Ennenno Janmala Bandham: ఆదిత్యకు దూరంగా ఉండమని కోడలికి సలహా ఇచ్చిన మాలిని.. భర్తకు పరీక్ష పెట్టిన వేద?

Ennenno Janmala Bandham: స్టార్ మాలో ప్రసారమవుతున్న ఎన్నెన్నో జన్మల బంధం సీరియల్ ప్రేక్షకుల హృదయాలని గెలుచుకొని మంచి రేటింగ్ ని సంపాదించుకుంటుంది. తన భర్తకు కొడుకుని దగ్గర చేయాలని ప్రయత్నిస్తున్న ఒక ఇల్లాలి కథ ఈ సీరియల్. ఇక ఈరోజు జూన్ 9 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో మాలిని ఆదిత్య, ఖుషి లకు భోజనం వడ్డిస్తూ ఉంటుంది. ఖుషి ఆమ్లెట్ కావాలంటూ పేచీ పెడుతుంది. ఆమ్లెట్ లేదు ఏమి లేదు కూర అన్నం తిను అంటుంది మాలిని. అంతలోనే అక్కడికి వచ్చిన యష్ తను ఆమ్లెట్ లేకుండా అన్నం తినదు కదమ్మా వదిలేయ్ అంటాడు. రోజు ఆమ్లెట్ తింటూ అసలు కూరలు తినడం మానేసింది అంటుంది మాలిని.

అంతలోనే వేద ఆమ్లెట్ తీసుకొని వస్తుంది. తనకోసమే తెచ్చింది అనుకుని సరదా పడుతుంది ఖుషి. నీకు వస్తుంది ముందు అన్నయ్యని తినని అని చెప్పి ఆమ్లెట్ ఆదిత్య కి ఇస్తుంది వేద. ఆదిత్య ఆమ్లెట్ తినటానికి ఇష్టపడడు పైగా వేదని కసురుకుంటాడు. ఆమ్లెట్ ఇష్టం లేదా లేక వేద ఇష్టం లేదా అని మనసులో అనుకుంటుంది మాలిని. నేను తినిపిస్తే తింటావా అని మనవడిని అడుగుతుంది.

తింటాను అంటూ ఆనందంగా చెప్తాడు ఆదిత్య. అంటే ఆదిత్య వేదని ఇష్టపడటం లేదన్నమాట అని మనసులో అనుకుంటుంది మాలిని. ఆ తర్వాత ఆదిత్య కోసం పాలు కలుపుతూ ఉంటుంది వేద. మాలిని వేద దగ్గరికి వచ్చి నువ్వు నీ కొడుకుని బాగా చూసుకుంటున్నావు అది నీకు గొప్పతనం కానీ ఆదిత్య మాత్రం నిన్ను సవతి తల్లిగానే చూస్తున్నాడు.

ఆదిత్య ఇంట్లోంచి వెళ్ళిపోకూడదన్నది వెళ్ళిపోకూడదంటే.. అంటూ ఇంకా మాట్లాడలేక వేద వైపు చూస్తుంది మాలిని. అర్థమైంది అత్తయ్య ఆదిత్య కి దూరంగా ఉండమంటున్నారు అంతే కదా అందుకు కూడా నేను సిద్ధమే అంటూ కన్నీరు పెట్టుకుంటుంది వేద. నీలో ఉన్న గొప్ప గుణం ఇదే.. పరిస్థితిని అర్థం చేసుకుంటావు అని చెప్పి అక్కడ నుంచి వెళ్ళిపోతుంది మాలిని.

పాలు తీసుకొని ఆదిత్య దగ్గరికి వెళ్తుంది వేద. అప్పటికే ఆదిత్య పడుకుంటాడు లేపుదాం అనుకుంటుంది కానీ మాలిని మాటలు గుర్తొచ్చి వెనక్కి తిరిగి వెళ్ళిపోతుంది. అప్పటికే నిద్రలో ఉన్న ఆదిత్య కలలో ఉంటాడు. కలలో మాళవిక మనిద్దరమే ఒకటి ఇంట్లో వాళ్ళందరూ ఒకటి వాళ్ళ మాటలు నిజం అని నమ్మకు. ఆ వేద మనకి దక్కాల్సిన ప్రేమని దక్కనివ్వడం లేదు.

రోడ్డు మీద ఉంటే కనీసం ఒక్కరైనా మనల్ని చూసి జాలిపడేవారు కానీ ఇక్కడ పరిస్థితి అంతకంటే దారుణంగా ఉంది మనల్ని ఎంత తొందరగా వదిలించుకుందామని చూస్తున్నారు ఆ బాధని భరించలేక తాగుతున్నాను అంటుంది మాళవిక. తల్లి బాధని చూడలేక పరిస్థితులు ఎలా ఉన్నా దయచేసి నువ్వు తాగొద్దు అంటూ ఆమెని హత్తుకుంటాడు ఆదిత్య. తన మాటలకి ప్రభావితం అయిన ఆదిత్య ని చూసి నవ్వుకుంటుంది మాళవిక.

దాన్ని తలుచుకుంటూ నాకు భయంగా ఉందమ్మా నన్ను వదిలి వెళ్ళిపోవద్దు అంటూ తల్లి చేయి పట్టుకుంటాడు ఆదిత్య. కానీ నిద్రలో ఉన్న ఆదిత్య పట్టుకున్నది వేద చేయి. ఎమోషనల్ అయిపోతుంది వేద. మరోవైపు తను చింపేసిన కోటి రూపాయల డాక్యుమెంటు మళ్లీ తిరిగి బ్రతికించావా అని కైలాష్ ని అడుగుతుంది నీలాంబరి. అతికించాను అని తీసి చూపిస్తాడు కైలాష్.

నువ్వు మా ఆయనతో తిరుగుతుంటే టైం వేస్ట్ చేస్తున్నావు.. ఆవారా గాడివి అనుకున్నాను పర్వాలేదు కమిట్మెంట్ ఉంది నువ్వు నాకు మా ఆయన ఇచ్చిన అన్నవి అని పొగుడుతుంది నీలాంబరి. ఇంకేం టెస్టులు పెడుతుందో అనుకుంటూ కంగారు పడతాడు కైలాష్. సీన్ కట్ చేస్తే తాగి ఇంటికి వచ్చిన భర్తని వచ్చిందే లేటు మళ్లీ అందులో తాగి వచ్చారు అంటూ క్లాస్ తీసుకుంటుంది వేద. కొంచెం తాగాను.. ఎక్కువ తాగలేదు అంటూ సమర్ధించుకుంటాడు యష్.

మీరు తాగారా లేదో నేను చెప్తాను అంటూ ఒక గీత గీసి దానిమీద నడవమంటుంది వేద. గీత మీద నడవకుండా పక్కన నడిచి చూసావా ఎంత బాగా నడిచానో అంటాడు యష్. మీరు గీత మీద నడవలేదు కావాలంటే చూడండి అంటుంది వేద. మీకు ఏమాత్రం కనిపిస్తుందో టెస్ట్ చేస్తాను రండి అంటూ గదిలోకి తీసుకువెళ్లి పుస్తకాన్ని తిరగేసి యష్ చేతిలో పెడుతుంది. అతను దాన్ని చదవలేక కళ్ళజోడు పెట్టుకుంటాడు.

ఈ అలవాటు ఎప్పటినుంచి అంటుంది వేద. ఇప్పటినుంచి అంటూ వేదవైపు చూసేసరికి ఆమె ఇన్నర్ బయటికి కనిపిస్తుంది. ఇది మామూలు కళ్ళజోడు అనుకున్నావా మ్యాజికల్ కళ్ళజోడు ఎదుటివాళ్ళు బట్టలు వేసుకున్న వేసుకోనట్లే కనిపిస్తుంది అంటూ చెవి దగ్గర ఏదో చెప్తాడు యష్. సిగ్గుపడుతూ దుప్పటి కప్పుకుంటుంది వేద. తర్వాత ఏం జరిగిందో రేపటి ఎపిసోడ్ లో చూద్దాం.