India vs West Indies: ఇండియా vs వెస్టిండీస్ 2వ వన్డే.. సిరాజ్ రీఎంట్రీ, ప్లేయింగ్ 11లో భారీ మార్పులు
India vs West Indies: వెస్టిండీస్తో రెండో వన్డేకి టీమిండియా సిద్ధమైంది. పిచ్కి తగ్గట్టు ప్లేయింగ్ 11లో సిరాజ్ తిరిగొచ్చే అవకాశం ఉంది. నితీష్ కుమార్ రెడ్డి, నమన్లలో ఒకరు అవుట్ కానున్నారు.
వెస్టిండీస్తో జరిగిన తొలి మ్యాచ్లో గ్రాండ్ విక్టరీ కొట్టిన భారత జట్టు, ఇప్పుడు రెండో వన్డేకి రెడీ అయిపోయింది. మొదటి మ్యాచ్ గెలిచి సిరీస్లో 1-0 ఆధిక్యంలో ఉన్నప్పటికీ, టీమిండియా కాంబినేషన్లో కొన్ని కీలక మార్పులు జరిగే ఛాన్స్ కనిపిస్తోంది. సీనియర్ ఫాస్ట్ బౌలర్ మహమ్మద్ సిరాజ్ మళ్లీ తుది జట్టులోకి వచ్చే అవకాశాలు బలంగా ఉన్నాయి. గౌహతి పిచ్పై సిరాజ్ తన స్పెల్స్తో ప్రత్యర్థిని దెబ్బకొట్టగలడని టీమ్ మేనేజ్మెంట్ భావిస్తోంది.
భారత్, వెస్టిండీస్ మధ్య మూడు వన్డేల సిరీస్లో రెండో మ్యాచ్ సెప్టెంబర్ 30న (బుధవారం) గౌహతిలోని బర్సపారా క్రికెట్ స్టేడియంలో జరగనుంది. తిరువనంతపురంలో జరిగిన మొదటి మ్యాచ్లో భారత్ 8 వికెట్ల తేడాతో ఘన విజయం సాధించింది. ఇప్పుడు శుభ్మన్ గిల్ కెప్టెన్సీలోని భారత జట్టు ఈ మ్యాచ్ కూడా గెలిచి సిరీస్ సొంతం చేసుకోవాలని చూస్తోంది. ఈ పోరు భారత కాలమానం ప్రకారం మధ్యాహ్నం 2 గంటలకు స్టార్ట్ అవుతుంది.