రామ్‌ చరణ్‌, శంకర్‌ కాంబినేషన్‌లో వస్తున్న `గేమ్‌ ఛేంజర్‌` సినిమాకి సంబంధించి దర్శకుడు సుకుమార్ తన ఫస్ట్ రివ్యూ ఇచ్చారు. ఫ్యాన్స్ పూనకాలు తెప్పించే విషయం బయటపెట్టారు.
రామ్‌ చరణ్‌ హీరోగా ప్రస్తుతం `గేమ్‌ ఛేంజర్‌` సినిమా రూపొందుతుంది. స్టార్‌ డైరెక్టర్‌ శంకర్‌ ఈ చిత్రాన్ని పొలిటికల్‌ యాక్షన్‌ థ్రిల్లర్‌గా తెరకెక్కిస్తున్నారు. ఇందులో కియారా అద్వానీ హీరోయిన్‌ గా నటిస్తుంది. ఎస్‌ జే సూర్య, శ్రీకాంత్‌, సునీల్‌, అంజలి ముఖ్య పాత్రలు పోషిస్తున్నారు. దిల్‌ రాజు నిర్మిస్తున్న ఈ మూవీ సంక్రాంతి విడుదల కాబోతుంది. `పుష్ప 2` తర్వాత రాబోతున్న మరో భారీ పాన్‌ ఇండియా మూవీ కావడం విశేషం.
ఈ మూవీకి సంబంధించిన ప్రమోషన్స్ తో టీమ్‌ బిజీగా ఉంటుంది. ఇటీవలే డల్లాస్‌లో ఓ ఈవెంట్‌ని నిర్వహించారు. అక్కడ అద్భుతమైన స్పందన వచ్చింది. తాను ఏపీ, తెలంగాణలో ఉన్నానా అనిపించింది, అక్కడి ఫ్యాన్స్ ప్రేమ, ఆదరణ చూస్తుంటే చాలా సంతోషంగా ఉందని రామ్‌ చరణ్‌ చెప్పారు. వారికోసం ట్రీట్‌ ఇవ్వబోతున్నట్టు తెలిపారు. ఈ కార్యక్రమంలో గెస్ట్ గా దర్శకుడు సుకుమార్ కూడా పాల్గొన్నారు. `పుష్ప 2`తో ఆయన ఇటీవలే పెద్ద హిట్‌ కొట్టాడు. త్వరలో ఆయన రామ్‌ చరణ్‌తోనే సినిమా చేయబోతున్నాడు.
అమెరికాలో `గేమ్‌ ఛేంజర్‌` సినిమా ఈవెంట్‌లో పాల్గొన్న సుకుమార్.. సినిమాకి ఫస్ట్ రివ్యూ చెప్పాడు. సినిమా ఎలా ఉండబోతుందో అనేది వెల్లడించారు. తాను చిరంజీవితో కలిసి సినిమా చూశాడట. ఫస్ట్ రివ్యూ తానే ఇస్తానని చెప్పాడు. ఫస్టాఫ్‌ అస్సాం అని, ఇంటర్వెల్ బ్లాక్ బస్టర్‌, సెకండాఫ్‌లో ఫ్లాష్‌ బ్యాక్ ఎపిసోడ్‌ చూస్తే గూస్‌ బంమ్స్ అని, ఫినామినల్‌ అని తెలిపారు సుకుమార్.
తాను శంకర్‌ రూపొందించిన `జెంటిల్‌మేన్‌`,`భారతీయుడు` చిత్రాలు చూసినప్పుడు ఎంత ఎంజాయ్‌ చేశానో, అంతగా ఈ సినిమాని ఎంజాయ్‌ చేశానని తెలిపారు సుకుమార్. `రంగస్థలం` సినిమాలో రామ్‌ చరణ్‌ నటనకు నేషనల్ అవార్డు వస్తుందని భావించాను. రాలేదు.
కానీ ఈ సినిమాలోని క్లైమాక్స్ లో రామ్‌ చరణ్‌ ఎమోషనల్ సీన్స్ చూసినప్పుడు మళ్లీ అదే ఫీలింగ్‌ కలిగింది. ఇంకా చెప్పాలంటే దాన్ని మించి ఉంది. క్లైమాక్స్ లో చరణ్‌ ఎంత బాగా చేశాడంటే కచ్చితంగా ఆయనకు నేషనల్ అవార్డు వస్తుంది` అని తెలిపారు సుకుమార్.
సినిమాపై ఇప్పటికే అందరిలోనూ మిక్స్ డ్‌ టాక్‌ ఉన్న నేపథ్యంలో సుకుమార్ మాటలు ఫ్యాన్స్ కి పెద్ద బూస్ట్ నిచ్చాయి. సినిమాపై నమ్మకాన్ని పెంచాయి. మరి సుకుమార్ చెప్పినట్టుగానే సినిమా ఉంటే సంక్రాంతికి మరో బ్లాక్ బస్టర్‌ రెడీ అవుతుందని చెప్పొచ్చు. ఇప్పటికే ఈ మూవీ నుంచి గ్లింప్స్, ట్రైలర్ విడుదలై ఆకట్టుకున్నాయి.
ట్రైలర్ విషయంలో ఫ్యాన్స్ కొంత అసంతృప్తిగా ఉన్నారు. ఈ నేపథ్యంలో మూవీ నుంచి మరో ట్రైలర్‌ని కూడా విడుదల చేయబోతున్నారట. అందుకోసం హైదరాబాద్‌లో ట్రైలర్ ఈవెంట్‌, విజయవాడలో ప్రీ రిలీజ్‌ ఈవెంట్‌ని ప్లాన్‌ చేస్తున్నారు. ప్రీ రిలీజ్‌ ఈవెంట్‌కి పవన్‌, ట్రైలర్ ఈవెంట్‌కి చిరంజీవి గెస్ట్ లుగా హాజరు కాబోతున్నారు. సినిమా జనవరి 10న విడుదల కాబోతుంది.
read more: మళ్లీ బుక్కైన అల్లు అర్జున్ ?.. వీడియోలు చూపిస్తూ ట్రోల్స్, తప్పులో కాలేస్తున్నారా?
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి