`ఆదిత్య 369` షూటింగ్‌లో నడుము విరగొట్టుకున్న బాలయ్య, కారణం ఏంటో తెలిస్తే నోరెళ్లబెట్టాల్సిందే!

బాలకృష్ణ ఓ షాకింగ్‌ విషయం బయటపెట్టారు. `ఆదిత్య 369`లో జరిగిన ప్రమాదం బయటపెట్టారు. సెట్‌లో నడుము విరగొట్టుకున్నాడట. మరి ఏం జరిగింది?  

నందమూరి నటసింహం బాలకృష్ణ వరుసగా నాలుగు వంద కోట్ల సినిమాలు చేసి సీనియర్ హీరోల్లో సరికొత్త రికార్డు సృష్టించారు. ఇప్పటికే `అఖండ`, `వీరసింహారెడ్డి`, `భగవంత్‌ కేసరి` చిత్రాలు వంద కోట్ల క్లబ్‌లో చేరిన విషయం తెలిసిందే.

ఇప్పుడు `డాకు మహారాజ్‌` కూడా ఆ జాబితాలో చేరింది. ఈ మూవీ ప్రస్తుతం థియేటర్లలో సందడి చేస్తుంది. ఈ మూవీ విజయవంతంగా ప్రదర్శితమవుతుంది. రూ.150కోట్ల దిశగా వెళ్తుంది. అదే సమయంలో వంద కోట్ల షేర్‌కి చేరువలో ఉంది. 

బాబీ దర్శకత్వం వహించిన ఈ మూవీలో బాలయ్యకి జోడగా ప్రగ్యా జైశ్వాల్‌, శ్రద్ధా శ్రీనాథ్‌, ఊర్వశీ రౌతేలా హీరోయిన్లుగా నటించారు. బాబీ డియోల్‌ విలన్‌ పాత్ర పోషించారు. సితార ఎంటర్‌టైన్‌మెంట్స్, ఫార్చ్యూన్‌ ఫోర్‌ సినిమాస్‌ పతాకాలపై నాగవంశీ, సాయి సౌజన్య నిర్మించారు. ఈ మూవీ సంక్రాంతి కానుకగా జనవరి 12న విడుదలైన విషయం తెలిసిందే. ఈ మూవీ భారీ కలెక్షన్లతో రన్‌ అవుతుంది. 

ఈ మూవీ ప్రమోషన్స్ లో భాగంగా యాంకర్‌ సుమతో చిట్‌చాట్ చేసింది యూనిట్‌. ఇందులో బాలకృష్ణ, దర్శకుడు బాబీ, హీరోయిన్లు ప్రగ్యా జైశ్వాల్‌, శ్రద్ధా శ్రీనాథ్‌, మ్యూజిక్‌ డైరెక్టర్లు తమన్‌ పాల్గొన్నారు. ఈ క్రమంలో బాలయ్య తనకు సంబంధించిన ఓ సెంటిమెంట్‌ని బయటపెట్టారు.

దాని వల్ల తాను నడుము విరగొట్టుకోవాల్సి వచ్చిందట. మరి ఆ సెంటిమెంట్‌ ఏంటి? నడుము ఎందుకు విరగొట్టుకోవాల్సి వచ్చింది? ఆ సంఘటన ఎప్పుడు చోటు చేసుకుందనేది చూద్దాం. 

తనకు ఆదివారం నలుపు రంగు ప్రమాదం అని చెప్పారు బాలయ్య. ఆదివారం నలుపు రంగు దుస్తులు వేసుకుంటే చెడు జరుగుతుందని, అందుకే వేసుకోను అన్నారు. అయితే ఓ సారి నలుపు రంగు దుస్తులువేసుకున్నాడట. దీంతో నడుము విరిగిందని చెప్పారు బాలకృష్ణ.

మరి ఏం జరిగిందంటే, అది `ఆదిత్య 369` సినిమాకి ఎస్పీ బాలసుబ్రమణ్యం కూడా ఓ నిర్మాత. ఆయన ఆదివారం రోజు సెట్‌కి వస్తున్నారు. అది ఆదివారం రోజు. బ్లాక్ షర్ట్ వేసుకుని సెట్ కి వెళ్లాను. అప్పటి మనసు చెబుతూనే ఉంది. ఈ రోజు ఆదివారం, బ్లాక్‌ వద్దు అని, అయినా వినలేదు. 

రాక రాక ఎస్పీ బాలసుబ్రమణ్యం షూటింగ్‌ సెట్ కి వస్తున్నారని చెప్పి హడావుడగా బ్లాక్‌ షర్ట్ వేసుకుని వెళ్లాను. ఆయన కళ్ల ముందే కింద పడి నా నడుము విరిగింది. ఎల్ఫా ఎయిర్‌లైన్ ఫ్యాక్చర్‌ అయినట్టు తెలిపారు బాలయ్య.

తాను వచ్చినప్పుడే ఇలా జరిగిందని ఎస్పీ బాలుగారు చాలా కంగారు పడ్డారు. దీంతో ఆ తర్వాత ఆయన షూటింగ్‌ సెట్‌కి ఎప్పుడూ రాలేదని తెలిపారు. ఆ రోజు నుంచి తాను కూడా బ్లాక్‌ షర్ట్ ఆదివారం వేసుకోవడం మానేశాను అని తెలిపారు బాలకృష్ణ.