నాని దర్శకుడితో జూనియర్ ఎన్టీఆర్ సినిమా..? తారక్ ప్రయోగం చేస్తున్నాడా..?

వరుస ప్యాన్ఇండియా సినిమాలతో దూసుకుపోతున్నాడు ఎన్టీఆర్. దేవర సినిమాతో బిజీగా ఉన్న తారక్.. నెక్ట్స్ ఓ యంగ్ డైరెక్టర్ కు ఛాన్స్ ఇస్తున్నట్టు తెలుస్తోంది. ఇంతకీ ఎవరా దర్శకుడు. 

దేవర సినిమాతో ఫుల్ బిజీగా ఉన్నాడు ఎన్టీఆర్. దాదాపు ఈసినిమా షూటింగ్ చివరిదశకు వచ్చేసింది. కొరటాల శివ దర్శకత్వం వహిస్తున్న ఈసినిమాలో హీరోయిన్ గా జాన్వీ కపూర్ నటిస్తోంది. ఈసినిమా త్వరలో రిలీజ్ కు రెడీ అవుతోంది.  అయితే ఈమూవీ తరువాత ఎన్టీఆర్ ఏ సినిమా చేయబోతున్నాడు అనేది సస్పెన్స్ గా మారింది. 

NTR

ఆర్ఆర్ఆర్ సినిమాతో ఆస్కార్ రేంజ్ కు వెళ్ళాడు ఎన్టీఆర్.. ఈసినిమాతో ఆయన  గ్లోబల్ ఇమేజ్ ను కూడా సంపాదించాడు.  దేవర తరువాత యంగ్ టైగర్ ఎన్టీఆర్ లిస్ట్ లో రెండు పెద్ద ప్రాజెక్ట్స్ ఉన్నాయి. అందులో ఒకటి వార్ 2 కాగా..ఇంకొకటి ప్రశాంత్ నీల్ సినిమా. అయితే కొరటాల శివ డైరెక్ట్ చేస్తున్న దేవర రెండు భాగాలుగా రాబోతోందని టాక్ నడుస్తుండగా.. ఎన్టీఆర్ తరువాత ప్రాజెక్ట్ పై కూడా ఓ న్యూస్ బయటకు వచ్చింది. 

ఎన్టీఆర్ తో సినిమా అంటే ఎంతోమంది  స్టార్ డైరెక్టర్లు క్యూ కడతారు.. ఎన్నో పెద్ద పెద్ద కథలు ఆయన ముందు ఉంటాయి. అంటువంటిది ఎన్టీఆర్ మాత్రం ఆతరువాత సినిమా ఓ యంగ్ డైరెక్టర్ తో చేయాలి అనుకుంటున్నాడట. తన తదుపరి సినిమా చేసేందుకు ఓ దర్శకుడికి  గ్రీన్ సిగ్నల్ ఇచ్చాడని జోరుగా వార్తలు వస్తున్నాయి. ఇంతకీ ఆ డైరెక్టర్ మరెవరో కాదు శౌర్యువ్. 

ఇతను ఒకే ఒక్క సినిమా చేశారు. అది కూడా నేచురల్ స్టార్ నానితో హాయ్ నాన్న సినిమా చేశాడు.  గ‌త ఏడాది చివ‌ర్లో  వచ్చిన ఈసినిమా సూపర్ హిట్ అయ్యింది. అయితే శౌర్యూవ్ ఈసినిమాతోనే ఇండ‌స్ట్రీలోకి అడుగు పెట్టాడు. ఈ సినిమాను శౌర్యువ్ డ్రైవ్ చేసిన విధానం ఆడియన్స్ తో పాటు.. టాలీవుడ్ ప్రముఖులను కూడా ఆకర్షించింది. సెంటిమెంట్ తో పాటు లవ్  స్టోరీని కూడా చాలా అందంగా తెరకెక్కించాడు దర్శకుడు. 

దాంతో తారక్ కు కూడా అతని పనితనం నచ్చి గ్రీన్ సిగ్నల్ ఇచ్చాడట. ఇందులో నిజం ఎంతో తెలియదు కాని.. సోషల్ మీడియాలో మాత్రం ఈ న్యూస్ తెగ తిరుగుతోంది. అయితే ఎన్టీఆర్ మూడు సినిమాలు కంప్లీట్ చేసుకుని.. ఈసినిమా దగ్గరకు వచ్చేసరికి చాలా టైమ్ పడుతుందని చెప్పాలి. మరి ఇందులో నిజం ఎంత అనేది తెలియాలి అంటే అఫీషియల్ అనౌన్స్ మెంట్ వరకూ వెచి ఉండాల్సిందే.