మోనాలిసాకి సినిమా ఆఫర్‌లో ట్విస్ట్.. రేప్‌ కేసులో డైరెక్టర్‌ అరెస్ట్, మహాకుంభమేళ స్టార్‌కి ఆశలు గల్లంతు

Monalisa-Manoj Mishra : మహాకుంభమేళా పాపులర్‌ అయిన మోనాలిసాకి సినిమా ఆఫర్‌ ఇచ్చిన దర్శకుడు అరెస్ట్ అయ్యారు. రేప్‌ కేసులో అతన్ని పోలీసులు అదుపులోకి తీసుకోవడం గమనార్హం.

monalisa, manoj mishra

Monalisa-Manoj Mishra :మహాకుంభమేళలో పాపులర్‌ అయ్యింది మోనాలిసా. ఆమె నీలి కళ్లు ఆమెని స్టార్‌ ని చేసింది. సోషల్‌ మీడియా ఆమెకి పాపులారిటీని తీసుకొచ్చింది.

ఆ పాపులారిటీని, క్రేజ్‌ని చూసి చాలా మంది నెటిజన్లు ఆమెని సినిమాల్లోకి తీసుకోవాలని, హీరోయిన్‌గా ఛాన్సులు ఇవ్వాలని ఆశాభావం వ్యక్తం చేశారు. ఇంతలోనే ఓ హిందీ దర్శకుడు ఆమెని అప్రోచ్‌ అయ్యాడు. సినిమా ఆఫర్‌ ఇచ్చాడు. కానీ ఇప్పుడు ఆ దర్శకుడు రేప్‌ కేసులో అరెస్ట్ కావడం షాకిస్తుంది. 

monalisa, manoj mishra

హిందీకి చెందిన దర్శకుడు సనోజ్‌ మిశ్రా సోషల్‌ మీడియా సెన్సేషన్‌ మోనాలిసాకి సినిమా ఆఫర్‌ చేసిన విషయం తెలిసిందే. ఆమెతో కలిసి దిగిన ఫోటో కూడా వైరల్‌ అయ్యింది.

మోనాలిసాతోపాటు అతను కూడా వార్తల్లో నిలిచారు. ఆయన మోనాలిసాకి `ది డైరీ 2025` అనే సినిమాలో ఆఫర్‌ చేసినట్టు వార్తలు వచ్చాయి. వీరిద్దరు మహా కుంభమేళాలో జరిగిన ఒక ఈవెంట్‌లో కూడా పాల్గొన్నారు. స్టేజ్‌పై సందడి చేశారు. 

monalisa, manoj mishra

ఈ దెబ్బతో మోనాలిసా సినిమా హీరోయిన్‌ అయిపోయిందని, త్వరలో స్టార్‌ కాబోతుందని అంతా భావిస్తున్నారు. ఇంతలోనే షాకిచ్చేవార్త బయటకు వచ్చింది. మోనాలిసాకి ఆఫర్‌ ఇచ్చిన సనోజ్‌ మిశ్రాని పోలీసులు అరెస్ట్ చేయడం ఆశ్చర్యపరుస్తుంది. అయితే ఇది రేప్‌ కేసు కావడం షాకిస్తుంది.

ఈ కేసులో ముందస్తు బెయిల్‌ కోసం కోర్ట్ ని ఆశ్రయించగా, కోర్ట్ బెయిల్‌ పిటిషన్‌ని తిరస్కరించింది. దీంతో ఢిల్లీ పోలీసులు ఆయన్ని అరెస్ట్ చేశారు. ఘాజియాబాద్‌లోని నబీ కరీం పోలీస్‌ స్టేషన్‌కి చెందిన పోలీసులు సోమవారం సనోజ్‌ మిశ్రాని అదుపులోకి తీసుకున్నారు. 

monalisa, manoj mishra

మరి సనోజ్‌ మిశ్రాపై ఆరోపణలేంటి? రేప్‌ కేస్ ఏంటి అనేది చూస్తే. దర్శకుడు సనోజ్‌ మిశ్రా గతంలో 28ఏళ్ల వయసున్న ఓ అమ్మాయికి సినిమా ఆఫర్‌ ఇస్తానని లోబరుచుకున్నాడట. నాలుగేళ్లుగా ఆమెని వాడుకుంటున్నాడట. సినిమా ఆఫర్‌ ఆశ చూపించి ముంబాయిలో ఆమెతో సహజీవనం చేశారట.

ఈ క్రమంలో పదే పదే తనపై అత్యాచారం చేశాడని ఆమెని ఆరోపిస్తుంది. తనని వివాహం చేసుకుంటానని కూడా నమ్మించాడట. ఈ క్రమంలో మూడు సార్లు గర్భస్రావం చేయించుకోవాలని బలవంతం చేశాడని, ఇప్పుడు మోసం చేస్తున్నాడని చెప్పి ఆ మహిళ పోలీసులకు ఫిర్యాదు చేసింది. 

manoj mishra

నిందితులు తనని వేధించడం, బలవంతంగా గర్భస్రావం చేయించుకోవడం, బెదిరించడం వంటి ఆరోపణలతో 28 ఏళ్ల మహిళ ఫిర్యాదు ఆధారంగా సెంట్రల్ ఢిల్లీలోని నబీ కరీం పోలీస్‌ స్టేషన్‌లో మిశ్రపై ఎఫ్‌ఐఆర్‌ నమోదు చేశామని పోలీసులు వెల్లడించారు.

మార్చి 6న అత్యాచారం, దాడి, గర్భస్రావం కలిగించడం, బెదిరింపులకు సంబంధించిన సెక్షన్ కింద ఎఫ్ఐఆర్‌ నమోదు చేశారట. అందులో భాగంగా క్రిమినల్‌ ప్రొసీజర్‌ కోడ్‌(సీఆర్‌పీసీ) సెక్షన్‌ 164 కింద కేసు నమోదైనట్టు తెలుస్తుంది. గర్భస్రావాలకు సంబంధించిన వైద్యా ఆధారాలను కూడా పోలీసులు సేకరించినట్టు సమాచారం. 

monalisa

ఈ దెబ్బతో మోనాలిసా ఆశలు గల్లంతయ్యాయని అంటున్నారు నెటిజన్లు. సినిమా పేరుతో ఆశలు రేకెత్తెంచి ఇప్పుడు మధ్యలోనే ఆమెని వదిలేసిన పరిస్థితి నెలకొందని అంటున్నారు. అయితే ఈ కేసులో సనోజ్‌ మిశ్రా నిర్ధోశిగా బయటకు వస్తాడా? లేక జైలు జీవితం అనుభవించాల్సి వస్తుందా అనేది చూడాలి.