రాజశేఖర్‌ రిజెక్ట్ చేసిన సినిమాతో ఇండస్ట్రీ హిట్‌ కొట్టిన చిరంజీవి, ఆ మూవీ ఏంటో తెలుసా? రెండు సార్లు సేమ్‌

Rajasekhar-Chiranjeevi: రాజశేఖర్‌ చేయాల్సిన మూవీతో మెగాస్టార్‌ చిరంజీవి ఇండస్ట్రీ హిట్లు కొట్టాడు. మరి ఆ సినిమాలేంటి? రాజశేఖర్‌ ఎందుకు వదులుకున్నాడో చూద్దాం.   

Rajasekhar, Chiranjeevi

Rajasekhar-Chiranjeevi: ఒక హీరో చేయాల్సిన మూవీ మరో హీరో వద్దకు వెళ్లడం, ఆయన చేసి హిట్‌ కొట్టడమో, లేదంటే బోల్తా పడటమో జరుగుతుంది. రాజశేఖర్‌ విషయంలో అదే జరిగింది. తాను చేయాల్సిన మూవీని చిరంజీవి చేయాల్సి రావడం విశేషం. అంతేకాదు మెగాస్టార్‌ ఏకంగా ఇండస్ట్రీ హిట్‌ కొట్టారు. ఒక్కసారి కాదు రెండు సార్లు ఇలానే అయ్యింది. మరి ఆ కథేంటో చూద్దాం. 

rajasekhar (photo credit-etv)

టాలీవుడ్‌ యాంగ్రీ యంగ్‌ మేన్‌గా గుర్తింపు తెచ్చుకున్నారు రాజశేఖర్. ఆయన టాప్‌ స్టార్స్ కి దీటుగా రాణించారు. స్టార్‌ ఇమేజ్‌ని సొంతం చేసుకున్నారు. కానీ కొన్ని మిస్టేక్స్ వల్ల ఆయన కెరీర్‌ డౌన్‌ అయ్యింది. ఇప్పుడు క్యారెక్టర్‌ ఆర్టిస్ట్ గా మారాల్సి వచ్చింది.

అయితే ఒకప్పుడు చిరంజీవి, బాలయ్యకు పోటీగా ఆయన సినిమాలు విడుదలై బాక్సాఫీసు వద్ద ఆదరణ పొందేవి. ఈ క్రమంలో భారీ ఆఫర్స్ ఆయనకు వచ్చాయి. కానీ ఆయననే సరిగా వాడుకోలేకపోయారు. 

tagore

ఈ క్రమంలో బిగ్గెస్ట్ బ్లాక్‌ బస్టర్స్, ఇండస్ట్రీ హిట్లు మిస్‌ చేసుకున్నారు రాజశేఖర్‌. శంకర్‌ దర్శకత్వంలో `జెంటిల్‌మేన్‌` చేయాల్సింది. కానీ వదులుకున్నారు. అలానే `ఠాగూర్‌` సినిమా కూడా ఆయనే చేయాల్సి ఉండేనట. ముందు ఆయన్నే మేకర్స్ అప్రోచ్‌ అయ్యారు.

కానీ డేట్స్ ఇష్యూ వల్ల చేయలేకపోయారు రాజశేఖర్‌. ఆ తర్వాత అది చిరంజీవి వద్దకు వెళ్లింది. ఆయనకు కెరీర్‌ బెస్ట్ మూవీగా నిలిచింది. అప్పట్లో ఇండస్ట్రీ హిట్‌గా నిలిచింది. ఆ మూవీతోనే చిరంజీవి తిరుగులేని మెగాస్టార్‌గా నిలిచారు. ఇది కోలీవుడ్‌లో వచ్చిన `రమణ`కి రీమేక్‌.

Rajasekhar, Chiranjeevi

ఓ రకంగా ఇది రాజశేఖర్‌కి పెద్ద దెబ్బ అనే చెప్పాలి. ఈ మూవీ ఆయనే చేసి ఉంటే మరో స్థాయిలో ఉండేవారని చెప్పడంలో అతిశయోక్తి లేదు. ఆయన కెరీర్‌ కూడా వేరేలా ఉండేది. దీంతోపాటు మరో సినిమా విషయంలో కూడా అదే జరిగింది. చిరంజీవి చేసిన `ఆరాధన` కూడా మొదట ఆయన్నే అప్రోచ్ అయ్యారు. కానీ రాజశేఖర్‌ నో చెప్పాడట.

అయితే లీడ్‌ రోల్‌ పులిరాజుగా రాజశేఖర్‌ని అడిగారు. ఆయన చేయనన్నారు. కానీ మరో పాత్రలో రాజశేఖర్ కనిపించారు. రాజశేఖర్‌ కాదనడంతో పులిరాజు పాత్రకి చిరంజీవి ఓకే చెప్పారు. ఈ మూవీ చిరంజీవికి నటుడిగా మరో పది మెట్లు ఎక్కించింది.

క్రిటికల్‌గా మెప్పించిన మూవీ ఇది. ఇది కూడా తమిళ రీమేక్‌. ఇలా ఈ రెండు సినిమాల విషయంలో రాజశేఖర్‌ చేసిన మిస్టేక్‌ ఆయన కెరీర్‌పై గట్టి ప్రభావాన్నే చూపించాయని చెప్పొచ్చు.