శివకార్తికేయన్ తండ్రిగా మోహన్ లాల్, గతంలో ఎన్టీఆర్, విజయ్ నాన్న పాత్రలో మలయాళ స్టార్ హీరో

SK24లో మోహన్ లాల్

మలయాళ సూపర్ స్టార్ మోహన్ లాల్ మళ్ళీ తండ్రి పాత్రలో నటించడానికి రెడీ అవుతున్నారు. గతంలో జూనియర్ ఎన్టీార్, విజయ్ దళపతి సినిమాల్లో తండ్రిగా నటించిన ఆయన.. తాజాగా యంగ్ స్టార్  శివకార్తికేయన్ కు కూడా తండ్రిగా నటిస్తున్నట్లు సమాచారం. శివకార్తికేయన్ తన 24వ సినిమాలో 'గుడ్ నైట్' దర్శకుడు వినాయక్ చంద్రశేఖర్ తో కలిసి పనిచేస్తున్నారు. ఈ సినిమాలో మోహన్ లాల్ తండ్రి పాత్రలో నటించేందుకు చర్చలు జరుగుతున్నాయట. 

మోహన్ లాల్ తనయుడిగా సివ

తండ్రి-కొడుకుల బంధం నేపథ్యంలో తెరకెక్కుతున్న ఈ చిత్రంలో మోహన్ లాల్ కీలక పాత్ర పోషిస్తున్నారని సమాచారం. అయితే, దీనిపై అధికారిక ప్రకటన ఇంకా రాలేదు. చర్చలు జరుగుతున్నాయని తెలుస్తోంది. మోహన్ లాల్ తండ్రిగా నటించడం ఇదే మొదటిసారి కాదు.  విజయ్ దళపతితో పాటు ఎన్టీఆర్ తండ్రిగా జనతా గ్యారేజ్ లో కూడా నటించారు. 

మోహన్ లాల్ సినిమాలు

ఇదిలా ఉండగా, మోహన్ లాల్ నటించిన 'దుడారమ్' బాక్సాఫీస్ వద్ద సత్తా చాటుతోంది. తరుణ్ మూర్తి దర్శకత్వం వహించిన ఈ చిత్రం కేరళలో అత్యధిక వసూళ్లు సాధించిన మలయాళ చిత్రంగా నిలవనుందని అంచనా. ప్రస్తుతం సత్యన్ అంతిక్కాడ్ దర్శకత్వంలో 'హృదయపూర్వం'లో మోహన్ లాల్ నటిస్తున్నారు. ఈ చిత్రంలో మాళవిక మోహనన్ కూడా కీలక పాత్ర పోషిస్తున్నారు. ఇంకా రజనీకాంత్ తో కలిసి 'జైలర్ 2'లోనూ నటిస్తున్నారు మోహన్ లాల్.  

సివకార్తికేయన్ సినిమాలు

శివకార్తికేయన్ తదుపరి ఏ.ఆర్.మురుగదాస్ దర్శకత్వంలో 'మద్రాసి' అనే యాక్షన్ చిత్రంలో నటిస్తున్నారు. ఈ చిత్రం సెప్టెంబర్ లో విడుదల కానుంది. ఇంకా ఆయన చేతిలో పరాశక్తి చిత్రం కూడా ఉంది. ఈ చిత్రానికి సుధా కొంగర దర్శకత్వం వహిస్తున్నారు. ఇందులో రవి మోహన్, శ్రీలీల, అథర్వ మురళి తో కలిసి శివకార్తికేయన్ నటిస్తున్నారు. ఈ చిత్ర షూటింగ్ చివరి దశకు చేరుకుంది. ఇది సివకార్తికేయన్ 25వ చిత్రం.