lyricist Chandrabose: ఓ సూపర్ హిట్ సినిమాలో పాటకు చంద్రబోస్ కి చిల్లి గువ్వంత రెమ్యునరేషన్ కూడా దక్కలేదు. కానీ అదే పాటతో ఆయన 10 లక్షలు సంపాదించారు. అది ఎలాగో తెలుసా ?
తెలుగు చిత్ర పరిశ్రమలో ప్రముఖ లిరిసిస్ట్ లలో చంద్రబోస్ ఒకరు. ఆర్ఆర్ఆర్ చిత్రంలో ఆయన రాసిన నాటు నాటు అనే పాటకి ఆస్కార్ అవార్డు దక్కిన సంగతి తెలిసిందే. చంద్రబోస్ టాలీవుడ్ లో ఎన్నో అద్భుతమైన చిత్రాలకు సాహిత్యం అందించారు. ఆయన కలం నుంచి సంగీత ప్రియులని ఆకట్టుకున్న ఎన్నో పాటలు ఉన్నాయి.
25
రెమ్యునరేషన్ గురించి ఆసక్తికర వ్యాఖ్యలు
నటీనటులతో పోల్చితే లిరిసిస్ట్ లకు రెమ్యునరేషన్ కాస్త తక్కువగా ఉంటుంది. చంద్రబోస్ ఓ ఇంటర్వ్యూలో మాట్లాడుతూ పాటలు రాసినందుకు తమకు ఇచ్చే రెమ్యునరేషన్ గురించి ఆసక్తికర వ్యాఖ్యలు రాశారు. ఒక పాట సూపర్ హిట్ హిట్ అయితే రెమ్యునరేషన్ కంటే ఎక్కువ ఆదాయం వస్తుంది అని చంద్రబోస్ అన్నారు.
35
చిరు చిరు చిరు చినుకై కురిశావే
ఆవారా అనేది డబ్బింగ్ సినిమా. కార్తీ, తమన్నా జంటగా నటించిన ఆ మూవీ సూపర్ హిట్ అయింది. సాంగ్స్ అయితే నెక్స్ట్ లెవల్ లో ఉంటాయి. అప్పట్లో ఆ పాటలు యువతని ఉర్రూతలూగించాయి. ఈ చిత్రంలో చంద్రబోస్ చిరు చిరు చిరు చినుకై కురిశావే అనే పాట రాశారు.
ఈ పాటకి చంద్రబోస్ కి చిల్లి గవ్వంత రెమ్యునరేషన్ కూడా దక్కలేదట. చంద్రబోస్ మాట్లాడుతూ ఆ పాటకు నాకు ఇచ్చిన రెమ్యునరేషన్ 25 వేలు మాత్రమే. కానీ ఆ తర్వాత ఆ పాట ద్వారా నాకు రూ 10 లక్షలకు పైగా ఆదాయం వచ్చింది. ఐపీఆర్ఎస్ అని ఒక బోర్డు ఉంటుంది. ఇండియన్ పెర్ఫార్మింగ్ రైట్స్ సొసైటీ అనే బోర్డు అది.
55
రూ.10 లక్షల సంపాదన
ఒక పాట బాగా పాపులర్ అయితే, జనాల్లోకి ఎక్కువగా వెళితే ఆ ఆదాయంలో మాకు వాటా ఇస్తారు. ఒక స్టేజీపై ఆ పాటని పెర్ఫార్మ్ చేశారు అనుకోండి. అక్కడ వచ్చిన డబ్బులో కొంత డబ్బుని మాకు కేటాయిస్తారు. అందులో పావు భాగం రచయితకు, పావు భాగం మ్యూజిక్ డైరెక్టర్ కి, అర్ధ భాగం మ్యూజిక్ కంపెనీకి వెళుతుంది. ఆ విధంగా పది లక్షల వరకు ఆ పాటతో నాకు డబ్బు దక్కింది అని చంద్రబోస్ అన్నారు. అంటే ఆ సాంగ్ ఎంతలా ఆడియన్స్ ని ఆకట్టుకుందో అర్థం చేసుకోవచ్చు.
