Janaki Kalaganaledu: మల్లికతో కలిసి నాటకం ఆడిన అఖిల్.. జ్ఞానాంబ ఇంటి మీదకు వచ్చిన జెస్సి తల్లిదండ్రులు!

Janaki Kalaganaledu: బుల్లితెరపై ప్రసారమవుతున్న జానకి కలగనలేదు సీరియల్ తెలుగు ప్రేక్షకుల్ని బాగా ఆకట్టుకుంటుంది. ఐపీఎస్ కలను నిజం చేసుకునేందుకు అత్తవారింట్లో జానకి పడే కష్టాలే ఈ సీరియల్ కాన్సెప్ట్. నిత్యం ట్విస్టులతో కొనసాగుతున్న ఈ సీరియల్ ఈ రోజు సెప్టెంబర్ 20వ తేదీ ఎపిసోడ్‌లో ఏం జరిగిందో తెలుసుకుందాం...  

ఈరోజు ఎపిసోడ్ ప్రారంభంలోనే...అఖిల్,మల్లిక దగ్గరికి వెళ్లి థాంక్యూ చిన్న వదినా నీవల్లే ఈరోజు నేను గండం నుంచి బయటపడ్డాను. నాకు DNA టెస్ట్ గురించి ముందే చెప్పి ఈ ఆత్మహత్య నాటకం ఆడించి అమ్మ దగ్గర నుంచి నన్ను కాపాడేవు అని అంటాడు. అప్పుడు మల్లికా, నేను నీ మేలుకోసమే ఎప్పుడు కోరుకుంటాను అని అంటుంది. అప్పుడు అఖిల్ అక్కడి నుంచి వెళ్ళిపోయిన తర్వాత మల్లిక, అఖిల్ కి విషయం చెప్పినప్పుడు, చేసుకుంటే చేసుకొని వదిన నేనేం తప్పు చేయలేదు అనాలి కదా. 

నేను చెప్పినట్టు చేసాడంటే కచ్చితంగా జెస్సీ కడుపు అఖిల్ ఏ కారణం అయ్యి ఉంటాడు అని అనుకుంటుంది.ఆ తర్వాత సీన్ ల్  రామా, జానకి తో,అఖిల్  ఆత్మహత్య ప్రయత్నం చేసుకున్నాడు అంటే అఖిల్ వైపు తప్పు లేకపోవచ్చు జానకి గారు మనం ఏమైనా పొరపాటు పడుంటామా అని అంటాడు. అప్పుడు జానకి,అఖిల్ ఇంత  తెలివిగా అత్తయ్య ముందు తప్పించుకుంటాడు అని అనుకోలేదు అని అనగా తెలివిగా తప్పించుకోవడం ఏంటి జానకి గారు అని అంటాడు రామ. 

అప్పుడు జానకి,గదిలో మనిద్దరం డిఎన్ఏ టెస్ట్ గురించి మాట్లాడితే బయట అఖిల్ కి ఎలా తెలిసి ఉంతుంది.అంటే మనల్ని ఫాలో అవుతున్నాడు, మన ప్రతి విషయాన్ని గమనిస్తున్నాడు అని అంటుంది.అప్పుడు రామ, కదా జానకి గారు ఇక్కడ మాట్లాడితే,అక్కడ ఎలా తెలిసింది  అని ఆలోచిస్తాడు.అప్పుడు జానకి, ఒకవేళ నిజంగా ఆత్మహత్య చేసుకోవాలనుకుంటే మనం తలుపు కొట్టి లోపలికి వెళ్లేంతవరకు ఆగడు. చదువుకునే వయసులో ఇలాంటి ఆలోచనలు రావడం ప్రమాదకరం అని అంటుంది జానకి.

 ఆ తర్వాత సీన్లో మల్లికా ఫోన్ పట్టుకొని లీలావతి పెద్దమ్మ ఇంకా మెసేజ్ చేయలేదు ఏంటి అని ఎదురుచూస్తుంది. ఇంతలో మల్లికకి మెసేజ్ వస్తుంది.హమ్మయ్య, ఇప్పుడు జెస్సి వాళ్ళ తల్లిదండ్రుల ఫోన్ నెంబర్లు దొరికేసాయి అని జెస్సి వాళ్ళ నాన్న కి ఫోన్ చేస్తుంది మల్లిక. అప్పుడు జెస్సీ నాన్న ఫోన్ ఎత్తుతారు. ఎవరు మాట్లాడుతున్నారు అని అడగా, నేను మీ శ్రేయోభిలాషి నీ మాట్లాడుతున్నాను.మీ కూతురు గర్భవతి అని తెలుసు, దానికి కారణం ఎవరో కూడా తెలుసు.

నిన్న మీ కూతురు ఆత్మహత్య ప్రయత్నం చేసుకోవాలి అని అనుకున్నది అని  కూడా నాకు తెలుసు, మీరు జానకిరామాలను ఎక్కువ నమ్ముతున్నారు. వాళ్ళు మిమ్మల్ని మోసం చేసి నమ్మిస్తున్నారు. మీరు నేరుగా వాళ్ళ ఇంటికి వచ్చి మాట్లాడితే తప్ప ఇక్కడ ఏ సమస్యలు తేలవు. మీరు వాళ్ళ మీద నమ్మకం పెట్టుకొని ఉంటే ఈ పెళ్లి ఇంకెప్పటికీ జరగదు త్వరగా జ్ఞానాంబ గారితో ముఖాముఖి తేల్చుకోండి అని చెప్పి ఫోన్ పెట్టేస్తుంది మల్లిక.అప్పుడు వాళ్ళు, తిను చెప్పింది కూడా సరైనదే కదా వెళ్లి మాట్లాడుదాం అని అనుకుంటారు. 

ఆ తర్వాత సీన్లో మల్లికా ఫోన్ పెట్టేసి, హాయిగా పాట పాడుతూ గెంతులు వేస్తుంది. గోవిందరాజు దీన్ని చూసి గెంతులు ఎందుకు వేస్తున్నావ్ అమ్మ అని అడగగా నేను అలా ఏమీ లేదు మావయ్య గారు మంచి నీళ్ళు తాగడం కోసం వచ్చాను. ఇంతలో కళ్ళు తిరిగినట్టు ఉన్నాయి మీకు దానికి గెంతుల్లా కనిపించాయి అని చెప్పి వెళ్ళిపోతుంది. గోవిందరాజుకి మల్లిక మీద అనుమానం వస్తుంది, ఇంట్లో అందరూ అంత బాధగా పడుతూ ఉంటే ఇది ఇంత ఆనందంగా ఉంది అని.ఆ తర్వాత రోజు ఉదయం అందరూ టిఫిన్ చేస్తూ ఉండగా మల్లిక, జెస్సీ తల్లిదండ్రులు ఇంకా రాలేదు అని ఎదురుచూస్తుంది. ఇంతలో జెస్సి తల్లిదండ్రులు అక్కడికి వస్తారు. 

అప్పుడు జ్ఞానాంబ అనుమతి లేకుండా లోపలికి వచ్చారు ఎవరు మీరు అని అనగా, మీ పెద్ద కొడుకుని, కోడల్ని అడగండి మేము ఎవరో చెప్తారు.మా కూతుర్ని ప్రేమ అని నమ్మించి గర్భవతిని చేసి ఇప్పుడు పెళ్లి చేసుకోవడానికి ఇబ్బంది పడుతున్న మీ కొడుకుని అడగండి అని అనగా, మా కొడుకు ఏమీ అలాంటి తప్పుడు మనిషి కాదు. ముందు నిజ నిజాలు తెలుసుకొని మాట్లాడండి అని అంటుంది జ్ఞానాంబ. మీ కొడుకు,కోడలి మాట నమ్మి ఇప్పటి దాకా ఊరుకున్నాను. ఒకసారి మీ కొడుకుని కావాలంటే అడగండి మీకే తెలుస్తుంది అని అనగా, మీ కూతురు మీద మీకు ఎంత నమ్మకం ఉందో, నా కొడుకు మీద కూడా, నా పెంపకం మీద నాకు  అంతే నమ్మకం ఉన్నది అని అంటుంది జ్ఞానాంబ. అయితే మీరు పెళ్లి చేపిస్తారా చేయించారా అని అడగగా పెళ్లి జరిగే ప్రసక్తే లేదు అని అంటుంది.అప్పుడు జానకి,రామాలు, ఇలా గొడవ జరిగితే పరిష్కారం దొరకదు అని అంటారు. 

అప్పుడు జెస్సి వాళ్ళ తండ్రి, నేను చివరిసారిగా అడుగుతున్నాను జరిగిన తప్పుకి మీరు ఎలాగా న్యాయం చేస్తారు అని అడుగుతాడు. అప్పుడు జ్ఞానాంబా, నేను మీకు ఇంకోసారి చెప్తున్నాను మా కొడుకు ఎటువంటి తప్పు చేయలేదు. అలాగే జెస్సి తో ఈ పెళ్లి జరగడం అసంభవం అని అంటుంది  దానికి ఇంట్లో వాళ్ళందరూ ఆశ్చర్యపోతారు. ఇంతటితో ఎపిసోడ్ ముగుస్తుంది.తరువాయి భాగంలో ఏం జరిగిందో తెలియాలి అంటే రేపటి వరకు ఎదురు చూడాల్సిందే!