`డాకు మహారాజ్‌` థియేట్రికల్‌ ప్రీ రిలీజ్‌ బిజినెస్‌ లెక్కలు, బాలయ్య కెరీర్‌లోనే హైయ్యెస్ట్

బాలకృష్ణ హీరోగా నటిస్తున్న `డాకు మహారాజ్‌` మూవీ ప్రీ రిలీజ్‌ బిజినెస్‌ లెక్కలు షాకిస్తున్నాయి. బాలయ్య కెరీర్లోనే అత్యధికం కావడం విశేషం.   

బాలకృష్ణ హీరోగా నటిస్తున్న లేటెస్ట్ మూవీ `డాకు మహారాజ్‌`. బాబీ దర్శకత్వంలో రూపొందిన ఈ మూవీని నాగవంశీ, సాయి సౌజన్య నిర్మించారు. ప్రగ్యాజైశ్వాల్‌, శ్రద్ధా శ్రీనాథ్‌ హీరోయిన్లుగా నటించారు. బాబీ డియోల్ విలన్ గా చేశాడు. ఈ మూవీ సంక్రాంతి కానుకగా జనవరి 12న విడుదల కాబోతుంది. ఇటీవల విడుదలైన ట్రైలర్‌ సినిమాపై అంచనాలు అమాంతం పెంచేసింది. 

ఈ క్రమంలో ప్రమోషన్స్ పరంగా జోరు పెంచింది టీమ్‌. మొన్న అమెరికాలో ఈవెంట్‌ నిర్వహించారు. త్వరలోనే తెలుగు స్టేట్స్ లో ఈవెంట్‌ ప్లాన్ చేస్తున్నారు. ఈ క్రమంలో బిజినెస్‌ లెక్కలు వైరల్‌ అవుతున్నాయి. ట్రైలర్‌ బిజినెస్‌ పరంగా బజ్‌ పెంచిందని తెలుస్తుంది. `డాకు మహారాజ్‌` మూవీ ఎంత బిజినెస్‌ చేసిందనేది ఆసక్తికరంగా మారింది. 

ఈ చిత్రం తెలుగు భాషలోనే విడుదల కానుంది. కానీ ప్రపంచ వ్యాప్తంగా రిలీజ్‌ చేస్తున్నారు. నైజాంలో ఇది 21 కోట్లకు(18కోట్లు అని మరో టాక్‌) అమ్ముడు పోయిందట. ఏపీలో 51కోట్లకు అమ్ముడు పోయిందని తెలుస్తుంది.

ఇందులో సీడెడ్‌లో 16కోట్ల, ఆంధ్రాలో 35కోట్ల వ్యాపారం జరిగిందని సమాచారం. ఆంధ్రాలో ఉత్తరాంధ్ర 8.40కోట్లు, ఈస్ట్ గోదావరి 6.30కోట్లు, వెస్ట్ ఐదు కోట్లు, కృష్ణ 5.60, గుంటూరు 7.20, నెల్లూరు 2.80కోట్ల బిజినెస్‌ అయ్యిందని టాక్‌.

ఇలా నైజాం, ఏపీలో కలిసి రూ.73కోట్ల బిజినెస్‌ జరిగింది. ఇక కర్నాటకలో నాలుగు కోట్లకు, ఇండియా మొత్తంలో 1.50కోట్లకు, ఓవర్సీస్‌లో 8కోట్ల బిజినెస్‌ జరిగిందని సమాచారం. మొత్తంగా రూ.87కోట్ల (రూ.83కోట్లు అని మరో లెక్క) వ్యాపారం జరిగిందని తెలుస్తుంది.

ఇది బాలకృష్ణ కెరీర్‌లోనే అత్యధికం కావడం విశేషం. గత మూవీ `భగవంత్‌ కేసరి` రూ.65కోట్లకు అమ్ముడుపోయింది. ఇప్పుడు `డాకు మహారాజ్‌`కి బిజినెస్‌ పెరిగింది. ఈ మూవీ బ్రేక్‌ ఈవెన్‌ కావాలంటే సుమారు రూ.190కోట్ల గ్రాస్‌ సాధించాలి. 

సినిమాకి ఉన్న హైప్‌ని బట్టి చూస్తే అది ఈజీ అనిపిస్తుంది. సినిమాపై ఇప్పటికే నిర్మాత భారీ హైప్‌ ఇచ్చారు. చూసిన వాళ్లు కూడా ఆహా ఆహో అని చెబుతున్నారు. సంక్రాంతి సీజన్‌ కావడంతో సినిమా బాగానే కలెక్ట్ చేస్తుందని ట్రేడ్‌ వర్గాలు అభిప్రాయపడుతున్నాయి. మరి ఏ మేరకు ఆడుతుందో చూడాలి.