రోహిత్ శర్మ లేకుంటే ఓటమే... ‘హిట్ మ్యాన్’ ఆడని గత ఐదు వన్డేల్లో చిత్తుగా ఓడిన విరాట్ సేన...
First Published Nov 28, 2020, 5:21 PM ISTరోహిత్ శర్మ... పరిమిత ఓవర్ల క్రికెట్లో తిరుగులేని స్టార్ బ్యాట్స్మెన్. జోరుమీదున్నప్పుడు రోహిత్ శర్మ ఓ సూపర్ మ్యాన్లా బ్యాటింగ్ చేస్తాడని కామెంట్ చేశాడు విరాట్ కోహ్లీ. వన్డేల్లో మూడు డబుల్ సెంచరీలు చేసిన ఏకైక క్రికెటర్.. అలాంటి రోహిత్ శర్మ లేకుండా ఆస్ట్రేలియా వన్డే, టీ20 సిరీస్ ఆడుతోంది భారత జట్టు. మొదటి వన్డేలో రోహిత్ శర్మ లేని లోటు స్పష్టంగా కనిపించింది. మొదటి వన్డేలో భారత జట్టు ఓటమి తర్వాత రోహిత్ శర్మను గుర్తు చేసుకుంటూ, బీసీసీఐ నిర్ణయాన్ని ట్రోల్ చేస్తున్నారు క్రికెట్ అభిమానులు.