KL Rahul Top-5 Cricketers : భారత్-బంగ్లాదేశ్ మధ్య 2 టెస్టు మ్యాచ్‌ల సిరీస్ సెప్టెంబర్ 19న ప్రారంభం కానుంది. ఈ సిరీస్‌లో తొలి మ్యాచ్‌కు టీమిండియాను బీసీసీఐ ప్రకటించింది. ఇందులో కేఎల్ రాహుల్ కూడా ఉండ‌గా, అత‌ని టాప్-బ్యాట‌ర్లు, బౌలర్ల గురించి ప్ర‌స్తావించిన ఒక వీడియో వైరల్ గా మారింది.
KL Rahul Top-5 Cricketers : వచ్చే గురువారం బంగ్లాదేశ్ తో భారత్ తొలి టెస్టులో తలపడనుంది. ఈ క్ర‌మంలోనే జట్టును ప్రకటించిన బీసీసీఐ ప్లేయ‌ర్ల‌కు కొద్ది సమయం విశ్రాంతినిచ్చింది. వచ్చే జూన్ లో ప్రపంచ టెస్టు ఛాంపియన్ షిప్ ఫైనల్ ను దృష్టి సారించిన భారత జట్టు తాజా హోమ్ సీజన్ ప్రారంభం కానుండటంతో విరాట్ కోహ్లీ, రోహిత్ శర్మ, రిషబ్ పంత్, జస్ప్రీత్ బుమ్రా వంటి ఆటగాళ్లు జాతీయ జట్టులోకి రావడం నెల రోజుల తర్వాత ఇదే తొలిసారి.
పాకిస్థాన్ లో 2-0తో చారిత్రాత్మక టెస్టు సిరీస్ ను కైవసం చేసుకున్న తర్వాత బంగ్లాదేశ్ ఫుల్ జోష్ లో ఉంది. ఇప్పుడు ఆ జట్టును అంత తేలికగా తీసుకోకూడ‌ద‌ని భారత్ కు తెలుసు. దీంతో బీసీసీఐ ఎలాంటి ఛాన్స్ తీసుకోకుండా రెండు టెస్టుల సిరీస్ కోసం పూర్తి బలంతో కూడిన జట్టును ప్రకటించింది. విశ్రాంతి ఇస్తార‌నుకున్న బుమ్రా కూడా జట్టులోకి వ‌చ్చాడు. అలాగే, టీమిండియా స్టార్ వికెట్ కీప‌ర్ బ్యాట్స్‌మెన్ కేఎల్ రాహుల్ కూడా జట్టులోకి వ‌చ్చాడు.
ఇదిలావుండ‌గా, కేఎల్ రాహుల్ కు సంబంధించిన ఒక వీడియో వైరల్ గా మారింది. అందులో అతను త‌న టాప్-5 బ్యాట‌ర్లు, బౌలర్ల పేర్ల‌ను వెల్ల‌డించాడు. భారత్-బంగ్లాదేశ్ మధ్య 2 టెస్టు మ్యాచ్‌ల సిరీస్ సెప్టెంబర్ 19న ప్రారంభం కానుంది. ఈ సిరీస్‌లో తొలి మ్యాచ్‌కు టీమిండియాను ప్రకటించిన క్ర‌మంలో అత‌ని నుంచి వచ్చిన ఈ ర్యాంకులు నెట్టింట హ‌ల్ చ‌ల్ చేస్తున్నాయి.
బంగ్లాదేశ్‌తో సిరీస్‌కు ముందు సోషల్ మీడియాలో వైరల్ అవుతున్న వీడియోలో కేఎల్ రాహుల్‌ను టాప్-5 బ్యాట్స్‌మెన్-టాప్-5 బౌలర్ల గురించి అడిగారు. ఇందులో ఒక ట్విస్ట్ ఏంటంటే.. తాను ర్యాంక్ ఇవ్వబోతున్న ఐదుగురు ఆటగాళ్ల పేర్లు రాహుల్‌కు తెలియకపోవడం. రాహుల్‌కు ర్యాంక్ ఇవ్వమని కోరిన మొదటి ఆటగాడు ట్రావిస్ హెడ్. రాహుల్ అతన్ని ఐదవ స్థానంలో ఉంచాడు. హెడ్ తర్వాత చాలా మంది పెద్ద పేర్లు వస్తాయన్న సంగతి తనకు తెలుసనీ, అందుకే ఆస్ట్రేలియన్ ఓపెనర్‌ను చివరి స్థానంలో నిలిపానని రాహుల్ చెప్పాడు.
ఈ జాబితాలో కింగ్ కోహ్లీకి మొదటి స్థానం క‌ల్పించాడు. ఆ తర్వాత టీమిండియా కెప్టెన్ రోహిత్ శర్మ ను ఉంచాడు. పాకిస్థాన్ కెప్టెన్ బాబర్ ఆజం ర్యాంక్ ఇవ్వమని కోరినప్పుడు, రాహుల్ అతన్ని నాలుగో స్థానంలో ఉంచగా, అతను సూర్యకుమార్ యాదవ్‌ను మూడవ స్థానంలో ఉంచాడు.
కేఎల్ రాహుల్ ర్యాంకులు ఇచ్చిన టాప్-5 బ్యాట్స్‌మెన్లు వీరే
1. విరాట్ కోహ్లీ
2. రోహిత్ శర్మ
3. సూర్యకుమార్ యాదవ్
4. బాబర్ ఆజం
5. ట్రావిస్ హెడ్
రాహుల్ బౌలర్లకు కూడా ర్యాంకులు ఇచ్చాడు. ఈ లిస్టులో స్టార్ పెస‌ర్ డేల్ స్టెయిన్ కు టాప్ ప్లేస్ ఇచ్చాడు. జేమ్స్ అండర్సన్‌కు రెండవ స్థానాన్ని ఇచ్చాడు. రషీద్ ఖాన్ నాలుగో స్థానంలో, జస్ప్రీత్ బుమ్రా మూడో స్థానంలో నిలిచారు.
కేఎల్ రాహుల్ ర్యాంక్‌లో ఉన్న టాప్-5 బౌలర్లు
1. డేల్ స్టెయిన్
2. జేమ్స్ ఆండర్సన్
3. జస్ప్రీత్ బుమ్రా
4. రషీద్ ఖాన్
5. నసీమ్ షా