ODI cricket records : క్రికెట్ లో కొత్త రికార్డులు సృష్టించడం, వాటిని బద్దలు కొట్టడం సాధార‌ణంగా క‌నిపిస్తుంది. మ్యాచ్ ప్రారంభంలో టాస్ ఓడిపోయినప్పటికీ అత్యధిక వన్డే క్రికెట్ మ్యాచ్‌లు గెలిచిన ప్రపంచంలోని టాప్ - 5 క్రికెట్ కెప్టెన్ల గురించి ఇప్పుడు తెలుసుకుందాం.
రికీ పాంటింగ్
ఆస్ట్రేలియన్ మాజీ కెప్టెన్ రికీ పాంటింగ్ తన కెరీర్ లో అనేక మ్యాచ్ లలో టాస్ ఓడిపోయాడు కానీ, అలాంటి చాలా సంద‌ర్బాల్లో మ్యాచ్ లను గెలుచుకున్నాడు. ఈ జాబితాలో పాంటింగ్ నంబర్ వన్ స్థానంలో ఉన్నాడు. అతని కెప్టెన్సీలో టాస్ ఓడిపోయిన తర్వాత 75 వన్డే మ్యాచ్‌లు గెలిచాడు. అతను ప్రపంచంలోని అత్యంత విజయవంతమైన క్రికెట్ కెప్టెన్లలో ఒకరిగా గుర్తింపు సాధించాడు. ఆస్ట్రేలియా లెజెండరీ ప్లేయర్ రికీ పాంటింగ్ తన వన్డే క్రికెట్ కెరీర్ లో 375 మ్యాచ్ లను ఆడాడు. 13704 పరుగులు చేశాడు. అత్యధిక వ్యక్తిగత స్కోర్ 164 పరుగులు. 30 సెంచరీలు, 82 హాఫ్ సెంచరీలు సాధించాడు. ఇక టెస్టు క్రికెట్ విషయాని వస్తే మొత్తం 168 మ్యాచ్ లలో 13378 పరుగులు చేశాడు. అత్యధిక స్కోరు 257 పరుగులు. పాంటింగ్ తన టెస్టు క్రికెట్ కెరీర్ లో 41 సెంచరీలు, 6 డబుల్ సెంచరీలు, 62 హాఫ్ సెంచరీలు సాధించాడు.
ఎంఎస్ ధోని
ఈ జాబితాలో భారత మాజీ కెప్టెన్ ఎంఎస్ ధోనీ రెండో స్థానంలో ఉన్నాడు. తన కెప్టెన్సీలో ధోని వన్డే మ్యాచ్‌లలో టాస్ ఓడిపోయి మొత్తం 53 మ్యాచ్‌లు గెలిచాడు. 2007లో భారత క్రికెట్ జట్టుకు ధోనీ కెప్టెన్సీ బాధ్యతలు చేపట్టారు. తన కెప్టెన్సీలో భారత్ కు అనేక అద్భుతమైన విజయాలు అందించాడు.
ఎంఎస్ ధోని తన వన్డే క్రికెట్ కెరీర్ లో మొత్తం 350 మ్యాచ్ లను ఆడి 10773 పరుగులు చేశాడు. అత్యధిక వ్యక్తిగత స్కోరు 183 పరుగులు. వన్డే ఫార్మాట్ లో ధోని 10 సెంచరీలు, 73 హాట్ సెంచరీలు బాదాడు. టెస్టు క్రికెట్ లో 4876 పరుగులు, టీ20 క్రికెట్ లో 1617 పరుగులు చేశాడు. ఇక ఐపీఎల్ లో 5243 పరుగులు చేశాడు.
స్టీఫెన్ ఫ్లెమింగ్
ఈ జాబితాలో న్యూజిలాండ్ మాజీ కెప్టెన్ స్టీఫెన్ ఫ్లెమింగ్ మూడో స్థానంలో ఉన్నాడు. స్టీఫెన్ ఫ్లెమింగ్ తన కెప్టెన్సీలో టాస్ ఓడిపోయిన తర్వాత మొత్తం 51 మ్యాచ్‌లు గెలిచాడు. న్యూజిలాండ్ అత్యంత విజయవంతమైన కెప్టెన్లలో ఫ్లెమింగ్ ఒకరు.Stephen Fleming తన వన్డే క్రికెట్ కెరీర్ లో 280 మ్యాచ్ లను ఆడి 8037 పరుగులు చేశాడు. ఇందులో 8 సెంచరీలు, 49 హాఫ్ సెంచరీలు ఉన్నాయి. ఇక టెస్టు క్రికెట్ లో 7172 పరుగులు చేయగా, ఇందులో 7 సెంచరీలు, 3 డబుల్ సెంచరీలు, 46 హాఫ్ సెంచరీలు ఉన్నాయి.
హన్సీ క్రోంజే
ఈ జాబితాలో దక్షిణాఫ్రికా మాజీ కెప్టెన్ హన్సీ క్రోంజే మూడో స్థానంలో ఉన్నాడు. వన్డే క్రికెట్ చరిత్రలో క్రోంజే కెప్టెన్సీలో దక్షిణాఫ్రికా జట్టు టాస్ ఓడి 49 మ్యాచ్‌లు గెలిచింది.
హన్సీ క్రోంజే తన వన్డే క్రికెట్ కెరీర్ లో 188 వన్డే మ్యాచ్ లను ఆడి 5565 పరుగులు చేశాడు. ఇందులో 2 సెంచరీలు, 39 హాఫ్ సెంచరీలు ఉన్నాయి. ఇక టెస్టు క్రికెట్ లో 3714 పరుగులు చేయగా, ఇందులో 6 సెంచరీలు, 0 డబుల్ సెంచరీలు, 23 హాఫ్ సెంచరీలు ఉన్నాయి. అలాగే, టెస్టు క్రికెట్ లో 43 వికెట్లు, వన్డేల్లో 114 వికెట్లు తీసుకున్నాడు.
అలన్ బోర్డర్
ఈ జాబితాలో ఆస్ట్రేలియా మాజీ కెప్టెన్ అలన్ బోర్డర్ 5వ స్థానంలో ఉన్నాడు. అతని కెప్టెన్సీలో అలెన్ బోర్డర్ వన్డే క్రికెట్ చరిత్రలో టాస్ ఓడిపోయి మొత్తం 48 మ్యాచ్‌లు గెలిచాడు. కాగా, అతని కెరీర్ మొత్తంలో బోర్డర్ చెప్పుకోదగిన సంఖ్యలో ప్రపంచ రికార్డులను నెలకొల్పాడు. వీటిలో 150 టెస్ట్ మ్యాచ్‌లు ఆడిన మొదటి ఆటగాడు. టెస్టుల్లో 11,000 పరుగులు చేసిన తొలి ఆటగాడు. టెస్టులో రెండు ఇన్నింగ్స్‌లో 150 పరుగులు చేసిన మొదటి ఆటగాడు (150*,150 పరుగులు).
అలన్ బోర్డర్ టెస్టు క్రికెట్ లో 156 మ్యాచ్ లను ఆడాడు. 11174 పరుగులు సాధించాడు. ఇందులో అతని అత్యధిక స్కోరు 205 పరుగులు. 27 సెంచరీలు, 2 డబుల్ సెంచరీలు, 63 హాఫ్ సెంచరీలు సాధించాడు. ఇక వన్డే క్రికెట్ లో 273 మ్యాచ్ లను ఆడి 6524 పరుగులు చేశాడు. అత్యధిక వ్యక్తిగత స్కోరు 127 పరుగులు. అలన్ బోర్డర్ వన్డే క్రికెట్ లో 3 సెంచరీలు, 39 హాఫ్ సెంచరీలు సాధించాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి