Rohit Sharma’s car collection: గతేడాది నవంబర్‌లో జరిగిన వన్డే అంతర్జాతీయ ప్రపంచ కప్ ఫైనల్‌లో ఓడిపోవడం నుండి ఈ ఏడాది టీ20 ప్రపంచ కప్ గెల‌వ‌డం వ‌ర‌కు భారత కెప్టెన్ రోహిత్ శర్మ అద్భుత‌మైన ప్ర‌యాణం సాగించారు. ఇండియన్ ప్రీమియర్ లీగ్ ఫ్రాంచైజీ ముంబై ఇండియన్స్‌కు అతను తన కెప్టెన్సీని వదులుకోవలసి వచ్చినప్పటికీ, ఐదుసార్లు టైటిల్ ను అందించి విజ‌య‌వంత‌మైన కెప్టెన్ గా ఉన్నారు.
ఐపీఎల్ తో పాటు అంతర్జాతీయ క్రికెట్ లో ట్రోఫీలు గెలిచిన హిట్ మ్యాన్ ఇప్పుడు తన జీవితంలో అత్య‌ద్బుత‌మైన క్ష‌ణాల‌ను గ‌డుపుతున్నారు. ఈ క్ర‌మంలోనే ఎస్యూవీ అభిమాని అయిన రోహిత్ శర్మ తన కార్ల గ్యారేజీలోకి తాజాగా సెడాన్ ను తీసుకువ‌చ్చాడు. రోహిత్ శర్మ గ్యారేజీలో ఉన్న కార్ల కలెక్షన్ గ‌మ‌నిస్తే..
మెర్సిడెస్ బెంజ్ ఎస్ క్లాస్
హిట్‌మ్యాన్ రోహిత్ శర్మ గ్యారేజీలోకి కొత్త‌గా వ‌చ్చి చేరింది ఈ లగ్జరీ మెర్సిడెజ్ బెంజ్ ఎస్ క్లాస్ కారు. ఇది ప్రపంచంలోని అత్యుత్తమ లగ్జరీ సెడాన్‌లలో ఒక‌టి. ప్రస్తుతం జర్మన్ కంపెనీ ఎస్ క్లాస్ లోS350d, S450 వెర్ష‌న్ల‌ను అందిస్తోంది. రోహిత్ శర్మ కార్ గ్యారేజీలో మెర్సిడెజ్ S350d ఉంది. ఇది 6.4 సెకన్లలో 0-100 kmph వేగాన్ని అందుకుంటుంది. దీని గరిష్ట వేగం 250 kmph.
లంబోర్ఘిని ఉరుస్
రోహిత్ శర్మ కార్ గ్యారేజీలో ఉన్న మ‌రో లగ్జరీ కారు లంబోర్ఘిని ఉరుస్. ఈ పవర్-ప్యాక్డ్ లంబోర్ఘిని SUV స్పోర్ట్స్ ప్రత్యేక 0264 నంబర్ క్రింద రిజిస్ట‌ర్ చేశారు. నవంబరు 2014లో శ్రీలంకపై వన్డే ఇంటర్నేషనల్‌లో శర్మ సాధించిన అత్యధిక స్కోరు (264 ప‌రుగులు) ఇదే. ఇదే కారుపై హిట్‌మ్యాన్ ఇటీవల ముంబై-పూణే ఎక్స్‌ప్రెస్‌వేలో అతివేగంతో డ్రైవ్ చేసి చలాన్ అందుకున్నందుకు వార్తల్లో నిలిచాడు.ఈ AWD SUV 3.5 సెకన్లలో 0-100 kmph వేగాన్ని అందుకుంటుంది. దీని గరిష్ట వేగం 305 kmph.
మెర్సిడెస్ బెంజ్ జీఎల్ఎస్
భారత క్రికెట్ ప్లేయ‌ర్లు రోహిత్ శర్మ, సూర్యకుమార్ యాదవ్ లు మెర్సిడెస్-బెంజ్ జీఎల్ఎస్ ను కొనుగోలు చేశారు. ప్రస్తుతం రెండు వేరియంట్ల‌లో ఈ లగ్జరీ కార్లు అందుబాటులో ఉన్నాయి. GLS 450 పెట్రోల్ తో న‌డిచే వేరియంట్ రోహిత్ గ్యారేజీలో ఉంది.
రేంజ్ రోవర్
రేంజ్ రోవర్ లేకుండా ఏ సెలబ్రిటీ కారు గ్యారేజ్ పూర్తి కాదు. రోహిత్ శర్మ కార్ కలెక్షన్ లో కూడా లగ్జరీ రేంజ్ రోవర్ HSE LWB ట్రిమ్ ఉంది. డీజిల్ తో న‌డిచే ఈ SUV గరిష్టంగా 234 kmph వేగంతో 6.3 సెకన్లలో 0-100 kmph వేగాన్ని అందుకోగలదు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి