రోహిత్, కోహ్లీ, గిల్, పంత్ ల‌ను 24 ఏళ్ల కుర్రాడు దెబ్బకొట్టాడు.. ఎవడ్రా ఈ హసన్ మహమూద్?

IND vs BAN-Hasan Mahmud : భారత్-బంగ్లాదేశ్ మధ్య జరుగుతున్న తొలి టెస్టులో బంగ్లాదేశ్ యంగ్ ఫాస్ట్ బౌలర్ హసన్ మహమూద్ భారత జట్టును తీవ్ర ఇబ్బంది పెట్టాడు. మ‌రీ ముఖ్యంగా రోహిత్ శర్మ, శుభ్ మ‌న్ గిల్, విరాట్ కోహ్లి, రిష‌బ్ పంత్ ల‌ను బౌట్ చేసి బిగ్ షాకిచ్చాడు. ఎవ‌రీ హసన్ మహమూద్?  

Hasan Mahmud

IND vs BAN-Hasan Mahmud : భారత్-బంగ్లాదేశ్ మధ్య రెండు మ్యాచ్‌ల టెస్ట్ సిరీస్ చెన్నైలోని చెపాక్ స్టేడియంలో గురువారం ప్రారంభం అయింది. బంగ్లాదేశ్ జ‌ట్టు టాస్ గెలిచి బౌలింగ్ ఎంచుకోవ‌డంతో భార‌త్ బ్యాటింగ్ కు దిగింది. అయితే, బంగ్లాదేశ్ అద్భుత‌మైన బౌలింగ్ తో భార‌త్ కు ఆరంభంలోనే బిగ్ షాక్ త‌గిలింది. మ‌న స్టార్ ప్లేయ‌ర్లను పెవిలియ‌న్ కు పంపి బిగ్ షాక్ ఇచ్చాడు బంగ్లాదేశ్ యంగ్ బౌల‌ర్ హసన్ మహమూద్. భార‌త టాపార్డ‌ర్ ను కూల్చిన ఈ హసన్ మహమూద్ ఏవ‌డ్రా?

భారత్-బంగ్లాదేశ్ మధ్య చెన్నైలోని చెపాక్ వేదికగా జ‌రుగుతున్న‌ తొలి టెస్టు మ్యాచ్ లో బంగ్లాదేశ్ టాస్ గెలిచి బౌలింగ్ ఎంచుకోవ‌డంతో భార‌త అభిమానులు సంతోషంతో ఎగిరిగంతేశాడు. ఎందుకంటే మ‌న స్టార్ ప్లేయ‌ర్ల నుంచి బిగ్ బ్యాటింగ్ ఇన్నింగ్స్ ల‌ను చూడొచ్చ‌ని. చాలా కాలం త‌ర్వాత టెస్టు క్రికెట్ ఆడుతున్న కోహ్లీ, పంత్ ల‌పై అంద‌రి క‌ళ్లు ఉన్నాయి. 

పెద్ద ఇన్నింగ్స్ లు వ‌స్తాయ‌ని అంద‌రూ అనుకుంటున్న స‌మ‌యంలో బిగ్ షాక్. ఎవ‌రూ ఊహించ‌ని విధంగా భార‌త్ వ‌రుస‌గా వికెట్లు కోల్పోయింది. అంత‌ర్జాతీ క్రికెట్ లో రికార్డుల మోత మోగించిన భార‌త‌ సీనియ‌ర్ స్టార్ ప్లేయ‌ర్ల‌కు బిగ్ షాకిచ్చాడు బంగ్లాదేశ్ 24 ఏళ్ల యంగ్ ప్లేయ‌ర్. అత‌నే హసన్ మహమూద్. అత‌ని దెబ్బ‌కు భార‌త్ ఆరంభంలోనే క‌ష్టాల్లో ప‌డింది. అశ్విన్, జ‌డేజాలు చివ‌ర‌లో ఆడ‌కుంటే తొలి రోజు భార‌త్ ఆలౌట్ అయ్యేది. 

ఈ మ్యాచ్‌లో బంగ్లాదేశ్ కెప్టెన్ నజ్ముల్ శాంటో టాస్ గెలిచి టీమిండియాను బ్యాటింగ్‌కు ఆహ్వానించాడు. ఇంగ్లండ్ సిరీస్ తర్వాత తొలిసారి టెస్టు మ్యాచ్ ఆడుతున్న భారత జట్టు టాప్ ఆర్డర్ నుంచి అభిమానులు ఆశించిన ప్రదర్శన రాలేదు. అద్భుతంగా బ్యాటింగ్ చేసే సత్తా ఉన్న రోహిత్ శర్మ, విరాట్ కోహ్లీ, శుభ్‌మన్ గిల్‌లు అభిమానులను తీవ్రంగా నిరాశపరిచి చెత్త‌గా షాట్స్ తో పెవిలియన్‌కు చేరారు. బంగ్లాదేశ్‌కు చెందిన 24 ఏళ్ల బౌలర్ భారత టాప్ ఆర్డర్‌ను దెబ్బ‌కొట్టి భార‌త్ కు బిగ్ షాకిచ్చాడు.

తొలుత బ్యాటింగ్‌కు వచ్చిన భారత ఓపెనర్లు యశస్వి జైస్వాల్, రోహిత్ శర్మల నుంచి ఆశించిన భాగ‌స్వామ్యం రాలేదు. 24 ఏళ్ల ఫాస్ట్ బౌలర్ హసన్ మహమూద్ ఇన్నింగ్స్ ఆరో ఓవర్లో భారత కెప్టెన్ రోహిత్ శర్మ (6 పరుగులు)ను అవుట్ చేసి భార‌త‌ జట్టుకు తొలి షాక్ ఇచ్చాడు. 

ఇక్కడితో ఆగలేదు ఈ యంగ్ బౌలర్. ఒక్క ప‌రుగు కూడా చేయ‌క‌ముందే శుభమన్ గిల్‌ను అద్భుత‌మైన బౌలింగ్ తో పెవిలియ‌న్ కు పంపాడు హసన్ మహమూద్. దీని తర్వాత ర‌న్ మిష‌న్ విరాట్ కోహ్లీ (6 పరుగులు) కూడా అత‌ని వలలోనే చిక్కుకుని ఔటయ్యాడు. ఈ విధంగా హసన్ మహమూద్ భారత టాప్ ఆర్డర్ త్రయాన్ని కుప్ప‌కూల్చాడు. 

మ్యాచ్‌ ప్రారంభమైన తొలి గంటలోనే కీల‌క‌మైన ఈ మూడు వికెట్లు పడిపోవడంతో భారత ఇన్నింగ్స్ క‌ష్టాల్లో ప‌డింది. ఆ త‌ర్వాత భార‌త ఇన్నింగ్స్ ను చక్క‌దిద్ద‌డానికి ప్ర‌య‌త్నం  చేశారు య‌శ‌స్వి జైస్వాల్, రిష‌బ్ పంత్. అద్భుత‌మైన షాట్స్ ఆడిన జైస్వాల్ హాఫ్ సెంచ‌రీ (56 ప‌రుగులు) సాధించాడు. రిషబ్ పంత్ సైతం ఎద‌రుదాడికి దిగాడు. కానీ, పంత్ హసన్ మహమూద్ నుంచి త‌ప్పించుకోలేక‌పోయాడు. 39 ప‌రుగుల వ‌ద్ద హసన్ మహమూద్ బౌలింగ్ లో ఔట్ అయ్యాడు.  

ఎవ‌రీ హసన్ మహమూద్? 

బంగ్లాదేశ్ యంగ్ రైట్ ఆర్మ్ ఫాస్ట్ బౌలర్ హసన్ మహమూద్ ఇటీవల పాకిస్థాన్‌తో జరిగిన టెస్టు సిరీస్‌లో అరంగేట్రం చేశాడు. పాకిస్థాన్‌తో జరిగిన రెండో మ్యాచ్‌లో రెండో ఇన్నింగ్స్‌లో 5 వికెట్లు తీసి బంగ్లాదేశ్ విజయాన్ని అందుకోవడంలో ఈ బౌలర్ కీల‌క పాత్ర పోషించాడు. ఇప్పుడు భారత్‌తో జరుగుతున్న తొలి టెస్టు తొలి సెషన్‌లోనే హసన్ మహమూద్ భార‌త్ పై చెల‌రేగి పోయాడు. ఇప్పటి వరకు ఆడిన 3 టెస్టు మ్యాచ్‌ల్లోనే అత‌ను 14కు పైగా వికెట్లు తీశాడు. భార‌త్-బంగ్లాదేశ్ తొలి టెస్టులో హసన్ మహమూద్ తొలి నాలుగు వికెట్లు తీశాడు.

హ‌స‌న్ మహమూద్ తన అంతర్జాతీయ అరంగేట్రం 2020లో టీ20 ల‌లో చేశాడు. పాకిస్తాన్ తో జ‌రిగిన టెస్టు సిరీస్ తో టెస్టు క్రికెట్ అరంగేట్రం చేశాడు. 24 ఏళ్ల అతను రెండో ఇన్నింగ్స్‌లో 4/65తో ఆకట్టుకునే బౌలింగ్ తో బంగ్లాకు విజ‌యాన్ని అందించ‌డంలో కీల‌క పాత్ర పోషించాడు. త‌న టెస్టు అరంగేట్రంలో మొత్తం ఆరు వికెట్లు పడగొట్టాడు హ‌స‌న్ మహమూద్. రైట్ ఆర్మ్ సీమర్ ఫాస్ట్ బౌలింగ్-నిర్దిష్ట లైన్-లెంగ్త్‌కు అనుగుణంగా అద్భుత‌ సామర్థ్యంతో బౌలింగ్ చేస్తూ బంగ్లా నుంచి ఎదుగుతున్న యంగ్ క్రికెట్ స్టార్లలో ఒకరిగా మారాడు.

అండ‌ర్-19 ప్రపంచ కప్ 2019లో హ‌స‌న్ మహమూద్ ఆరు మ్యాచ్‌లు ఆడి 19.33 సగటుతో  9 వికెట్లు పడగొట్టాడు. హ‌స‌న్ మహమూద్ బంగ్లాదేశ్ ప్రీమియర్ లీగ్ (BPL), బంగ్లాదేశ్ క్రికెట్ లీగ్ (BCL)లో అద్భుత‌మైన ప్రదర్శనలతో మరింత ఆకట్టుకున్నాడు. మార్చి 2020లో జింబాబ్వేపై తన టీ20 అరంగేట్రం చేశాడు. టీ20 క్రికెట్ లో 18 వికెట్లు, 22 వ‌న్డేల‌లో 30 వికెట్లు పడగొట్టాడు.