Top-5 best wicket keepers - MS Dhoni : టీమిండియా మాజీ కెప్టెన్, లెజెండ‌రీ ప్లేయ‌ర్ మ‌హేంద్ర సింగ్ ధోని త‌న క్రికెట్ కెరీర్ లో అనేక రికార్డులు బ‌ద్ద‌లు కొట్టారు. మిస్ట‌ర్ కూల్ కెప్టెన్ గుర్తింపు సాధించిన ధోని వికెట్ కీపింగ్ లో ఎదురులేని రారాజు.. !
Top-5 best wicket keepers - MS Dhoni : టీమిండియాను మూడు ఫార్మాట్ల‌లో ఛాంపియ‌న్ గా నిలిపిన మ‌హేంద్ర సింగ్ ధోని త‌న 43వ పుట్టిన రోజును ఆదివారం ఘ‌నంగా జ‌రుపుకున్నారు. ప్ర‌పంచ క్రికెట్ లో బెస్ట్ కెప్టెన్ల‌లో ఒక‌డిగా గుర్తింపు సాధించిన ధోని.. త‌న కెరీర్ లో అనేక మైలురాళ్లు అందుకున్నారు.
క్రికెట్ లో లెజెండ‌రీ ప్లేయ‌ర్ గా ప్ర‌ఖ్యాతి సాధించిన ఎంస్ ధోని టీమిండియాకు మూడు ఫార్మాట్ల‌లో ఐసీసీ ట్రోఫీలు అందించాడు. అలాగే, ఐపీఎల్ లో చెన్నై సూపర్ కింగ్స్ జ‌ట్టును ఐదు సార్లు ఛాంపియ‌న్ గా నిలబెట్టాడు.
ఒకటిన్నర దశాబ్ద కాలంలో 350 వన్డే మ్యాచ్‌లు ఆడిన ధోని 50.58 సగటుతో 10,773 పరుగులు చేశాడు. అలాగే, టెస్టు క్రికెట్‌లో భారత జ‌ట్టు తరపున 90 మ్యాచ్‌లు ఆడాడు. 38.09 సగటుతో 4876 పరుగులు చేశాడు. అలాగే, ఐపీఎల్‌లో 5243 పరుగులు చేశాడు.
ధోని గొప్ప కెప్టెన్, గొప్ప బ్యాట‌ర్ మాత్ర‌మే కాదు.. గొప్ప పీల్డ‌ర్ గొప్ప వికెట్ కీప‌ర్ కూడా. వికెట్ కీపింగ్ లో ఇప్ప‌టికీ ఎదురులేని రారాజు ధోని. అంత‌ర్జాతీయ క్రికెట్ కు వీడ్కోలు ప‌లికిన ధోని ఐపీఎల్ లో మాత్రం ఆడుతున్నాడు.
ఇటీవ‌ల ముగిసిన ఐపీఎల్ 2024 లో 43 ఏళ్ల వ‌య‌స్సులోనూ అద్భుత‌మైన వికెట్ కీపింగ్ ఫీల్డింగ్ తో అద‌ర‌గొట్టాడు. సూపర్ స్టంపింగ్ ల‌తో త‌న వికెట్ కీపింగ్ ప‌దునేంటో చూపించాడు.
అంత‌ర్జాతీయ క్రికెట్ లో వికెట్ కీపింగ్ లో ధోనిని మించిన క్రికెట్ లేడు అని చెప్పాలి. ఎందుకంటే అంత‌ర్జాతీ అన్ని క్రికెట్ ఫార్మాట్ ల‌లో ధోని 195 స్టంపింగ్ ల‌తో ఎవ‌రికీ అంద‌నంత దూరంలో ఉన్నాడు. దిగ్గ‌జ ప్లేయ‌ర్లు కూడా ధోనినిలా వికెట్ల ద‌గ్గ‌ర క‌ద‌ల‌లేక‌పోయారు.
క్రికెట్ అన్ని ఫార్మాట్ల‌లో ధోని మొత్తం 195 స్టంపింగ్ ల‌తో టాప్ లో ఉన్నాడు. ఆ త‌ర్వాతి స్థానంలో లెజెండ‌రీ ప్లేయ‌ర్, శ్రీలంక మాజీ కెప్టెన్ కుమార సంగ‌క్క‌ర 139 స్టంపింగ్ లు చేశాడు. అలాగే, రొమేష్ కలువితారణ 101, బంగ్లాదేశ్ ప్లేయ‌ర్ ముష్ఫికర్ రహీమ్ 101, పాకిస్తాన్ క్రికెట‌ర్ మొయిన్ ఖాన్ 93 స్టంపింగ్ ల‌తో ధోనితో క‌లిపి టాప్-5 బెస్ట్ వికెట్ కీప‌ర్ అత్య‌ధిక స్టంపింగ్ లు చేసిన వారిలో ఉన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి