ఐపీఎల్ 2023 మినీ వేలానికి ముహుర్తం ఫిక్స్ అయ్యింది. డిసెంబర్ 23న కొచ్చిలో జరగనున్న ఈ వేలానికి 991 మంది ప్లేయర్లు పేర్లను రిజిస్టర్ చేయించుకున్నారు. ఇందులో 714 మంది భారతీయ క్రికెటర్లు కాగా, మిగిలిన 277 మంది ఫారిన్ ప్లేయర్లు. ఐపీఎల్ 2023 మినీ వేలంలో 21 మంది ప్లేయర్లు రూ.2 కోట్ల బేస్ ప్రైజ్‌కి రిజిస్టర్ చేసుకున్నారు...
ఇంగ్లాండ్ టెస్టు కెప్టెన్ బెన్ స్టోక్స్, ఆల్‌రౌండర్ సామ్ కుర్రాన్‌తో పాటు కామెరూన్ గ్రీన్, కేన్ విలియంసన్, నికోలస్ పూరన్, జాసన్ హోల్డర్, కౌంటర్‌నైల్, ట్రావిస్ హెడ్, క్రిస్ లీన్, బాంటన్, క్రిస్ జోర్డాన్, తైముల్ మిల్స్, క్రిస్ ఓవర్‌టన్, అదిల్ రషీద్, సాల్ట్, ఆడమ్ మిల్నే, జేమ్స్ నీశమ్, రస్సో, డేర్ దుస్సేన్, మాథ్యూస్... రూ.2 కోట్ల బేస్ ప్రైజ్ లిస్టులో వేలానికి రాబోతున్నారు...
రూ.2 కోట్ల బేస్ ప్రైజ్ లిస్టులో కాదు కదా కోటిన్నర బేస్ ప్రైజ్ లిస్టులో కూడా ఒక్క భారత ప్లేయర్ కూడా లేకపోవడం విశేషం. ఐపీఎల్ 2023 మినీ వేలంలో భారత బ్యాటర్ మయాంక్ అగర్వాల్ రూ.1 కోటి బేస్ ప్రైజ్‌కి రిజిస్టర్ చేసుకోగా, ఇషాంత్ శర్మ రూ.75 లక్షలు, అజింకా రహానే రూ.50 లక్షల బేస్ ప్రైజ్ లిస్టులో చేరారు...
ఐపీఎల్ 2023 మినీ వేలంలో 10 ఫ్రాంఛైజీలు కలిసి అత్యధికంగా 87 ప్లేయర్లను వేలం పాటలో కొనుగోలు చేయబోతున్నారు. ఇందులో 30 మంది విదేశీ ప్లేయర్లు ఉంటారు. మినీ వేలంలో పాల్గొనే భారత ప్లేయర్లలో 19 మంది టీమిండియాకి ఆడిన వారు, 91 మంది ఐపీఎల్‌లో ఇంతకుముందు ఆడిన అన్‌క్యాప్డ్ ప్లేయర్లు. మిగిలిన వారంతా ఐపీఎల్‌లో కూడా చోటు దక్కించుకోని వాళ్లే...
ఐపీఎల్ 2023 మినీ వేలంలో స్కాట్లాండ్, నెదర్లాండ్స్ వంటి అసోసియేట్ దేశాల నుంచి 20 మంది ప్లేయర్లు వేలంలో పాల్గొనబోతున్నారు. ఆస్ట్రేలియా నుంచి అత్యధికంగా 57 మంది ఈ మినీ వేలంలో పాల్గొంటుంటే, సౌతాఫ్రికా నుంచి 52, వెస్టిండీస్ నుంచి 33 మంది ప్లేయర్లు వేలానికి రాబోతున్నారు..
రూ.కోటిన్నర బేస్ ప్రైజ్ లిస్టులో సీన్ అబ్బాట్, రిలే మెడరిత్, జే రిచర్డ్‌సన్, ఆడమ్ జంపా, షకీల్ అల్ హసన్, హ్యారీ బ్రూక్, విల్ జాక్స్, డేవిడ్ మలాన్, జాసన్ రాయ్, రుతర్‌ఫర్డ్‌ ఉన్నారు....
కోటి రూపాయల బేస్ ప్రైజ్ బ్యాండ్‌లో మయాంక్ అగర్వాల్, కేదార్ జాదవ్, మనీశ్ పాండే, మహ్మద్ నబీ, ముజీబ్ వుర్ రహీం, హెండ్రిక్స్, ఆండ్రూ టై, జో రూట్, లూక్ వుడ్, మైఖేల్ బ్రాస్‌వెల్, మార్క్ ఛాంప్‌మన్, మార్టిన్ గుప్టిల్, కేల్ జెమ్మీసన్, మ్యాట్ హెన్రీ, టామ్ లాథమ్, డార్ల్ మిచెల్, క్లాసెన్, తంబ్రీజ్ షంసీ, కుశాల్ పెరేరా, రుస్టన్ ఛేజ్, రకీం కార్న్‌వాల్, అకీల్ హుస్సేన్, డేవిడ్ వీజ్ ఉన్నారు..