మహేంద్ర సింగ్ ధోనీ 2020, ఆగస్టు 15 స్వాతంత్య్ర దినోత్సవం రోజున అంతర్జాతీయ క్రికెట్ నుంచి తప్పుకుంటున్నట్టు ప్రకటించాడు. ఈ హఠాత్ నిర్ణయంతో యావత్ క్రికెట్ ప్రపంచం షాక్‌కు గురైంది...
undefined
మాహీ తన రిటైర్మెంట్ ప్రకటించిన కొద్దిసేపటికీ... ‘నేను కూడా నీతోనే నడుస్తా...’ అంటూ సురేశ్ రైనా కూడా అంతర్జాతీయ క్రికెట్‌కి వీడ్కోలు పలికాడు. మాహీ రిటైర్మెంట్ కారణంగా రైనా డిసిషన్‌ను ఎవ్వరూ పట్టించుకోలేదు...
undefined
తాజాగా ఐపీఎల్ విషయంలోనూ అదే ఫార్ములాను ఫాలో అవుతానంటున్నాడు ‘మిస్టర్ ఐపీఎల్’ సురేశ్ రైనా. ధోనీ వచ్చే సీజన్ ఆడకపోతే, తాను కూడా ఆడబోనంటూ షాకింగ్ కామెంట్లు చేశాడు...
undefined
‘నా వయసు 34 ఏళ్లు. ఇప్పుడున్న ఫామ్‌లో ఆడితే ఇంకో నాలుగైదేళ్లు ఈజీగా క్రికెట్ ఆడగలను. అయితే ఈ సీజన్ ఇంకా పూర్తికాలేదు...
undefined
వచ్చే సీజన్‌లో కొత్త జట్లను చేర్చబోతున్నారని తెలిసింది. అయితే నేను క్రికెటర్‌గా కొనసాగింతకాలం చెన్నై సూపర్ కింగ్స్‌తోనే కొనసాగాలని అనుకుంటున్నా. లేదంటే ఐపీఎల్ ఆడడమే మానేస్తా...
undefined
ఈ ఏడాది మేం బాగా ఆడుతున్నాం. ఇలాగే సీజన్‌ను ముగిస్తామని అనుకుంటున్నా. ధోనీ వచ్చే సీజన్ ఆడకపోతే, నాకు కూడా ఇదే ఆఖరి ఐపీఎల్ సీజన్. మాహీ లేకపోతే నేను ఆడలేను...
undefined
ఒకవేళ ఈ సీజన్‌లో సీఎస్‌కే టైటిల్ గెలిస్తే, వచ్చే సీజన్ కూడా ఆడేందుకు మహేంద్ర సింగ్ ధోనీని ఒప్పిస్తాను. కానీ ఓడిపోతే భాయ్ నిర్ణయం ఎలా ఉంటుందో చెప్పలేం...’ అంటూ షాకింగ్ కామెంట్లు చేశాడు సురేశ్ రైనా...
undefined
గత సీజన్‌లో రైనా, మామ ఇంటిపై దుండగులు దాడి చేసి అతన్ని హత్య చేశారు. ఈ హఠాత్ సంఘటనతో ఐపీఎల్ ప్రారంభానికి ముందే స్వదేశానికి తిరిగొచ్చాడు రైనా. రైనా లేకుండా బరిలో దిగిన సీఎస్‌కే, ప్లేఆఫ్ కూడా అర్హత సాధించలేకపోయింది...
undefined
ధోనీ తర్వాత సురేశ్ రైనాను అంతగా అభిమానిస్తారు సీఎస్‌కే ఫ్యాన్స్. అందుకే రైనాని ‘చిన్న తలా’ అని ముద్దుగా పిలుచుకుంటారు... రైనా డెసిషన్ తెలుసుకున్న మాహీ ఫ్యాన్స్, ఇది నిజమైన స్నేహానికి చిహ్నమని కామెంట్లు చేస్తున్నారు...
undefined
అయితే ధోనీ కోసం రైనా ఇలాంటి నిర్ణయాలు తీసుకోవడం ఏంటని ‘చిన్నతలా’ ఫ్యాన్స్ ఆశ్చర్యపోతున్నారు. 40 ఏళ్ల ధోనీ తప్పుకుంటే, అతనికంటే ఆరేళ్లు చిన్నవాడైనా రైనా కూడా తప్పుకోవాలని నిర్ణయం తీసుకోవడం సరికాదని వాదిస్తున్నారు...
undefined
మాహీ అంటే ఎంతటి అభిమానం ఉంటే మాత్రం, అతను ఆడితే ఆడతా? లేదంటే మానేస్తా అనడం మూర్ఖత్వమని అంటున్నారు క్రికెట్ ఫ్యాన్స్. ఓ క్రికెటర్‌కి కెప్టెన్ అంటే అభిమానం ఉండొచ్చు కానీ అతనికోసమే క్రికెట్ ఆడుతున్నట్టు రైనా వైఖరి ఉందని కామెంట్ చేస్తున్నారు.
undefined
మహేంద్ర సింగ్ ధోనీకి సన్నిహితుడు కావడం వల్లే, సురేశ్ రైనా చాలా కీలక టోర్నీల్లో స్థానం సంపాదించుకున్నాడని, అతని కోసం మాహీ ఫామ్‌లో ఉన్న యూసఫ్ పఠాన్ లాంటి ప్లేయర్లను పక్కనబెట్టాడని మాజీ క్రికెటర్ యువరాజ్ సింగ్ ఆరోపించిన విషయం తెలిసిందే.
undefined