Actress Work with 7 CMs: నటి మనోరమ తమిళం, తెలుగు, కన్నడ, మలయాళం ఇలా అనేక భాషల్లో నటించి మెప్పించింది. అంతేకాదు ఆమె ఏడుగురు సీఎంలతో కలిసి నటించింది. అరుదైన ఘనతని ఆమె సొంతం చేసుకుంది.
సినిమా ఇండస్ట్రీలో ఊహించని మిరాకిల్స్ జరుగుతుంటాయి. ఎలాంటి బ్యాక్ గ్రౌండ్ లేని వారు స్టార్ అయిపోవచ్చు, బ్యాక్ గ్రౌండ్ ఉన్నవారు రాణించలేకపోవచ్చు. ఒక్క సినిమా జీవితాలనే మార్చేస్తుంది. ఇలాంటి మిరాకిల్స్ మాత్రమే కాదు ఊహించనివి చాలా ఉంటాయి. అయితే ఒక నటి ఏడుగురు సీఎంలతో పనిచేసిన సంఘటన కూడా ఇండస్ట్రీలో చోటు చేసుకుంది. ఏడుగురు సీఎంలతో కలిసి నటించడమనేది దేశంలోనే చాలా అరుదైన సంఘటనగా చెప్పొచ్చు. అలాంటి అరుదైన సంఘటన.. ఒక్క నటి మనోరమ విషయంలో చోటు చేసుకుంది.
25
నాటకాల ద్వారా సినిమాల్లోకి వచ్చిన మనోరమ
మనోరమ నటించిన ఏడుగురు సీఎంలు ఎవరనేది చూస్తే, మనోరమ.. సినిమాల్లోకి రాకముందు నాటకాలు ప్రదర్శించారు. ఆమె సుమారు ఐదు వేల నాటకాల ప్రదర్శించినట్టు సమాచారం. అప్పట్లో నాటకాలకు విశేషమైన ఆదరణ ఉండేది. వాటి ద్వారానే సీనియర్ నటీనటులు సినిమాల్లోకి వచ్చారు. అలా మనోరమ.. నాటకాలు వేసే సమయంలోనే కరుణానిధి, అన్నాదురైలతో కలిసి పనిచేసిందట. వీరు ఎన్నో నాటకాలు వేశారట. ఆ తర్వాత అన్నాదురై, కరుణానిధి సీఎంలు అయిన విషయం తెలిసిందే.
35
తెలుగు, తమిళ సీఎంలతో మనోరమ మూవీస్
ఇక సినిమాల్లో ఐదుగురు సీఎంలతో పనిచేసింది మనోరమా. ఆమె ఎంజీఆర్తో అనేక సినిమాలు చేసింది. హీరోయిన్గా, క్యారెక్టర్ ఆర్టిస్ట్ గా అనేక చిత్రాల్లో నటించి మెప్పించింది. ఆ తర్వాత జయలలితతో పనిచేసింది. ఆమె హీరోయిన్గా చేసిన చాలా చిత్రాల్లో కలిసి నటించింది మనోరమా. అలాగే తెలుగులో ఎన్టీఆర్తోనూ కలిసి నటించిందట. రాము, మంచికి మరో పేరు వంటి ఎన్టీఆర్ నటించిన చిత్రాల్లో మనోరమ నటించిందని సమాచారం. దీనికి సంబంధించిన మరింత క్లారిటీ రావాల్సి ఉంది.
మొన్నటి సీఎం స్టాలిన్తో, అలాగే రేపటి సీఎం విజయ్తోనూ
మరోవైపు మొన్నటి వరకు తమిళనాడు సీఎంగా చేసిన స్టాలిన్తోనూ కలిసి నటించింది మనోరమ. స్టాలిన్ పెద్దగా సినిమాలు చేయలేదు, కానీ `మక్కల్ అనైయిట్టల్`, `ఓరె రత్తం` అనే చిత్రాల్లో నటించాడు. ఈ మూవీస్లో మనోరమ కూడా చిన్న పాత్రల్లో మెరిసింది. ఇలా స్టాలిన్తోనూ సినిమాలు చేసింది. ఇక ప్రస్తుతం తమిళనాడులో కాబోయే సీఎం విజయ్ తోనూ అనేక సినిమాలు చేసింది మనోరమ. ఇలా అన్నాదురై, ఎంజీఆర్, కరుణానిధి, ఎన్టీఆర్, జయలలిత, స్టాలిన్, దళపతి విజయ్లతో నటించింది. ఇలా ఏడుగురు సీఎంలతో పనిచేసిన అరుదైన ఘనత మనోరమ సొంతం.
55
మనోరమ తీరని కోరిక
మనోరమ దాదాపు ఐదు దశాబ్దాల పాటు చిత్ర పరిశ్రమను శాసించింది. హీరోయిన్గా, నటిగా ఆకట్టుకుంది. తనదైన నటనతో మెప్పించింది. కామెడీ చేయడంలోనూ ఆమె ముందే ఉన్నారు. అయితే మనోరమ అనేక పాత్రలు పోషించింది. కానీ ట్రాన్స్ జెండర్గా చేయలేదు. ఒక్క సినిమాలో అయినా అలా ట్రాన్స్ జెండర్గా నటించాలని ఉండేదట. కానీ ఆ కోరిక తీరకుండానే వెళ్లిపోయింది. అనారోగ్యం కారణంగా 2013 నుంచి సినిమాలకు దూరంగా ఉన్న ఆమె 2015లో కన్నుమూసింది.
