అల్లు అరవింద్‌ సినిమాలు చేయడంలో చాలా సెలక్టీవ్ గా ఉంటారు. సక్సెస్‌ఫుల్‌ సినిమాలు చేసే ఆయన కొడుకు సినిమాని చెత్తకుంపలో వేయండని చెప్పడం సంచలనంగా మారింది.
అల్లు అర్జున్‌ ప్రస్తుతం ఐకాన్‌ స్టార్‌ గా రాణిస్తున్నారు. `పుష్ప` సినిమాతో ఆయన రేంజ్‌ మారిపోయింది. పాన్‌ ఇండియా హీరో అయిపోయాడు. ఇప్పుడు గ్లోబల్‌ మార్కెట్‌ని టార్గెట్ చేస్తున్నారు. `పుష్ప 2` సినిమాతో అంతర్జాతీయంగా సత్తా చాటేందుకు వస్తున్నారు. ఈ సినిమా హిట్ అయితే బన్నీ రేంజ్‌ మరో స్థాయిలో ఉండబోతుందని చెప్పడంలో అతిశయోక్తి లేదు. అల్లు వారి వారసుడుగా ఎంట్రీ ఇచ్చి, మెగా ఫ్యామిలీ హీరోగా ఎదిగి ఇప్పుడు ఐకాన్‌ స్టార్‌గా తనకంటూ ఓ సెపరేట్‌ ఇమేజ్‌ని, మార్కెట్‌ ని క్రియేట్‌ చేసుకున్నాడు బన్నీ.
అల్లు అర్జున్‌ కి తొలి బ్రేక్ వచ్చింది `ఆర్య` సినిమాతోనే. సుకుమార్‌ లాంటి క్రియేటివ్‌ జీనియస్‌ని పట్టుకుంది బన్నీ అని చెప్పాలి. ఆయన అంతగా నమ్మకపోతే `ఆర్య` వచ్చేది కాదు. అయితే అల్లు అర్జున్‌ ఈ బిగ్ బ్రేక్ కి ముందు `గంగోత్రి` చిత్రంతో ఇండస్ట్రీకి పరిచయం అయ్యారు.
చాలా మంది కొత్త హీరోలను, ముఖ్యంగా స్టార్‌ వారసులను పరిచయం చేయడంలో దిట్ట దర్శకేంద్రుడు రాఘవేంద్రావు. బన్నీని హీరోగా పరిచయం చేసే బాధ్యతలు కూడా నిర్మాతల అల్లు అరవింద్‌.. ఆయనపై పెట్టారు. అశ్వినీదత్ తో కలిసి ఈ సినిమాని నిర్మించారు అల్లు అరవింద్‌.
2003 మార్చిలో విడుదలైన ఈ సినిమా మంచి విజయాన్ని అందుకుంది. కానీ పెద్ద రేంజ్‌ హిట్ అయితే కాదు. డీసెంట్‌గానే ఆడిందని చెప్పొచ్చు. అయితే ఈ సినిమా సమయంలో ఓ షాకింగ్‌ ఇన్సిడెంట్‌ చోటు చేసుకుంది. సినిమాని చెత్త కుంపలో పడేసేంతటి పరిస్థితి ఏర్పడింది.
నిర్మాత అల్లు అరవింద్‌ చాలా డిజప్పాయింట్‌లో ఉన్నారు. ఔట్ పుట్‌ చూసి సినిమాని చెత్తకుంప(గోదాం)లో పడేయమని అన్నాడట. ఆయన ఓ రేంజ్‌లో ఊగిపోయాడట. దర్శకేంద్రుడు రాఘవేంద్రరావుని అవమానించేంతటి పరిస్థితి ఎందుకు వచ్చింది? అసలేమైందంటే?
`గంగోత్రి` సినిమా పూర్తయ్యాక కొంత మందికి మూవీని చూపించారు రాఘవేంద్రరావు. వాళ్లు చూసి అంతగా లేదన్నారట. ఈ మూవీ రిలీజ్‌ అయితే అల్లు అర్జున్‌ కెరీర్‌ అయిపోయినట్టే అన్నారట. ఈ విషయం అల్లు అరవింద్‌ వరకు వెళ్లింది. ఆయన కూడా చూసి సినిమా బాగా రాలేదు, దీన్ని తీసి గోదాంలో పడేయండి అన్నారట. వంద సినిమాలు చేసిన దర్శకుడు రాఘవేంద్రరావుకి ఫ్యూజులు ఎగిరిపోయాయి.
ఏంటి సినిమాని ఇలా అంటున్నారని ఆయన ఆందోళనకు గురయ్యారు. చాలా టెన్షన్‌ పడ్డారట. మళ్లీ కుదురుకుని అందరిని కూర్చోబెట్టి ముందుగా తాను చెప్పిన కథ చెప్పాడట. కథగా బాగుందని, సినిమాగా చూస్తే అంతగా ఎక్కడం లేదన్నారట. మళ్లీ సీన్‌ బై సీన్‌ వివరించారు రాఘవేంద్రరావు. దీంతో కొంత వరకు కన్విన్స్ అయ్యారు.
కానీ అల్లు అరవింద్‌కి ఎక్కడో కొడుతుంది. ఫైనల్‌ మిక్సింగ్‌ అయ్యాక సినిమాని ఎట్టకేలకు రిలీజ్‌ చేశారు. మూవీకి పాజిటివ్‌ రెస్పాన్స్ వచ్చింది. బాగానే ఆడింది. దీంతో ఊపిరి పీల్చుకున్నారు స్టార్‌ డైరెక్టర్‌ రాఘవేంద్రరావు.
ఇలా బన్నీని పరిచయం చేసిన `గంగోత్రి` సినిమా రాఘవేంద్రరావుకి వందవ మూవీ కావడం విశేషం. తాను వంద సినిమాలు చేసినా నిత్య విద్యార్థినే అని, ప్రతి సినిమాకి నిరూపించుకోవాల్సిందే అని, అప్పుడే దర్శకుడిగా మనం నిలబడగలం అని తెలిపారు రాఘవేంద్రరావు. సౌందర్య లహరి ప్రోగ్రామంలో ఈ విషయాన్ని చెప్పారు స్టార్‌ డైరెక్టర్‌.
ఇలా కొడుకు హీరోగా సినిమా ఎంట్రీ అదిరిపోయేలా ఉండాలని భావించిన అల్లు అరవింద్‌ ఇలా రియాక్ట్ కావడం విశేషం. దర్శకుడు రాఘవేంద్రరావు ప్రస్తుతం దర్శకత్వానికి దూరంగా ఉంటున్నారు. ఆయన నిర్మాతగా చిన్న సినిమాలను నిర్మిస్తున్నారు. సీరియల్స్ చేస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి