Most Beautiful All Rounder in Cricket : ఆస్ట్రేలియా అండర్-19 మహిళా క్రికెట్ జట్టులో భారత సంతతికి చెందిన 17 ఏళ్ల ఇరా ఏరి సంచలనం సృష్టిస్తోంది. తన అద్భుతమైన ఆటతో, అందంతో సోషల్ మీడియాలో కొత్త క్రష్గా మారింది.
ఆస్ట్రేలియా మహిళా క్రికెట్ ప్రపంచంలో ఒక కొత్త స్టార్ దూసుకొస్తోంది. భారత సంతతికి చెందిన 17 ఏళ్ల యంగ్ ఆల్రౌండర్ ఇరా ఏరి తన అద్భుతమైన ఆటతోనే కాదు, మనసు దోచే అందంతోనూ క్రికెట్ లవర్స్ ను ఆకట్టుకుంటోంది. ప్రస్తుతం ఆమె ఆస్ట్రేలియా అండర్-19 మహిళా జట్టులో కీలక ప్లేయర్ గా గుర్తింపు తెచ్చుకుంది. తన టాలెంట్తో ఫ్యూచర్ సూపర్స్టార్గా మారుతుందనడంలో ఎలాంటి సందేహం లేదు. ఇప్పుడు సోషల్ మీడియాలో కూడా ఈ ముక్కుపుడక సుందరి పేరు మార్మోగిపోతోంది.
25
మన ఇండియన్ రూట్స్.. ఆస్ట్రేలియాలో రైజింగ్ స్టార్
ఇరా ఏరి 2009 ఫిబ్రవరి 25న ఆస్ట్రేలియాలోని విక్టోరియాలో ఉన్న హైడెల్బర్గ్లో జన్మించింది. అక్కడే సెటిల్ అయిన ఒక భారతీయ కుటుంబానికి చెందిన అమ్మాయి ఈమె. చిన్నప్పటి నుంచే క్రికెట్ అంటే ఇరాకు పిచ్చి ప్రేమ. స్థానిక క్లబ్లలో ఆడుతూ తన టాలెంట్ ఏంటో అందరికీ చూపించింది. స్కూల్ లెవెల్ టోర్నమెంట్లలో ఇరా ఆడిన ఆటతీరును చూసి కోచ్లు సైతం ఫిదా అయ్యారు. అలా చిన్న వయసులోనే క్రికెట్ గ్రౌండ్లో తనేంటో నిరూపించుకుంది.
35
విక్టోరియా జూనియర్ నుండి జాతీయ జట్టు దాకా
ఆస్ట్రేలియాలోని విక్టోరియా వెస్ట్రన్ రీజన్ జూనియర్ క్రికెట్ అసోసియేషన్ ద్వారా ఇరా ఏరి క్రికెట్ జర్నీ స్టార్ట్ అయింది. కఠినమైన క్రమశిక్షణ, బెస్ట్ ఫిట్నెస్, ఆటపై ఉన్న అంకితభావంతో ఆమె స్టెప్ బై స్టెప్ పైకి ఎదిగింది. తక్కువ టైమ్లోనే స్టేట్ లెవెల్ టీమ్స్లో ప్లేస్ సంపాదించింది. ఆ తర్వాత తన కెరీర్లో బిగ్గెస్ట్ మైల్స్టోన్ రీచ్ అయింది. ఆస్ట్రేలియా మహిళా అండర్19 నేషనల్ టీమ్కు సెలెక్ట్ అయి అందరి దృష్టిని ఆకర్షించింది.
ట్రై సిరీస్లో వికెట్ల వేట.. ఇంగ్లాండ్పై మైండ్ బ్లోయింగ్ షో
ఇటీవల బ్రిస్బేన్లో ఆస్ట్రేలియా, ఇంగ్లాండ్, శ్రీలంక జట్ల మధ్య జరిగిన అండర్-19 మహిళల ట్రై సిరీస్లో ఇరా ఏరి వికెట్ల వేట సాగించింది. ఈ టోర్నమెంట్లో కేవలం 9 యావరేజ్తో ఏకంగా 13 వికెట్లు పడగొట్టి, జాయింట్ లీడింగ్ వికెట్ టేకర్ గా రికార్డు క్రియేట్ చేసింది. ముఖ్యంగా ఇంగ్లాండ్తో జరిగిన మ్యాచ్లో 26 రన్స్ ఇచ్చి 4 వికెట్లు తీయడమే కాకుండా, ఒక కీలక రనౌట్ కూడా చేసింది. దాంతో ఆమెకు ప్లేయర్ ఆఫ్ ది మ్యాచ్ అవార్డు దక్కింది.
అలాగే శ్రీలంకతో జరిగిన తక్కువ స్కోరింగ్ మ్యాచ్లోనూ 19 రన్స్ ఇచ్చి 3 వికెట్లు తీసి ప్రత్యర్థిని కట్టడి చేసింది. ఈ మ్యాచ్లో శ్రీలంక 99 రన్స్ డిఫెండ్ చేసుకుంటూ 3 రన్స్ తేడాతో గెలిచినప్పటికీ, ఇరా బౌలింగ్ పర్ఫార్మెన్స్ మాత్రం హైలైట్గా నిలిచింది. మిడిల్ ఓవర్లలో వికెట్లు తీస్తూ ప్రెజర్ పెట్టే ఇరా కెపాసిటీ సెలెక్టర్లను బాగా ఇంప్రెస్ చేసింది.
55
సీనియర్ టీమ్లోకి ఎంట్రీ.. సోషల్ మీడియాలో కొత్త క్రష్
ప్రస్తుతం ఆస్ట్రేలియా నేషనల్ క్రికెట్ సెలెక్టర్లు ఇరా ఏరి ఆటను చాలా క్లోజ్గా అబ్సర్వ్ చేస్తున్నారు. ఇదే ఫామ్ కంటిన్యూ చేస్తే, ఆమె త్వరలోనే ఆస్ట్రేలియా సీనియర్ మహిళల జాతీయ జట్టులోకి ఎంట్రీ ఇవ్వడం ఖాయం. ఆల్రౌండర్గా బ్యాటింగ్, బౌలింగ్ రెండింట్లోనూ రాణించగలగడం ఆమెకు పెద్ద ప్లస్ పాయింట్.
మరోవైపు, సోషల్ మీడియాలో ఇరా ఫొటోలు, వీడియోలు తెగ వైరల్ అవుతున్నాయి. ఆమె లుక్స్, ఫిట్నెస్ చూసి అభిమానులు క్రష్గా ఫీలవుతున్నారు. కొందరైతే ఆమెను ఆస్ట్రేలియా స్టార్ క్రికెటర్ ఎల్లీస్ పెర్రీతో పోల్చుతున్నారు. అయితే ఇరా మాత్రం తన సొంత టాలెంట్తోనే వరల్డ్ వైడ్గా క్రికెట్ లవర్స్ గుండెల్లో స్థానం సంపాదిస్తోంది.
