సునీల్ గవాస్కర్, టీమిండియా లెజెండరీ క్రికెటర్. టెస్టుల్లో 10 వేల పరుగులు అందుకున్న మొట్టమొదటి క్రికెటర్. సచిన్ టెండూల్కర్ లాంటి లెజెండరీ క్రికెటర్లకు ఆదర్శప్రాయం. అలాంటి గవాస్కర్, తన రిటైర్మెంట్ తర్వాత రెండో తరంలో వచ్చిన ధోనీ ఆటోగ్రాఫ్ తీసుకున్నాడు..
ఐపీఎల్ 2023 సీజన్‌తో మహేంద్ర సింగ్ ధోనీ, అన్ని రకాల ఫార్మాట్ నుంచి తప్పుకోబోతున్నట్టు వార్తలు వస్తున్నాయి. వాటిని నిజం చేస్తూ చెన్నైలో సీఎస్‌కే ఆడిన ఆఖరి లీగ్ మ్యాచ్‌లో ఫ్యాన్స్‌కి థ్యాంక్స్ చెప్పాడు ధోనీ...
15 పాయింట్లతో ఐపీఎల్ 2023 సీజన్ పాయింట్ల పట్టికలో రెండో స్థానంలో ఉన్న చెన్నై సూపర్ కింగ్స్, మిగిలిన రెండు మ్యాచుల్లో కనీసం ఒక్కటి గెలిచినా ప్లేఆఫ్స్ బెర్త్ కన్ఫార్మ్ చేసుకుంటుంది...
ప్లేఆఫ్స్ చేరితే చెన్నైలోనే ఎలిమినేటర్, మొదటి క్వాలిఫైయర్ మ్యాచులు జరుగుతాయి. అయితే వీటిపై గ్యారెంటీ లేకపోవడంతో చెన్నై జనాలకు ధన్యవాదాలు చెబుతూ చెన్నైలో 2023 లీగ్ మ్యాచ్‌లకు ముగింపు పలికాడు ధోనీ..
‘గ్రౌండ్‌లో ధోనీ ఉంటే అతను చూపించే ఇంపాక్ట్ వేరేగా ఉంటుంది. ఇలాంటి ప్లేయర్లు తరానికి ఒక్కరే వస్తారు. కాదు కాదు... శతాబ్దానికి ఒక్కరే పుడతారు. అందుకే ధోనీ ఆటను ఇంకా ఇంకా చూడాలని జనాలు కోరుకుంటున్నారు..
ఇది ధోనీకి ఆఖరి సీజన్ కాకూడదని నేను కోరుకుంటున్నా. ఇలాగే ఇంకొన్ని సీజన్లు ఆడాలని ఆశపడుతున్నా...’అంటూ కామెంట్ చేసిన సునీల్ గవాస్కర్, ధోనీతో కౌగిలించుకుని, తన షర్ట్ మీద మాహీ ఆటోగ్రాఫ్ తీసుకున్నాడు...
సచిన్ టెండూల్కర్, సౌరవ్ గంగూలీ, రాహుల్ ద్రావిడ్ వంటి ఎందరో లెజెండరీ క్రికెటర్లకు ఫెవరెట్ క్రికెటర్‌గా ఆటోగ్రాఫ్‌లు ఇచ్చిన సునీల్ గవాస్కర్, ధోనీ ఆటోగ్రాఫ్ తీసుకోవడం, అదీ తన గుండెల మీద తీసుకోవడం మాహీ మాస్ ఫాలోయింగ్‌కి నిదర్శనం..