మెగాస్టార్ చిరంజీవిని ఓ హీరోయిన్ బెదిరించి మరీ ఇంటి నుంచి భోజనం తెప్పించుకున్నారట. భోళా శంకర్ సినిమా షూటింగ్ సమయంలో ఈ ఆసక్తికర సంఘటన చోటు చేసుకుందని చిరంజీవి స్వయంగా వెల్లడించారు.
టాలీవుడ్ మెగాస్టార్ చిరంజీవి అంటే ఇండస్ట్రీలో ఎంత గౌరవం ఇస్తారో ప్రత్యేకంగా చెప్పాల్సిన పనిలేదు. ఆయనతో మాట్లాడాలంటేనే కొందరు భయపడుతారు. అటువంటిది.. ఆయన ను బెదిరించే సాహసం చేస్తారా ఎవరైనా.. ? కాని ఓ హీరయిన్ ఆ సాహసం చేసిందట.
దాదాపు 40 ఏళ్ళకు పైగా ఇండస్ట్రీలో మకుటం లేని మహారాజుగా వెలుగొందుతున్నాడు చిరంజీవి. సాధారణ నటుడిగా స్టార్ట్ అయ్యి.. సుప్రీం హీరోగా.. ఆతరువాత మెగాస్టార్ గా చిరంజీవి ప్రస్థానం అందరికి తెలిసిందే. ప్రస్తుతం తెలుగు సీనీ పరిశ్రమకు పెద్దదిక్కుగా పెద్దన్నగా మారాడు చిరంజీవి. తెలుగు సినిమాకు ఏ కష్టం వచ్చినా.. నేనున్నా అంటూ ముందుంటారు చిరంజీవి.
ఇటు హీరోగా సినిమాలు చేస్తూనే.. ఇండస్ట్రీ బాగోగులు చూసుకుంటున్నారు. ఇక మెగా వారుడిగా రామ్ చరణ్ తండ్రిని మించిన తనయుడిగా పేరు తెచ్చుకున్నాడు. చిరంజీవి ఇమేజ్ టాలీవుడ్ వరకే పరిమితం అయ్యింది.
కాని రామ్ చరణ్ ఇమేజ్ పాన్ ఇండియాను దాటి ప్రపంచ వ్యాప్తం అయ్యింది. ఆస్కార్ రేంజ్ కు వెళ్ళింది. ఏ బ్యాగ్రౌండ్ లేకుండా ఇండస్ట్రీలోకి ఎంట్రీ ఇచ్చిన చిరంజీవి.. ఆతరువాత టాలీవుడ్ లో మెగా సామ్రాజ్యాన్ని నిర్మించుకున్నారు.
ఆయన ఇంటి నుంచి అరడజను హీరోలు ఉండగా అందులో నలుగురు పాన్ ఇండియా హీరోలు.. ఉన్నారు. అలా ఇండియాన్ ఫిల్మ్ ఇండస్ట్రీలో కపూర్ ఫ్యామిలీ తరువాత మెగా ఫ్యామిలీ పెద్దది. ఇక సినిమా నిర్మాణంతో పాటు.. ఇతర బిజినెస్ లలో కూడా మెగా హ్యాండ్ గట్టిగానే కనిపిస్తుంది. ఇలా భారీ స్థాయిలో ఎదిగిన మెగాస్టార్ ను బెదిరించే సాహసం ఎవరైనా చేస్తారా..? కాని ఓ హీరోయిన్ ఈ పని చేసిందట.
ఈ విషయాన్ని స్వయంగా చిరంజీవి ఓ ఇంటర్వ్యూలో చెప్పారు. ఇంతకీ ఆ హీరోయిన్ ఎవరో కాదు జూనియర్ మహానటి కీర్తి సురేష్. అవును ఈ బ్యూటీ చిరంజీవిని బెదిరించి మరీ.. ఇంటి నుంచి భోజనం తెప్పించుకుందట. భోళా శంకర్ సినిమాలో చిరంజీవి చెల్లెలుగా నటించింది కీర్తి సురేష్. ఆ సినిమా షూటింట్ టైమ్ లో చిరంజీవికి బాగా క్లోజ్ అయ్యిందట కీర్తి.
అటు హీరోయిన్ గా ఉన్న తమన్నా తనను ఏ డిమాండ్ చేయలేదు కాని.. కీర్తి సురేష్ మాత్రం బాగా బెదిరించేది అని అన్నారు చిరంజీవి. నాకు ప్రొడక్షన్ ఫుడ్ పడటంలేదు.. బయట తినలేవను అని నాతో అన్నాది.
సరే తినలేకపోతుంది కదా అని నా ఇంటి నుంచి భోజనం తెప్పించేవాడిని.. అప్పుడు ఆ ఫుడ్ రోజు తింటూ.. ఇది బాలేదు.. అందులో ఆ ఛేంజ్ చేయమనండి.. అంటూ డిమాండ్ చేసేది. ఇదేమైనా హోటలా.. అంటూ నేను సరదాగా అనేవాడిని..
పైగా రేపు క్యారియర్ లో ఏం తెప్పిస్తున్నారు అంటూ.. అడిగేది అంటూ కీర్తి సురేష్ గురించి సరదాగా చెప్పారు చిరంజీవి. భోళా శంకర్ ప్రమోషన్స్ టైమ్ లో జరిగిన ఓ ఇంటర్వ్యూలో ఈ విషయాలు చెప్పారు చిరు. ప్రస్తుతం ఆ వీడియో వైరల్ అవుతోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి