్నారు. అధికారిక ప్రకటన రాలేదు. నిర్మాణ సంస్థ మాత్రం సినిమా సూపర్ హిట్ అని, రెండో భాగం వస్తుందని చెబుతుండటం గమనార్హం
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి