Ennenno Janmala Bandham: అభి బెదిరింపులకు లొంగిపోనున్న చిత్ర.. పెళ్లి కార్డు చూసి షాకైనా వేద?

Ennenno Janmala Bandham: స్టార్ మా లో ప్రసారమవుతున్న ఎన్నెన్నో జన్మల బంధం సీరియల్ మంచి కథ కథనాలతో మంచి టిఆర్పి రేటింగ్ ని సంపాదించుకుంటుంది. మంచి జీవితాన్ని వదులుకొని ఒక మోసగాడి మాయలో పడిన ఒక ఇల్లాలి జీవితం ఈ సీరియల్. ఇక ఈరోజు మే 19 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో ఇంకొక మూడు గంటల్లో పెళ్లి ఉంది పూజ జరుగుతున్నప్పుడు ఎవరి బట్టలు వాళ్ళకి ఇచ్చి మార్చుకొని రమ్మని చెప్తారు. అప్పుడు బట్టలు మార్చుకొని నేరుగా నా గదికి రా అంటూ తన రూమ్ నెంబర్ చెప్తాడు అభి. చిత్ర భయంతో ఏమీ మాట్లాడలేక పోతుంది. నీకు భయం పూర్తిగా తగ్గినట్లుగా ఉంది ఏమి మాట్లాడటం లేదు నేను చెప్పినట్లు చేయకపోతే ఏం చేస్తానో తెలుసు కదా అంటూ బెదిరిస్తాడు అభి. అలా చేయొద్దు అంటూ కన్నీరు పెట్టుకుంటుంది చిత్ర. ఈ ఏడుపులు అవి పక్కన పెట్టు నేను చెప్పినట్లు చేయు నీకోసం ఎదురు చూస్తూ ఉంటాను అని ఫోన్ పెట్టేస్తాడు అభి. చిత్ర ఎంతకీ రాకపోవడంతో ఆమె దగ్గరికి వెళుతుంది వేద. 

 ఏడుస్తున్న చిత్రని చూసి ఏం జరిగింది అని అడుగుతుంది. ఏమీ లేదు అంటూ ఏదో అబద్ధం చెప్పేస్తుంది చిత్ర. ఇంకెంత సేపు ఇంకొక్క మూడు గంటలు.. ఆ తర్వాత మీ పెళ్లి అయిపోతే నువ్వు వసంత్ హ్యాపీగా ఉండొచ్చు మిమ్మల్ని చూసి మేము హ్యాపీగా ఉంటాము అంటుంది వేద. మీ ఆశలు అడియాసలు చేసే లాగా ఉన్నాను అని మనసులో అనుకుంటుంది చిత్ర. మరోవైపు యష్ రెడీ అవుతూ ఉంటాడు. అంతలోనే అక్కడికి వచ్చిన వేద ఇంకా రెడీ అవ్వలేదా అవతల ముహూర్తానికి టైం అయిపోతుంది వేద.

ఈ మూడు గంటలు ఎవరు ఏమి అన్నా పట్టించుకోకండి, జాగ్రత్తగా ఉండండి. మనకి చిత్ర, వసంత్ ల సంతోషమే ముఖ్యం అంటూ భర్తకి జాగ్రత్తలు చెప్తుంది వేద. అలాగే శ్రీమతి గారు ఎలా చెప్తే అలా అంటూ వేదని ఆట పట్టిస్తాడు యష్. మాటల్లో పడి మిమ్మల్ని గమనించలేదు మీరు ఈ డ్రెస్ వేశారేంటి నేను మీకోసం స్పెషల్ డ్రెస్ కుట్టించాను అంటూ డ్రెస్ తీసుకువస్తుంది వేద. ఆ డ్రెస్ ని వేసుకున్న యష్ ని చూసి మురిసిపోతుంది వేద. నువ్వు రెడీ అవ్వవా అంటాడు యష్. నేను ఎంత సేపు.. రెండు నిమిషాలు అంటూ రెడీ అయి చూపిస్తుంది వేద.

ఎలా ఉన్నాను అని అడుగుతుంది. అందరూ అందంగా తయారవ్వటానికి రెడీ అవుతారు కానీ అందమే రెడీ అవ్వవలసిన అవసరం లేదు నువ్వు ఎలా ఉన్నా బాగుంటావు అని పొగుడుతాడు యష్. మిమ్మల్ని వదిలేస్తే రోజంతా పొగిడేలాగా ఉన్నారు పదండి పెళ్ళికి టైం అయిపోతుంది అంటూ భర్తని తీసుకెళ్లి పోతుంది వేద. మరోవైపు మాళవికని రెడీ చేస్తూ మొత్తానికి అనుకున్నది సాధించావు ఇకనుంచి నీ లైఫ్ కలర్ ఫుల్ గా ఉంటుంది అంటారు మాళవిక ఫ్రెండ్స్. అంతలోనే అభి రావటంతో అక్కడి నుంచి వెళ్ళిపోతారు ఆమె ఫ్రెండ్స్.

మాళవిక ఆనందంగా అభిని హగ్ చేసుకుని ఎన్నాళ్ళ నుంచో ఎదురుచూస్తున్న సమయం ఆఖరికి వచ్చేసింది అంటూ ఆనందపడుతుంది. ఇదే మనకి లాస్ట్ హాగ్ ఏమో అంటూ షాక్ ఇస్తాడు అభి. అదేంటి అలా అన్నావ్ అని కంగారుగా అడుగుతుంది మాళవిక. కాసేపట్లో మనకి పెళ్లి అయిపోతుంది కదా అందుకే అలా అన్నాను అంటాడు అభి. మనసులో మాత్రం ఇంకాసేపట్లో మీ తల్లి కొడుకుల దరిద్రం వదిలించుకోబోతున్నాను అనుకుంటాడు. ఇంతలో ఆదిత్య వచ్చి గ్రీటింగ్ కార్డ్ ఇచ్చి వెడ్డింగ్ విషెస్ చెప్తాడు. 

ఆనందంతో ఆదిత్య ని ముద్దు పెట్టుకుంటుంది  మాళవిక. అభి ఏమి రియాక్ట్ కావుకపోవటంతో పాపం మనకోసమే ఆదిత్య గ్రీటింగ్స్ చెప్పాడు వాడికి కంగ్రాట్స్ చెప్పవా అని అడుగుతుంది. మీ తల్లి కొడుకుల అనుబంధాన్ని చూస్తూ ఉండిపోయాను అంటూ ఆదిత్య కి తప్పదు అన్నట్లుగా థాంక్యూ చెప్పి వెళ్ళిపోతాడు అభి. మరోవైపు పెళ్లికి రాజ్, కావ్య ఇద్దరు విడివిడిగా వస్తారు. ఒకరిని చూసి ఒకరు షాక్ అవుతారు. మేమే మీ ఇద్దరికీ సర్ప్రైజ్ ఇద్దామని ఒకరికి తెలియకుండా ఒకరిని పిలిచాము అంటుంది వేద. ఖుషి వాళ్ళిద్దరికీ బొకే ఇచ్చి రిసీవ్ చేసుకుంటుంది.

వాళ్ళిద్దరూ లోపలికి రాబోతుంటే మొదటిసారి మా ఫంక్షన్ కి వస్తున్నారు ఇద్దరూ ఒకరి పేర్లు ఒకరు చెప్పి లోపలికి రండి అంటుంది. ఒకరి మొహాలు ఒకరు చూసుకుంటారు రాజ్, కావ్య. త్వరగా చెప్పేయండి లేదంటే ఖుషి మిమ్మల్ని లోపలికి రానివ్వదు అంటూ నవ్వుతుంది వేద. తరువాయి భాగంలో పెళ్లి కార్డు చూసి కన్ఫ్యూజ్ అవుతుంది కావ్య. ఆ పెళ్లి కార్డు ని వేదకి చూపిస్తే తను కూడా కన్ఫ్యూజ్ అవుతుంది.