IND vs BAN - Jasprit Bumrah : టీమిండియా ఫాస్ట్ బౌలర్ జస్ప్రీత్ బుమ్రా అంతర్జాతీయ క్రికెట్‌లో 400 వికెట్ల మ్యాజికల్ ఫిగర్‌ను అందుకున్నాడు. బంగ్లాదేశ్‌తో జరుగుతున్న చెన్నై టెస్టు మ్యాచ్‌లో రెండో రోజు హసన్ మహమూద్‌ను ఔట్ చేయడంతో బుమ్రా ఈ ఘనత సాధించాడు.
IND vs BAN Jasprit Bumrah : టీమిండియా ఫాస్ట్ బౌలర్ జస్ప్రీత్ బుమ్రా అంతర్జాతీయ క్రికెట్‌లో మరో ఘనత సాధించాడు. దిగ్గ‌జ ప్లేయ‌ర్ల ప్ర‌త్యేక క్ల‌బ్ లో చోటుసంపాదించాడు. చెన్నై లోని ఎంఏ చిదంబరం స్టేడియంలో జరుగుతున్న భారత్-బంగ్లాదేశ్ తొలి టెస్టులో అద్భుత‌మైన బౌలింగ్ తో మ‌రోసారి అద‌ర‌గొట్టాడు బుమ్రా. ఈ క్ర‌మంలోనే అంతర్జాతీయ క్రికెట్ లో 400 వికెట్ల మ్యాజికల్ ఫిగర్‌ను అందుకున్నాడు.
అంతర్జాతీయ క్రికెట్ లో భారతదేశం నుంచి 400 వికెట్లు తీసుకున్న 10 వ బౌలర్ గా బుమ్రా ఘనత సాధించాడు. అయితే, 400 వికెట్లు తీసిన పేస‌ర్ల‌లో ఆరో బౌలర్ గా నిలిచాడు. భారత్-బంగ్లాదేశ్ రెండు మ్యాచ్‌ల సిరీస్‌లో భాగంగా చెన్నైలోని ఎంఏ చిదంబరం మైదానంలో తొలి టెస్టు మ్యాచ్ జరుగుతోంది.
మ్యాచ్ రెండో రోజు టీ విరామ స‌మాయానికి ముందు బంగ్లాదేశ్ 112 పరుగులకే ఎనిమిది వికెట్లు కోల్పోయింది. టీ విరామానికి ముందు, జస్ప్రీత్ బుమ్రా హసన్ మహమూద్‌ను వికెట్ తీయ‌డంతో అంతర్జాతీయ క్రికెట్ లో 400 వికెట్ల మార్కును అందుకున్నాడు. బుమ్రా సూప‌ర్ బౌలింగ్ లో విరాట్ కోహ్లికి హసన్ క్యాచ్ ఇవ్వడం ద్వారా బంగ్లాదేశ్ 8వ వికెట్ కోల్పోయింది.
బంగ్లాదేశ్ 8వ వికెట్ అయిన హసన్ మహమూద్ వికెట్ బుమ్రా కెరీర్‌లో ఒక మైలురాయిగా నిలిచింది. బుమ్రా ఇప్పుడు 400 అంతర్జాతీయ వికెట్లు పూర్తి చేశాడు. భారత్ తరఫున 400 లేదా అంతకంటే ఎక్కువ అంతర్జాతీయ వికెట్లు తీసిన బౌలర్ల జాబితాలో బుమ్రా 10వ స్థానంలో నిలిచాడు.
బుమ్రా కంటే ముందు భారత దిగ్గ‌జ ప్లేయ‌ర్లు కపిల్ దేవ్, జవగల్ శ్రీనాథ్, అనిల్ కుంబ్లే, హర్భజన్ సింగ్, జహీర్ ఖాన్ ల‌తో పాటు ఆర్ అశ్విన్, రవీంద్ర జడేజా, మహ్మద్ షమీ, ఇషాంత్ శర్మలు ఈ ఘనత సాధించారు. కుంబ్లే, అశ్విన్, జడేజా, హర్భజన్ స్పిన్నర్లు కాగా, మిగతా వారంతా ఫాస్ట్ బౌలర్లే.
ఇప్పుడు అంతర్జాతీయంగా 400 వికెట్లు తీసిన భారత ఆరో ఫాస్ట్ బౌలర్‌గా బుమ్రా నిలిచాడు. రెండో రోజు టీ విరామానికి ముందు బుమ్రా ముగ్గురు బంగ్లాదేశ్ బ్యాట్స్‌మెన్‌లను పెవిలియన్‌కు పంపాడు. ఇందులో మొదటి ఓవర్ చివరి బంతికి కూడా వికెట్ తీశాడు.
భారత్ తరఫున అతి తక్కువ ఇన్నింగ్స్‌లలో 400 అంతర్జాతీయ వికెట్లు తీసిన బౌలర్ల జాబితాలో బుమ్రా ఐదో స్థానంలో ఉన్నాడు. ఆర్ అశ్విన్ 216 ఇన్నింగ్స్‌ల్లో, కపిల్ దేవ్ 220 ఇన్నింగ్స్‌ల్లో, మహమ్మద్ షమీ 224 ఇన్నింగ్స్‌ల్లో, అనిల్ కుంబ్లే 226 ఇన్నింగ్స్‌ల్లో ఈ ఫీట్ సాధించగా, బుమ్రా 227 ఇన్నింగ్స్‌ల్లో ఈ ఫీట్ సాధించారు. బుమ్రా తర్వాత 237 ఇన్నింగ్స్‌ల్లో హర్భజన్ సింగ్ ఈ ఘనత సాధించాడు.
శుక్రవారం చెన్నైలో జరిగిన తొలి టెస్టులో 2వ రోజు భారత బౌల‌ర్లు విజృంభ‌ణ‌తో బంగ్లాదేశ్ 149 పరుగులకే ఆలౌట్ అయింది. దీంతో భారత్ 227 పరుగుల భారీ తొలి ఇన్నింగ్స్ ఆధిక్యాన్ని సాధించింది. బుమ్రా మ‌రోసారి త‌న బాల్ ప‌వ‌ర్ చూపించాడు.
బుమ్రా నాలుగు కీక‌ల‌మైన వికెట్లు తీసుకున్నాడు. బుమ్రా 4/50 వికెట్ల‌లో బంగ్లాదేశ్ ఓపెనర్ షాద్‌మన్ ఇస్లాం (2), వారి టాప్ బ్యాటర్ ముష్ఫికర్ రహీమ్ (8)తో పాటు హసన్ మహమూద్, తస్కిన్ అహ్మద్‌లను అవుట్ చేశాడు. టీ బ్రేక్ ముందు హసన్ మహ్మద్‌ను ఔట్ చేయడంతో బుమ్రా అంతర్జాతీయ క్రికెట్‌లో 400 వికెట్ల మార్కును అందుకున్నాడు.
మిగిలిన వికెట్లు మహ్మద్ సిరాజ్ (2/30), రవీంద్ర జడేజా (2/19), ఆకాష్ దీప్ (2/19) లు తీసుకున్నాడు. సిరాజ్ బంగ్లాదేశ్ ఇన్నింగ్స్‌లో చివరి వికెట్‌గా నహిద్ రానాను 11 పరుగుల వద్ద ఔట్ చేశాడు. బంగ్లా ప్లేయ‌ర్ల‌లో సీనియర్ ఆల్‌రౌండర్ షకీబ్ అల్ హసన్ (32), వికెట్ కీపర్-బ్యాటర్ లిట్టన్ దాస్ (22) మధ్య 51 పరుగుల ఘన భాగస్వామ్యానికి ముందు టైగర్స్ 40/5కి తగ్గిన తర్వాత 100 కంటే తక్కువ పరుగులకే ఆలౌట్ అయ్యే అవకాశాన్ని ఉన్న‌ది.
ఆల్-రౌండర్ మెహిదీ హసన్ మిరాజ్ మిగిలిన టెయిల్-ఎండర్‌లతో పోరాడేందుకు ప్రయత్నించాడు, ఇన్నింగ్స్‌లో కేవలం సిక్స్‌తో సహా 27 పరుగులతో నాటౌట్‌గా నిలిచాడు. కానీ, చివరికి అతని జట్టును 150 మార్కును దాటించడంలో విఫలమయ్యాడు. భారత్ ఇప్పుడు రెండో ఇన్నింగ్స్ ఆడుతోంది. 81-3 పరుగులతో క్రీజులో శుభ్ మ‌న్ గిల్, రిష‌బ్ పంత్ లు ఉన్నారు. రెండో ఇన్నింగ్స్ లోనూ విరాట్ కోహ్లీ, రోహిత్ శర్మలు నిరాశ‌ప‌రిచారు.
అంతకుముందు రోజు రవిచంద్రన్ అశ్విన్ 113 పరుగులతో పాటు రవీంద్ర జడేజా (86), యశస్వి జైస్వాల్ (56) అర్ధ సెంచరీలతో భారత స్కోర్ బోర్డును ప‌రుగులు పెట్టించారు. భారత్ తొలి ఇన్నింగ్స్ ను 376-10 పరుగులతో ముగించింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి