Miss World 2025: ఏఐజీ ఆసుపత్రిలో మిస్ వరల్డ్ అందగత్తెల సందడి..పేషంట్లతో కాసేపు ఇలా, వైరల్ ఫోటోస్

హైదరాబాద్‌లోని ఏషియన్ ఇన్‌స్టిట్యూట్ ఆఫ్ గాస్ట్రోఎంటరోలజీ (AIG) ఆసుపత్రుల్లో 2025 మిస్ వరల్డ్ పోటీదారులు వైద్య పర్యాటక కార్యక్రమంలో పాల్గొన్నారు. 

Courtesy: MissWorld.com

హైదరాబాద్‌లోని ఏషియన్ ఇన్‌స్టిట్యూట్ ఆఫ్ గాస్ట్రోఎంటరోలజీ (AIG) ఆసుపత్రుల్లో 2025 మిస్ వరల్డ్ పోటీదారులు వైద్య పర్యాటక కార్యక్రమంలో పాల్గొన్నారు. 72వ మిస్ వరల్డ్ ఫెస్టివల్‌లో భాగంగా, గాచిబౌలిలోని AIG ఆసుపత్రుల్లో ఈ కార్యక్రమం జరిగింది. 

Courtesy: MissWorld.com

 ఈ సందర్శనలో ఆఫ్రికా, యూరప్, ఆసియా ఖండాలకు చెందిన 37 మంది మిస్ వరల్డ్ 2025 అభ్యర్థులు పాల్గొన్నారు. వారికి ఘన స్వాగతం లభించింది. ఆసుపత్రి సౌకర్యాలను, ఎండోస్కోపీ సూట్స్, AI ఎక్స్‌పీరియన్స్ సెంటర్, కీమో వార్డు, రీసెర్చ్ సెంటర్, స్కిల్ ల్యాబ్స్, పిడియాట్రిక్ వార్డులను సందర్శించారు. 

Courtesy: MissWorld.com

డాక్టర్ నాగేశ్వర్ రెడ్డి 'ఆరోగ్య సంరక్షణ భవిష్యత్తు' అనే అంశంపై ప్రసంగించారు. తెలంగాణ ప్రభుత్వ ఆరోగ్య కార్యక్రమాల గురించి డాక్టర్ క్రిస్టినా Z చోంగ్తు వివరించారు. హైదరాబాద్ వైద్య పర్యాటక కేంద్రంగా ఎదుగుతున్నట్లు డాక్టర్ నాగేశ్వర్ రెడ్డి పేర్కొన్నారు. మిస్ వరల్డ్ సంస్థ చైర్మన్ జూలియా మోర్లీ హైదరాబాద్ ఆరోగ్య రంగాన్ని ప్రశంసించారు. 

తెలంగాణలో వైద్య పర్యాటకం గణనీయంగా పెరిగింది. 2014లో 75,000 మంది విదేశీ రోగులు వస్తే, 2024లో 1.55 లక్షల మంది వచ్చారు. దేశీయంగా, 8.82 కోట్ల మంది ఇతర రాష్ట్రాల నుండి వైద్యం కోసం వచ్చారు. ముఖ్యమంత్రి రేవంత్ రెడ్డి నాయకత్వంలో తెలంగాణ వైద్య పర్యాటక కేంద్రంగా అభివృద్ధి చెందుతోంది.  

ఈ కార్యక్రమం తెలంగాణలో ఆరోగ్య రంగంలో జరుగుతున్న అభివృద్ధిని ప్రపంచానికి చాటి చెప్పే ప్రయత్నంగా గుర్తింపు పొందింది. AIG హాస్పిటల్స్ తమ వైద్య రంగంలో ఉన్న సాంకేతికత, సదుపాయాలు, శిక్షణ పద్ధతుల గురించి వివరణాత్మకంగా మిస్ వరల్డ్ పోటీదారులకు వివరించాయి.

ఇదిలా ఉండగా మరికొందరు మిస్ వరల్డ్ పోటీదారుల బృందం చిలుకూరు ఎకో పార్క్ ని సందర్శించారు. ఆ దృశ్యాలు కూడా సోషల్ మీడియాలో వైరల్ అవుతున్నాయి. పార్క్ లో వీరంతా సరదాగా గడిపారు.