Rishabh Pant: ఐపీఎల్ హిస్టరీలోనే బిగ్గెస్ట్ ట్రేడ్ డీల్ పూర్తయింది. లక్నోను వీడి ఢిల్లీ క్యాపిటల్స్లోకి రిషబ్ పంత్ వచ్చేశాడు. అలాగే, కుల్దీప్ యాదవ్ లక్నో టీంలోకి వెళ్లాడు. ఈ డీల్ లో పంత్ అందుకునే మొత్తం భారీగా తగ్గింది.
పంత్ కు 12 కోట్ల లాస్, కుల్దీప్ కు బంపర్ ఆఫర్.. ఐపీఎల్ హిస్టరీలోనే బిగ్గెస్ట్ ట్రేడ్ డీల్
ఐపీఎల్ క్రికెట్ అభిమానులకు మైండ్ బ్లాక్ అయ్యే క్రేజీ అప్డేట్ వచ్చేసింది. టోర్నీ హిస్టరీలోనే అత్యంత భారీ ట్రేడ్ డీల్ అధికారికంగా పూర్తయింది. లక్నో సూపర్ జెయింట్స్ (LSG) టీమ్ కెప్టెన్గా ఉన్న స్టార్ వికెట్ కీపర్ బ్యాటర్ రిషబ్ పంత్.. ఆ టీమ్ను వదిలేసి మళ్లీ తన పాత గూడైన ఢిల్లీ క్యాపిటల్స్ (DC) లోకి రీఎంట్రీ ఇచ్చాడు. ఈ ట్రేడ్ డీల్ అంతా సజావుగా సాగినా, పంత్ శాలరీ విషయంలో మాత్రం షాక్ తగిలింది. ఢిల్లీ టీమ్ లోకి అడుగుపెడుతున్న పంత్కు ఏకంగా 12 కోట్ల రూపాయల భారీ శాలరీ కట్ పడింది.
25
పంత్ వర్సెస్ కుల్దీప్.. అటు ఇటు మారిన ప్లేయర్స్
ఈ ట్రేడ్ డీల్ ఎలా జరిగిందంటే.. ఢిల్లీ క్యాపిటల్స్కు చెందిన చైనామన్ స్పిన్నర్ కుల్దీప్ యాదవ్, లక్నో సూపర్ జెయింట్స్ ప్లేయర్ రిషబ్ పంత్ ఇద్దరూ పరస్పరం టీమ్స్ మార్చుకున్నారు. అంటే పంత్ ఢిల్లీ టీమ్కు రాగా, కుల్దీప్ యాదవ్ లక్నో సూపర్ జెయింట్స్ టీమ్లోకి వెళ్లాడు. ఈ మెగా ట్రేడ్ డీల్కు సంబంధించిన అఫీషియల్ అనౌన్స్మెంట్ కూడా వచ్చేసింది. రిషబ్ పంత్కు ఢిల్లీ క్యాపిటల్స్తో చాలా పాత అనుబంధం ఉంది. 2016 నుండి 2024 వరకు ఢిల్లీ టీమ్లోనే ఉన్నాడు. ఆ ఫ్రాంచైజీ తరఫున అత్యధిక మ్యాచ్లు ఆడిన రికార్డు కూడా పంత్ పేరు మీదనే ఉండటం విశేషం.
35
27 కోట్ల నుండి 15 కోట్లకు.. పంత్ అందుకునే మొత్తం ఎంత?
2025 ఐపీఎల్ సీజన్ టైంలో లక్నో సూపర్ జెయింట్స్ టీమ్ రిషబ్ పంత్ను ఏకంగా రూ. 27 కోట్ల భారీ మొత్తానికి దక్కించుకుంది. ఐపీఎల్ చరిత్రలోనే ఇది అత్యంత భారీ బిడ్డింగ్ రికార్డుగా నిలిచింది. కానీ, ఇప్పుడు 2027 ఐపీఎల్ టోర్నీ కోసం ఢిల్లీ క్యాపిటల్స్కు మారుతున్న క్రమంలో పంత్ వేతనాన్ని సవరించారు. 2027 ఐపీఎల్ సీజన్కు గానూ ఢిల్లీ టీమ్ పంత్కు కేవలం రూ. 15 కోట్ల శాలరీ మాత్రమే ఇవ్వనుంది. అంటే పాత జీతంతో పోలిస్తే ఏకంగా 12 కోట్ల రూపాయలు తగ్గిందన్నమాట. ఇక ఢిల్లీ నుండి లక్నో టీమ్ లోకి వెళ్లిన కుల్దీప్ యాదవ్కు లక్నో ఫ్రాంచైజీ రూ. 13.50 కోట్లు అందించనుంది. గత కొన్ని సీజన్లలో వీరిద్దరూ ఆశించిన స్థాయిలో పర్ఫార్మెన్స్ ఇవ్వకపోవడమే దీనికి కారణం అని తెలుస్తోంది.
రిషబ్ పంత్ లక్నో సూపర్ జెయింట్స్ టీమ్ లోకి వెళ్ళిన తర్వాత సీన్ మొత్తం రివర్స్ అయింది. అటు పంత్ పర్సనల్ ఫామ్, ఇటు లక్నో టీమ్ పర్ఫార్మెన్స్ రెండూ దారుణంగా పడిపోయాయి. 2025, 2026 రెండు ఐపీఎల్ సీజన్లలోనూ లక్నో సూపర్ జెయింట్స్ టీమ్ కనీసం ప్లేఆఫ్స్ కూడా చేరలేకపోయింది. దీనికి తోడు లక్నో టీమ్ ఓనర్.. గ్రౌండ్లోనే అందరి ముందూ బహిరంగంగా రిషబ్ పంత్పై తన అసంతృప్తిని వ్యక్తం చేసిన ఫొటోలు, వీడియోలు సోషల్ మీడియాలో విపరీతంగా వైరల్ అయ్యాయి. ఇది పంత్ అభిమానులకు తీవ్ర నిరాశ కలిగించింది.
55
కెప్టెన్సీకి గుడ్బై చెప్పేసిన పంత్
ఐపీఎల్ 2026 సీజన్ ముగిసిన వెంటనే రిషబ్ పంత్ ఒక కీలక నిర్ణయం తీసుకున్నాడు. తనను లక్నో టీమ్ కెప్టెన్సీ బాధ్యతల నుండి తప్పుకునేందుకు అనుమతించాలని ఫ్రాంచైజీ మేనేజ్మెంట్ను స్వయంగా కోరాడు. పంత్ తీసుకున్న ఈ నిర్ణయాన్ని గౌరవించిన లక్నో ఫ్రాంచైజీ, అతడిని కెప్టెన్సీ నుండి రిలీజ్ చేసింది. ఆ వెంటనే ఈ క్రేజీ ట్రేడ్ డీల్ తెరపైకి రావడం, పంత్ మళ్లీ ఢిల్లీ క్యాపిటల్స్ జెర్సీ వేసుకోవడం చకచకా జరిగిపోయాయి.
