లేటు వయసులో టీమిండియా కెప్టెన్సీ దక్కించుకున్నా, రోహిత్ శర్మను బ్యాడ్ లక్ వెంటాడింది. టీ20 కెప్టెన్‌గా బాధ్యతలు తీసుకున్న తర్వాత న్యూజిలాండ్‌ను క్లీన్ స్వీప్ చేసిన రోహిత్ శర్మ, సౌతాఫ్రికాతో టెస్టు సిరీస్‌కి ముందు గాయపడిన విషయం తెలిసిందే...
న్యూజిలాండ్‌తో టెస్టు సిరీస్‌కి దూరంగా ఉన్న రోహిత్ శర్మ, సౌతాఫ్రికా టూర్‌కి వెళ్లేముందు భారత బౌలింగ్ కోచ్ పరాస్ మాంబ్రే సారథ్యంలో నిర్వహించిన మినీ క్యాంపులో పాల్గొన్నాడు...
ఈ మినీ క్యాంపులో ప్రాక్టీస్ చేస్తుంటే రోహిత్ శర్మ తొడ కండరాలు పట్టేయడంతో టెస్టు సిరీస్‌కి దూరమయ్యాడు. టెస్టు సిరీస్‌కి వైస్ కెప్టెన్‌గా ఎంపికైన రోహిత్ తప్పుకోవడంతో ఆ ప్లేస్‌లో కెఎల్ రాహుల్ ఎంట్రీ ఇచ్చాడు...
వన్డే సిరీస్ సమయానికి రోహిత్ శర్మ కోలుకుంటాడని వార్తలు వచ్చినా, అతని ఫిట్‌నెస్‌పై క్లారిటీ రాకపోవడంతో కెఎల్ రాహుల్‌ని తాత్కాలిక వన్డే కెప్టెన్‌గా నియమిస్తూ నిర్ణయం తీసుకుంది బీసీసీఐ...
అయితే గాయం నుంచి పూర్తిగా కోలుకోని రోహిత్ శర్మ, దాదాపు నెల రోజులుగా బెంగళూరులోని జాతీయ క్రికెట్ అకాడమీ (ఎన్‌సీఏ)లో తిరిగి ఫిట్‌నెస్ సాధించేందుకు కృషి చేస్తున్నాడు...
రోహిత్ శర్మ, బెంగళూరులోని ఎన్‌సీఏలో ఉండడంతో ముంబైలో ఉంటున్న ఆయన సతీమణి రితికా... భర్తను తెగ మిస్ అవుతున్నానంటూ ఇన్‌డైరెక్ట్‌గా తెలిపింది...
సౌతాఫ్రికాతో వన్డే సిరీస్‌కి ఎంపికైన సూర్యకుమార్ యాదవ్, ప్రసిద్ధ్ కృష్ణ, యజ్వేంద్ర చాహాల్, భువనేశ్వర్ కుమార్, శిఖర్ ధావన్, రవీంద్ర జడేజా... ప్రస్తుతం ఎన్‌సీఏలో ఫిట్‌నెస్ టెస్టులో పాల్గొంటున్నారు...
ఈ సందర్భంగా రోహిత్ శర్మను కలిసిన సూర్యకుమార్ యాదవ్... ‘hey...B-Ro’ అంటూ అతనితో దిగిన ఫోటోను సోషల్ మీడియాలో షేర్ చేశాడు...
ఈ ఫోటోకు స్పందించిన రితికా శర్మ... ‘నా బదులు, రోహిత్‌కి ఓ టైట్ హగ్ ఇవ్వు సూర్య...’ అంటూ కామెంట్ చేసింది. మరో రెండు వారాల పాటు రోహిత్ శర్మ, ఎన్‌సీఏలో ఉండే అవకాశం ఉందని సమాచారం...
సౌతాఫ్రికా టూర్ ముగించుకున్న తర్వాత స్వదేశంలో విండీస్‌తో టీ20, వన్డే సిరీస్ ఆడనుంది భారత జట్టు. ఈ సిరీస్‌లో రోహిత్ శర్మ, విరాట్ కోహ్లీ కలిసి ఆడే అవకాశం ఉంది.