ఐకాన్ స్టార్ అల్లు అర్జున్ నటించిన పుష్ప 2 ఫీవర్ రోజు రోజుకి పెరుగుతోంది. ఇండియన్ సినిమా రికార్డులన్నింటినీ పుష్ప 2 బ్రేక్ చేస్తుంది అంటూ అంచనాలు వినిపిస్తున్నాయి. అడ్వాన్స్ బుకింగ్స్ లో జోరు మొదలైంది.
ఒకవైపు ఐకాన్ స్టార్ అల్లు అర్జున్ నటించిన పుష్ప 2 ఫీవర్ రోజు రోజుకి పెరుగుతోంది. ఇండియన్ సినిమా రికార్డులన్నింటినీ పుష్ప 2 బ్రేక్ చేస్తుంది అంటూ అంచనాలు వినిపిస్తున్నాయి. అడ్వాన్స్ బుకింగ్స్ లో జోరు మొదలైంది. అల్లు అర్జున్ కెరీర్ తొలి 1000 కోట్ల చిత్రం అంటూ ట్రేడ్ వర్గాలు అంచనా వేస్తున్నారు. ఇదిలా ఉండగా కాంట్రవర్సీలు కూడా అదే స్థాయిలో ఉన్నాయి. పుష్ప 2 చిత్రానికి దేవిశ్రీ ప్రసాద్ బిజియం ఇవ్వలేదు. దర్శక నిర్మాతలు అతడిని పాటల వరకు మాత్రమే పరిమితం చేశారు.
అది పెద్ద వివాదానికి దారితీసింది. దేవిశ్రీ బహిరంగంగా నిర్మాతలపై విరుచుకుపడ్డారు. ఇక మెగా, అల్లు ఫ్యాన్స్ మధ్య సోషల్ మీడియాలో ఒక రేంజ్ లో వార్ జరుగుతోంది. ఈ వివాదం ఎలా మొదలైందో ప్రత్యేకంగా చెప్పనవసరం లేదు. ఎన్నికల సమయంలో అల్లు అర్జున్ నేరుగా నంద్యాల వెళ్లి తన మిత్రుడు వైసిపి అభ్యర్థి శిల్పా రవి చంద్రారెడ్డికి మద్దతు తెలిపాడు.
తన కుటుంబానికి చెందిన పవన్ కళ్యాణ్ వైసీపీకి వ్యతిరేకంగా పోరాడుతుంటే.. అల్లు అర్జున్ అదే పార్టీకి చెందిన వ్యక్తికి మద్దతు ఇవ్వడం దేనికి సంకేతం అంటూ మెగా ఫ్యాన్స్ విరుచుకుపడ్డారు. ఆ వివాదం అలాగే కొనసాగుతోంది. మరోవైపు అల్లు అర్జున్ మెగా ఫ్యామిలీకి పూర్తిగా దూరమయ్యాడు అంటూ వార్తలు వస్తున్నాయి. తాజాగా మెగా బ్రదర్ నాగబాబు చేసిన పరోక్ష వ్యాఖ్యలు సంచలనంగా ఉన్నాయి. నాగబాబు కామెంట్స్ అల్లు అర్జున్ ని ఉద్దేశించే అంటూ నెటిజన్లు చెప్పుకుంటున్నారు.
ఇంతకీ నాగబాబు ఏమని ట్వీట్ చేసారంటే.. నీవు తప్పుడు దారిలో వెళుతున్నావని గ్రహించినప్పుడు వెంటనే సరిచేసుకోవాలి.. నీవు ఎంత ఎక్కువ దూరం రాంగ్ వేలో వెళితే.. తిరిగి వెనక్కి రావడం అంత కష్టం అవుతుంది అంటూ స్వామి వివేకానంద చెప్పిన కొటేషన్ ని పోస్ట్ చేశారు. ఈ పోస్ట్ అల్లు అర్జున్ ని ఉద్దేశించే అంటూ నెటిజన్లు కామెంట్స్ పెడుతున్నారు.
అల్లు అర్జున్ ఫ్యాన్స్ అయితే ఈ పోస్ట్ నీ కొడుకు వరుణ్ తేజ్ మట్కా మూవీ గురించే కదా అంటూ సెటైర్లు వేస్తున్నారు. మెగా అభిమానులు అల్లు అర్జున్ పై సెటైర్లు వేస్తున్నారు. ఇలా మెగా అల్లు వార్ పెద్ద ఎత్తున సోషల్ మీడియాలో జరుగుతోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి