స్వీటీ అనుష్క శెట్టి టాలీవుడ్ లో ఎంత క్రేజ్ తెచ్చుకుందో చెప్పనవసరం లేదు. బాహుబలి చిత్రంతో ఆమె సౌత్ లో లేడీ సూపర్ స్టార్ గా మారిపోయింది. లేడీ ఓరియెంటెడ్ చిత్రాలతో సైతం స్టార్ హీరోలకు పోటీ ఇచ్చింది.
స్వీటీ అనుష్క శెట్టి టాలీవుడ్ లో ఎంత క్రేజ్ తెచ్చుకుందో చెప్పనవసరం లేదు. బాహుబలి చిత్రంతో ఆమె సౌత్ లో లేడీ సూపర్ స్టార్ గా మారిపోయింది. లేడీ ఓరియెంటెడ్ చిత్రాలతో సైతం స్టార్ హీరోలకు పోటీ ఇచ్చింది. కానీ గత కొంతకాలంగా అనుష్క చాలా నెమ్మదిగా సినిమాలు చేస్తోంది. దీనికి కారణం ఆమె బరువు పెరుగుతుండడమే అనే కామెంట్స్ వినిపిస్తున్నాయి.
అనుష్క చివరగా మిస్ శెట్టి మిస్టర్ పోలిశెట్టి అనే చిత్రంలో నటించింది. నవీన్ పోలిశెట్టికి జంటగా నటించిన ఈ చిత్రం సూపర్ హిట్ గా నిలిచింది. ఈ మూవీ తర్వాత అనుష్క నుంచి ఎలాంటి కొత్త ప్రకటన రాలేదు. అనుష్క తన కెరీర్ లో బాహుబలి, అరుంధతి లాంటి అద్భుతమైన చిత్రాల్లో నటించింది. ;అలాగే విధంగా కొన్ని పరమ చెత్త సినిమాలు కూడా ఉన్నాయి.
గతంలో అనుష్క చేసిన కొన్ని కామెంట్స్ వైరల్ అవుతున్నాయి. ఆ ఇంటర్వ్యూలో యాంకర్ అనుష్కని కొన్ని ప్రశ్నలు అడిగారు. ఒక వేళ అనుష్కకి యోగ తెలియకపోతే మీ కెరీర్ ఎలా ఉండేది అని అడిగారు. యోగాలేని కెరీర్ ని ఊహించుకోలేను.. యోగ లేకుంటే నా కెరీర్ గందరగోళంగా ఉండేదేమో అని తెలిపింది.
అనుష్కకి కంఫర్టబుల్ గా అనిపించే కోస్టార్ ఎవరు అని యాంకర్.. రవితేజ, గోపీచంద్, మహేష్ బాబు పేర్లు చెప్పారు. అనుష్క ఏమాత్రం ఆలోచించకుండా మహేష్, గోపీచంద్ ని పక్కన పెట్టి రవితేజ అని చెప్పింది. రవితేజ, అనుష్క ఇద్దరూ విక్రమార్కుడు, బలాదూర్ చిత్రాల్లో నటించారు.
మీ చిత్రాల్లో బాగా నచ్చిన సినిమా ఏంటి.. నచ్చని సినిమా ఏంటి అని అడగగా.. నచ్చిన చిత్రాలు వేదం, అరుంధతి అని తెలిపింది. ఆ చిత్రాలంటే నాకు చాలా ఇష్టం. కొన్ని చెత్త సినిమాలు కూడా చేశాను. వాటిలో అస్సలు ఇష్టం లేని మూవీ 'ఒక్కమగాడు' అని అనుష్క తెలిపింది. వైవిఎస్ చౌదరి, బాలకృష్ణ కాంబినేషన్ లో వచ్చిన ఈ చిత్రం బిగ్గెస్ట్ డిజాస్టర్ గా నిలిచింది.
మరో ప్రశ్న ఏంటంటే.. ఒకేసారి ఎన్టీఆర్, రాంచరణ్ చిత్రాల్లో నటించాల్సి వస్తే ముందుగా ఎవరి చిత్రానికి ప్రాధాన్యత ఇస్తారు అని అడిగారు. అనుష్క ఎన్టీఆర్ సినిమాని ఎంచుకుంటాను అని తెలిపింది. అనుష్క చేసిన ఈ వ్యాఖ్యలు వైరల్ అవుతున్నాయి.