14 ఏళ్లు షూటింగ్ జరుపుకున్న ఏకైక సినిమా, రిలీజ్ చేస్తే రిజల్ట్ ఏమయ్యిందో తెలుసా?

ఒక సినిమాను పూర్తి చేయడానికి మహా అయితే ఏడాది.. ఆర్ఆర్ఆర్ లాంటి పెద్ద సినిమాలయితే రెండు మూడేళ్లు పడుతంది. ఇంతకంటే ఎక్కువ టైమ్ తీసుకున్న సినిమాల గురించి పెద్దగా తెలియకపోవచ్చు. కాని ఓ సినిమా మాత్రం షూటింగ్ పూర్తి చేయడానికి ఏకంగా 14 ఏళ్లు పట్టిందట. ఇంతకీ ఆ సినిమా ఏంటి? రిలీజ్ అయ్యిందా లేదా..? రిలీజ్ అయితే ఫలితం ఏంటి? 

సినిమా అనగానే దానికోసం కష్టపడిన ఎందరో కనిపిస్తారు.  నటీనటుల కృషి, దర్శకుల దృక్పథం, ఎన్నో సాంకేతిక విశేషాలు గుర్తుకొస్తాయి. కానీ కొన్ని సినిమాలు మాత్రం తాలూకు స్థాయిని మించి, ఓ చిరస్మరణీయ గుర్తుగా నిలుస్తాయి. అలాంటి సినిమాల్లో బాలీవుడ్‌కు చెందిన మొఘల్-ఏ-ఆజం ఒకటి. ఈ చిత్రాన్ని తెరకెక్కించేందుకు దాదాపు 14 ఏళ్లు పట్టింది, కానీ అది విడుదలైన తర్వాత మాత్రం భారతీయ సినిమా చరిత్రను పూర్తిగా మార్చేసింది.

mughal e azam

మొఘల్-ఏ-ఆజం సినిమా 1944లో మొదలై 1960లో పూర్తయింది. దర్శకుడు కె. అసీఫ్ తన దృష్టిలో ఉన్న కళాపరమైన నాణ్యతతో సినిమా తీర్చిదిద్దేందుకు సంవత్సరాల తరబడి కష్టపడ్డారు. మొదట ఈ సినిమాకు చాంద్‌నీ బేగం అనే టైటిల్ పెట్టినప్పటికీ, తరువాత మొఘల్-ఏ-ఆజంగా మార్చారు.

mughal e azam

ఈ సినిమాలో హీరోగా దిలీప్ కుమార్ నటించగా  ఆయనను మొదట  ఒప్పించడానికి దర్శకుడు తీవ్రంగా శ్రమించాల్సి వచ్చిందని చెబుతారు. సినిమా బడ్జెట్ కూడా అప్పట్లోనే అత్యధికంగా రూ. 1.5 కోట్లు కాగా, ప్రముఖ గీతం "ప్యార్ కియా తో డర్నా క్యా" కోసం మాత్రమే రూ. 10 లక్షలు ఖర్చు చేశారు. ఈ పాట ఇప్పుడు కూడా బాలీవుడ్ చరిత్రలో మైలురాయిగా గుర్తించబడుతుంది.

mughal e azam

1960 ఆగస్టు 5న విడుదలైన ఈ చిత్రం, ప్రేక్షకుల నుండి అద్భుత స్పందనను పొందింది. రిలీజ్ అయిన కొద్ది రోజుల్లోనే రూ. 11 కోట్లు వసూలు చేయడమేకాక, అనేక దేశాల్లో విడుదలై ఇండియన్ సినిమాను ప్రపంచం ముందుకు తీసుకెళ్లిన సినిమాగా నిలిచింది.

mughal e azam

మొఘల్-ఏ-ఆజం అత్యధికంగా కష్టపడి తీర్చిదిద్దిన సినిమాల్లో ఒకటిగా గుర్తింపు పొందింది. బాహుబలి వంటి చిత్రాలు ఐదేళ్లకు పైగా పట్టినా, మొఘల్-ఏ-ఆజం మాత్రం తొలితరం క్లాసిక్స్లో అగ్రస్థానాన్ని దక్కించుకుంది. దృశ్యకావ్యం లాంటి ఈ సినిమా ఇప్పటికీ బాలీవుడ్ లోగిలిలో నిలిచిపోయింది.