గేమ్ ఛేంజర్ 3 డేస్ కలెక్షన్స్.. రామ్ చరణ్ సినిమా ఎంత వసూలు చేసిందంటే..?

గ్లోబల్ స్టార్ రామ్ చరణ్ పాన్ ఇండియా మూవీ గేమ్ ఛేంజర్.. అనుకున్నంత కలెక్షన్లు సాధిస్తుందా..? ఈనె 10న రిలీజ్ అయి ఈమూవీ.. మూడు రోజుల్లో ఎంత కలెక్షన్లు సాధించింది..? 

 సౌత్ ఇండియాన్ స్టార్ హీరో.. గ్లోబల్ స్టార్ రామ్ చరణ్ నటించిన 'గేమ్ ఛేంజర్' సినిమా బాక్సాఫీస్ వద్ద కష్టకాలం ఎదుర్కొంటోంది. సినిమా వసూళ్లు రోజురోజుకూ పెరగడానికి బదులు తగ్గుతున్నాయి.

దర్శకుడు శంకర్ 450 కోట్ల బడ్జెట్‌తో తెరకెక్కించిన ఈ సినిమా తన ఖర్చులు తీర్చుకోవడం కూడా కష్టమని అంటున్నారు. ఇదిలా ఉంటే, 'గేమ్ ఛేంజర్' ఓపెనింగ్ వీకెండ్ కలెక్షన్లు విడుదలయ్యాయి. బయటకు వచ్చిన కలెక్షన్ రిపోర్ట్స్ ఆశ్చర్యం కలిగిస్తున్నాయి.

సినిమా అంచనాలకు తగ్గట్టుగా వసూళ్లు రాబట్టలేకపోతోంది. నివేదికల ప్రకారం, మూడో రోజున సినిమా బాక్సాఫీస్ వద్ద ₹17 కోట్లు మాత్రమే వసూలు చేసింది, అంటే ఆదివారం హాలిడే అయినా కూడా ఈ సినిమా పెద్దగా కలెక్షన్లు సాధించలేకపోయింది. 

రామ్ చరణ్ ఎంతగానో ఎదురుచూస్తున్న 'గేమ్ ఛేంజర్' సినిమా జనవరి 10న థియేటర్లలో విడుదలైంది. ఈ సినిమా హిందీతో పాటు తమిళం, తెలుగు, కన్నడ, మలయాళ భాషల్లో విడుదలైంది. మొదటి రోజు ₹51 కోట్లు వసూలు చేసింది.

రెండో రోజు సినిమా వసూళ్లు తగ్గి ₹21.6 కోట్లు మాత్రమే వసూలు  చేసిన గేమ్ఆ ఛేంజర్ ఆదివారం కలెక్షన్స్ పెరుగుతాయి అనుకుంటే.. మూడో రోజు, సినిమా పరిస్థితి మరింత దిగజారింది. సినిమా ₹17 కోట్లు మాత్రమే వసూలు చేసింది.

మూడు రోజుల్లో సినిమా ₹89.60 కోట్లు మాత్రమే వసూలు చేయగలిగింది. దీని ప్రకారం, సినిమా భారతీయ బాక్సాఫీస్ వద్ద 3 రోజుల్లో ₹100 కోట్లు కూడా సంపాదించలేకపోయింది. అదే సమయంలో, తెలుగులో ₹61.75 కోట్లు, తమిళంలో ₹5.02 కోట్లు, హిందీలో ₹22.5 కోట్లు, కన్నడలో ₹0.3 కోట్లు, మలయాళంలో ₹0.03 కోట్లు వసూలు చేసింది.

రామ్ చరణ్ నటించిన 'గేమ్ ఛేంజర్' సినిమాను కార్తీక్ సుబ్బరాజు రాశారు. ఇది ఆయన 15వ సినిమా. అదే సమయంలో, 'రోబో' వంటి బ్లాక్‌బస్టర్ సినిమాలు తీసిన శంకర్ దర్శకత్వం వహించారు. ఈ సినిమా ఒక పొలిటికల్ డ్రామాగా తెరకెక్కింది.  దీనిలో రామ్ చరణ్ డ్యూయల్ రోల్ చేయగా.. కియారా అద్వానీ, అంజలి  హీరోయిన్లు గా నటించారు.