కమల్ హాసన్ లేడీ వాయిస్‌తో పాడిన పాటలు ఎన్ని ఉన్నాయో తెలుసా? అందులో హిట్ సాంగ్స్ ఇవే?

సినిమా కోసం ఎలాంటి ప్రయోగాలు చేయడానికైన వెనకాడడు లోక నాయకుడు కమల్ హాసన్. ఒక సినిమాలో పది పాత్రలు చేయడం లాంటివి  కమల్ హాసన్ కే సాధ్యం. అంతే కాదు ఆయన సినిమాల విషయంలో చేసిన ప్రయోగాల్లో లేడీ వాయిస్ తో పాటులు పాడటం కూడా ఒకటి. ఆయన పాడిన ఫీమేల్ వాయిస్ సాంగ్స్ ఏంటో తెలుసా? అందులో హిట్ అయినవి ఎన్ని? 

Kamal Haasan Lady Voice Hit Songs : సినిమా కోసం తనను తాను అంకితం చేసిన నటుడు అంటే అది కమల్ హాసన్ మాత్రమే. సినిమాల కోసం ఎంత సాహసం చేయడానికి అయినా ఆయన వెనకాడడు.   నటనలోనే కాకుండా నిర్మాత, దర్శకుడు, గాయకుడు, పాటల రచయితగా ఇలా బహుముఖ ప్రజ్ఞాశాలిగా రాణిస్తున్నారు కమల్ హాసన్. చిన్నప్పటి నుండి నటిస్తున్న కమల్, సౌత్ సినిమాకు అనేక సాంకేతిక పరిజ్ఞానాలను పరిచయం చేశారు. 70 ఏళ్ల వయస్సులో రీసెంట్ గా  AI టెక్నాలజీ గురించి చదవడానికి అమెరికా వెళ్లారు కమల్ హాసన్. ఆయన నిత్య విద్యార్ధి.

కమల్ హాసన్

గొంతు మార్చి పాట పాడిన కమల్

సినిమాలో అనేక కొత్త విషయాలను ప్రవేశపెట్టడంలో కమల్ నిరంతరం కృషి చేస్తున్నారు. అతనికి నటనతో పాటు సంగీతంపై కూడా ఎక్కువ ఆసక్తి ఉంది. ముఖ్యంగా ఇళయరాజా, కమల్ హాసన్ కలిసి సంగీతంలో అనేక రికార్డులు సృష్టించారు. కమల్ హాసన్ పాడిన  చాలా పాటలు హిట్ అయ్యాయి. అంతే కాదు  కమల్ హాసన్ ఆడ గొంతులో పాడి హిట్ ఇచ్చిన కొన్ని పాటలు  కూడా ఉన్నాయి. 

అవ్వై షణ్ముగి మూవీ సాంగ్

కమల్ లేడీ వాయిస్‌లో పాడిన పాట

గొంతు మార్చి పాడటంలో దిట్ట కమల్ హాసన్.  ఆయన వాయిస్ లో ఏదో మ్యాజిక్ ఉంటుంది. కమల్ మొదటగా ఆడ గొంతులో పాడింది అవ్వై షణ్ముగి సినిమాలో. ఈసినిమా భామనే సత్య భామనే టైటిల్ తో రిలీజ్ అయ్యింది.  1996లో విడుదలైన ఆ సినిమాకు దేవా సంగీతం అందించారు. ఆ సినిమాలో పాటలన్నీ హిట్ అయిన నేపథ్యంలో, అందులో రుక్కు రుక్కు పాటను సుజాత మోహన్‌తో కలిసి కమల్ హాసన్ పాడారు. ఆ పాటలో భామ్మ పాత్రలో మారువేశంలో ఉన్న కమల్ హాసన్  పాడేలా కొన్ని లైన్లు ఉంటాయి. దానికోసం తన గొంతును మార్చి లేడీ వాయిస్‌లో అదరగొట్టాడు. ఆశ్చర్యం ఏంటంటే గొంతు మార్చినా శృతి తప్పకుండా పాడారు కమల్. 

దశావతారం మూవీ సాంగ్

ముసలావిడ గొంతుతో పాడిన కమల్ 

అలాగే కమల్ హాసన్ ఆడ గొంతులో పాడిన మరో పాట దశావతారం సినిమాలో ఉంది. ఈ సినిమాలో 10 వేర్వేరు పాత్రల్లో నటించిన కమల్ హాసన్, హిమేష్ రేష్మియా సంగీతంలో ముకుందా ముకుందా పాటను పాడారు. సాధనా సర్గంతో కలిసి ఆయన పాడిన ఈ పాటలో.. ముసలావిడ గెటప్‌లో వచ్చే కమల్ హాసన్ పాడినట్లు కొన్ని లైన్లు ఉంటాయి.

ఆ లైన్లను ఒక ముసలావిడ పాడితే ఎలా ఉంటుందో అదే విధంగా అద్భుతంగా పాడి అందరినీ ఆశ్చర్యపరిచాడు కమల్ హాసన్. ఈ రెండు పాటలకు ఉన్న సారూప్యత ఏమిటంటే, ఈ రెండు సినిమాలకు కె.ఎస్.రవికుమార్ దర్శకత్వం వహించడం విశేషం. ఇలా కమల్ హాసన్ ఆడగొంతుతో పాడిన రెండు పాటలు బ్లాక్ బస్టర్ హిట్ అయ్యాయి.