టీమిండియా ఆల్‌రౌండర్ రవీంద్ర జడేజా, గాయం కారణంగా సౌతాఫ్రికాతో టెస్టు సిరీస్‌కి దూరమైన విషయం తెలిసిందే. టెస్టు సిరీస్ ముగిసిన తర్వాత జరిగే వన్డే సిరీస్‌‌లో పాల్గొనబోతున్నాడు జడ్డూ...
కాన్పూర్‌లో జరిగిన న్యూజిలాండ్, ఇండియా తొలి టెస్టు తర్వాత టీమిండియాకి దూరమైన రవీంద్ర జడేజా... ఈ ఖాళీ టైంలో ‘పుష్ఫ’ మానియాలో మునిగి తేలుతున్నాడు...
అల్లు అర్జున్ హీరోగా సుకుమార్ డైరెక్షన్‌లో వచ్చిన ‘పుష్ఫ’ సినిమాకి తెలుగులో కంటే హిందీలో మంచి లాభాలు వచ్చాయి...
తాజాగా ఓటీటీ ఫ్లాట్‌ఫామ్‌ అమెజాన్ ప్రైమ్‌లోనూ విడుదలైన ‘పుష్ఫ’ సినిమాకి అక్కడ కూడా మంచి రెస్పాన్స్ వస్తోంది...
‘పుష్ఫ’ ట్రైలర్ రిలీజైనప్పుడు... ‘పుష్ఫ... పుష్ఫరాజ్... నీ యవ్వ తగ్గేదేలే...’ అంటూ అల్లు అర్జున్ డైలాగ్‌ను ఇమిటేట్‌ చేస్తూ వీడియో విడుదల చేశాడు రవీంద్ర జడేజా...
తాజాగా ‘పుష్ఫ’ సినిమాలో అల్లుఅర్జున్ లుక్‌ని కాపీ చేస్తూ... రఫ్ లుక్‌లో నోట్లో బీడీ పెట్టుకుని పొగలు ఊదుతున్న ఫోటోను షేర్ చేశాడు రవీంద్ర జడేజా...
‘పుష్ఫ అంటే ఫ్లవర్ అనుకున్నావా... ఫైరూ...’ అంటూ కాప్షన్ ఇచ్చాడు. అలాగే పొగత్రాగడం ఆరోగ్యానికి హానికరం అంటూ, గ్రాఫిక్స్‌లో బీజీ వాడినట్టు తెలియచేశాడు జడ్డూ...
రవీంద్ర జడేజా పోస్టుకి అల్లు అర్జున్ ‘తగ్గేదే లే...’ అంటూ కామెంట్ చేశాడు. గాయంతో వన్డే సిరీస్‌కి దూరమైన వాషింగ్టన్ సుందర్... ‘వీర మారి...’ అంటూ తమిళ్‌లో రిప్లై ఇచ్చాడు...
‘పుష్ఫ’ సినిమా రిలీజ్ డేట్ దగ్గర పడుతున్న సమయంలో సరైన ప్రమోషన్ లేదని బాధపడుతున్న సమయంలో ఆసీస్ బ్యాట్స్‌మెన్ డేవిడ్ వార్నర్... అల్లుఅర్జున్ ట్రైలర్‌ని ఇమిటేట్‌ చేస్తూ వీడియో వదిలాడు...
వార్నర్ వీడియో, దానికి విరాట్ కోహ్లీ కామెంట్ కారణంగా అల్లు అర్జున్ సినిమాకి వరల్డ్ వైడ్‌గా ప్రమోషన్ వచ్చింది. ఇప్పుడు డేవిడ్ వార్నర్‌కి రవీంద్ర జడేజా పోటీ వచ్చేలా కనిపిస్తున్నాడని అనుకుంటున్నారు క్రికెట్ ఫ్యాన్స్...
ఏదైతేనేమో ఇద్దరు అంతర్జాతీయ క్రికెటర్లు కలిసి తమ హీరో సినిమాకి ఫ్రీగా వరల్డ్ వైడ్ ప్రమోషన్స్ చేస్తుండడంతో ఫుల్లు ఖుషీ అవుతున్నారు బన్నీ ఫ్యాన్స్..