తెలుగు, తమిళంలో స్టార్ హీరోయిన్ గా..
సహజమైన అందం, అద్భుతమైన నటనతో మీనా తెలుగు, తమిళ చిత్ర పరిశ్రమల్లో స్టార్ హీరోయిన్గా ఎదిగారు. 1980-90ల నుంచి చిరంజీవి, బాలకృష్ణ, నాగార్జున, వెంకటేష్, సుమన్, శ్రీకాంత్, తమిళంలో.. రజినీకాంత్, కమల్ హాసన్, విజయకాంత్, సత్యరాజ్, శరత్కుమార్, అజిత్ కుమార్ వంటి ఎందరో టాప్ హీరోలతో కలిసి హిట్ సినిమాల్లో నటించింది. ఇప్పటికీ కూడా తమిళం, తెలుగు, మలయాళంలో బిజీ ఆర్టిస్ట్ గానే కొనసాగుతోంది మీనా.
తెలుగు ఫిల్మ్ ఇండస్ట్రీలో ఎన్నో విజయవంతమైన చిత్రాల్లో నటించిన నటి మీనా, 'అల్లరి మొగుడు' సినిమా షూటింగ్ సమయంలో నటుడు మోహన్ బాబుతో తన అనుభవాలను.. ఓ ఇంటర్వ్యూలో వెల్లడించారు. ఆ సమయంలో తన వయసు తక్కువని, ఎంతో అమాయకంగా ఉండేదానినని ఆమె గుర్తు చేసుకున్నారు.