రేవంత్ రెడ్డి దగ్గరరే తేల్చుకుంటాం.. రంగంలోకి దిల్ రాజు
First Published | Dec 24, 2024, 7:59 PM ISTఅల్లు అర్జున్ వివాదంపై రంగంలోకి దిగారు దిల్ రాజు, అంతే కాదు హాస్పిటల్ లో ఉన్నశ్రీతేజను కలిసిన ఆయన.. త్వరలో సీఎం ను కలుస్తామన్నారు.
☰
గత కొన్ని రోజులుగా టాలీవుడ్ లో నెలకొన్న పరిస్థితి గురించి తెలిసిందే. పాన్ ఇండియా స్టార్ గా ఉన్న అల్లు అర్జున్ కేసులో ఇరుక్కోవడం. సంధ్య థియేటర్ తొక్కిసలాటను ప్రభుత్వం సీరియస్ గా తీసుకోవడం. వాదోపవాదాలు.. రకరకాల అభిప్రాయాలతో గందరగోళపరిస్థితి నెలకొంది. ఈక్రమంలో ఈ విషయం పొలిటికల్ టర్న్ తీసుకుంది. అలు రేవంత్ ను.. ఇటు అల్లు అర్జున్ ను ఇద్దరిని చెరో వర్గం సపోర్ట్ చేయడంతో పాటు.. విమర్శలు కూడా తప్పడంలేదు.
Also Read: గ్యాంగ్ లీడర్ మూవీకి చిరంజీవి కంటే ముందు అనుకున్న హీరో ఎవరో తెలుసా..?
ఈక్రమంలో అల్లు అర్జున్ కేసు వల్ల టాలీవుడ్ కు తెలంగాణాలో పెద్ద దెబ్బ తగిలింది. సంధ్య థియేటర్ తొక్కిసలాట వల్ల ఇక నుంచి తెలంగాణాలో తాను సీఎం గా ఉన్నంత వరకూ బెనిఫిట్ షోలు, టికెట్ రేట్లు పెంచే కార్యక్రమం ఉండదని అసెంబ్లీలో ప్రకటించారు. దాంతో త్వరలో రిలీజ్ కాబోతున్న పెద్ద సినిమాలకు దెబ్బ పడింది. మరీ ముఖ్యంగా సంక్రాంతికి వస్తోన్న రామ్ చరణ్ పాన్ ఇండియా మూవీ గేమ్ ఛేంజర్ కు ఇది మరింత నష్టం తెచ్చే అవకాశం ఉంది.
Also Read: సుకుమార్ ను బండ బూతులు తిట్టిన కాంగ్రెస్ ఎమ్మెల్సీ, పుష్ప2 లో అల్లు అర్జున్ సీన్ పై అభ్యంతరం..
ఇక ఈ సినిమా ప్రొడ్యూసర్ గా ఉన్న దిల్ రాజు.. అమెరికా పర్యటనలో ఉన్నారు మొన్నటి వరకూ. గేమ్ ఛేంజర్ ప్రీరిలీజ్ తో పాటు.. కొన్నిరోజులు అక్కడ పర్యటించిన ఆయన రీసెంట్ గా తిరిగి వచ్చాడు. ఇక దిల్ రాజు టాలీవుడ్ లో స్టార్ ప్రొడ్యూసర్ మాత్రమే కాదు.. ప్రభుత్వం తరపున FDC చైర్మెన్ గా కూడా ఉన్నారు. ఫిల్మ్ డెవలప్మెంట్ కార్పోరేషన్ ఆఫ్ తెలంగాణ ఛైర్మెన్ గా దిల్ రాజు ఈ సమస్య పరిష్కరించడానికి ముందడుగు వేయబోతున్నాడు.
Also Read: మళ్లీ బుక్కైన విజయ్ దేవరకొండ - రష్మిక మందన్న, న్యూ ఇయర్ వెకేషన్ కు వెళ్తున్నారా..?
దిల్ రాజు ఫారెన్ నుంచి రాగానే రంగంలోకి దిగారు. గత కొన్ని రోజులుగా గేమ్ చెంజర్ ప్రమోషన్స్ లో భాగంగా అమెరికాలో ఉన్న దిల్ రాజు తిరిగివచ్చారు. రాగానే ఈ సమస్యని ముగించడానికి సిద్ధం అయ్యారు. తాజాగా దిల్ రాజు కిమ్స్ హాస్పిటల్ లో చికిత్స పొందుతున్న సంధ్య థియేటర్ బాధితుడు శ్రీతేజ ను వారి కుటుంబాన్ని పరామర్శించారు.
అనంతరం మీడియాతో మాట్లాడారు.దిల్ రాజు మీడియాతో మాట్లాడుతూ.. పుష్ప సినిమా ప్రీమియర్ సమయంలో జరిగిన సంఘటన దురదృష్టకరం. అప్పుడప్పుడు ఇలాంటివి సినిమా ఇండస్ట్రీలో చూస్తున్నాం. సినిమాకు, ప్రభుత్వంకు మధ్య బ్రిడ్జి లా ఉండాలనే నన్ను సీఎంగారు FDC చైర్మన్ గా నియమించారు. ఆల్రెడీ సీఎంగారిని కలిసి మాట్లాడటం జరిగింది.
రేపు లేదా ఎల్లుండి ఇండస్ట్రీ తరపున సీఎం రేవంత్ గారిని కలుస్తాము. అల్లు అర్జున్ ని కూడా కలుస్తాను అని తెలిపారు. ఈ లెక్కన ఇండస్ట్రీ నుంచి పెద్దలతో చర్చించిన తరువాత వారిలొ కొంత మందిని తీసుకుని దిల్ రాజు సీఎం ను కలిసే అవకాశం కనిపిస్తోంది.
Latest Videos
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండిclick me!