ఐసీసీ టోర్నీల్లో ఇంగ్లాండ్, ఆస్ట్రేలియా విజయాలకు ప్రధాన కారణం ఆల్‌రౌండర్లే. కేవలం బ్యాటింగ్, బౌలింగ్ స్పెషలిస్టులపై ఆధారపడకుండా ఎక్కువ మంది ఆల్‌రౌండర్లను ఆడించడానికి ప్రాధాన్యం ఇస్తాయి ఈ రెండు జట్లు... టీమిండియా పరిస్థితి మాత్రం వేరు...
2019 వన్డే వరల్డ్ కప్ టోర్నీ నుంచి టీమిండియా ఓ స్పిన్ ఆల్‌రౌండర్, ఓ ఫాస్ట్ బౌలింగ్ ఆల్‌రౌండర్ ఫార్ములానే అనుసరిస్తోంది. మిగిలిన ప్లేయర్లు ఉంటే బ్యాటర్లుగా లేదంటే బౌలర్లుగానే ఉంటారు...
వాషింగ్టన్ సుందర్, అక్షర్ పటేల్ ఇద్దరూ కూడా స్పిన్ బౌలింగ్ ఆల్‌రౌండర్లు. అయితే ఈ ఇద్దరినీ ఒకే మ్యాచ్‌లో ఆడించేందుకు టీమిండియా సాహసించడం లేదు...
అలాగే హార్ధిక్ పాండ్యా గాయపడితే మరో ఫాస్ట్ బౌలింగ్ ఆల్‌రౌండర్ కనిపించడం లేదు. వెంకటేశ్ అయ్యర్ ఆశాకిరణంలా కనిపించినా పాండ్యాకి పోటీ అవుతాడనే ఉద్దేశంతో అతన్ని సరిగ్గా వాడుకునే ప్రయత్నం కూడా చేయలేదు టీమిండియా..
‘తరాలు మారుతున్నా టీమిండియా పద్ధతి మాత్రం మారడం లేదు. మహ్మద్ షమీ 8వ స్థానంలో బ్యాటింగ్‌కి వస్తాడు. తొలి వన్డేలో టీమిండియా 370 పరుగులు చేసినా ఆఖరి 3 ఓవర్లలో 17 పరుగులు మాత్రమే వచ్చాయి...
మహ్మద్ షమీ, మహ్మద్ సిరాజ్ బ్యాటింగ్ చేయలేరు. తొలుత బ్యాటింగ్ చేశాం కాబట్టి సరిపోయింది, అదే లక్ష్యఛేదనలో ఇలాంటి పరిస్థితి వస్తే... చివర్లో ఓవర్‌కి 8-10 కావాల్సి వచ్చినా చేయగల బౌలర్లు ఉండాలి...
టీమిండియాలో ఉన్న మహ్మద్ షమీ, మహ్మద్ సిరాజ్, ఉమ్రాన్ మాలిక్, యజ్వేంద్ర చాహాల్ కేవలం బౌలర్లు మాత్రమే. వారి బ్యాటింగ్ నైపుణ్యం ఏంటో అందరికీ తెలుసు. టీమిండియా ఆల్‌రౌండర్లపై ఫోకస్ పెడితే బెటర్...
శార్దూల్ ఠాకూర్, దీపక్ చాహార్, వాషింగ్టన్ సుందర్ లాంటి ఆల్‌రౌండర్లు తుది జట్టులో ఉంటే చివర్లో అవసరమైతే బ్యాటుతో కూడా రాణించగలరు. హార్ధిక్ పాండ్యా ఒక్కడి మీద ఆధారపడడం ఏ మాత్రం కరెక్ట్ కాదు...’ అంటూ కామెంట్ చేశాడు టీమిండియా మాజీ క్రికెటర్ వసీం జాఫర్..