ఐసీసీ వన్డే జట్టులో ఒక్క ఇండియన్ కూడా లేడా?

ICC ODI Team of the Year 2024: 2024 ఏడాదికి గానూ అత్యుత్తమ వన్డే జట్టును ఐసీసీ ప్రకటించింది. ఈ జట్టులో ఒక్క భారత ప్లేయర్ కు చోటుదక్కలేదు. మరీ టీమ్ లో ఎవరెవరున్నారు? 

ఏ ఫార్మాట్‌లో అయినా ప్రపంచంలోని అత్యంత మెరుగైన ప్రదర్శనలు ఇచ్చే జట్లలో టీమిండియా ఒకటిగా ఉంది. కానీ, 2024 సంవత్సరం భారత జట్టుకు పీడకలగా మారింది. శ్రీలంకతో జరిగిన వన్డే సిరీస్‌లో చారిత్రాత్మక ఓటమితో పాటు భార‌త జ‌ట్టు చాలా పెద్ద పరాజయాలను ఎదుర్కోవాల్సి వచ్చింది. ఫలితంగా ఐసీసీ బెస్ట్ ప్లేయింగ్ ఎలెవన్‌లో భారత జట్టులోని ఏ భారత ఆటగాడికి చోటు దక్కలేదు. కానీ భారత మహిళల జట్టులోని ఇద్దరు క్రీడాకారులు తమ అద్భుతమైన ఆటతీరుతో ఐసీసీ జట్టులోకి అడుగుపెట్టారు.

2024 అత్యుత్తమ వన్డే జట్టును తాజాగా ఐసీసీ ప్రకటించింది. శ్రీలంక కెప్టెన్ సరిత్ అసలంకకు కెప్టెన్సీ దక్కింది. టీ20 ప్రపంచ కప్ కారణంగా చాలా జట్లు తక్కువ వన్డేలు ఆడాయి. ఆరు వన్డేలు మాత్రమే ఆడిన భారత జట్టు నుంచి ఎవరూ ఈ జట్టులో చోటు దక్కించుకోలేకపోయారు.

రోహిత్ శర్మ

పాకిస్థాన్ ఆటగాళ్ల మాయాజాలం

2024లో 50 ఓవర్ల ఫార్మాట్‌లో భారత్ తక్కువ మ్యాచ్‌లు ఆడిన ప్రభావం కూడా కనిపించింది. కానీ ఐసీసీ జట్టులో పాక్ ఆటగాళ్ల సత్తా కనిపించింది. ICC పురుషుల ODI టీమ్ ఆఫ్ ది ఇయర్‌లో శ్రీలంక నుండి నలుగురు, పాకిస్తాన్, ఆఫ్ఘనిస్తాన్ నుండి ముగ్గురు చొప్పున, వెస్టిండీస్ నుండి ఒకరు ఈ జట్టులో చోటు సంపాదించారు. గతేడాది భారత్ కేవలం మూడు వన్డేలు మాత్రమే ఆడింది. శ్రీలంకలో ఆడిన ఈ మూడు మ్యాచ్‌ల్లో భారత జట్టు రెండు మ్యాచ్‌ల్లో ఓటమిని చవిచూడగా, ఒక మ్యాచ్ టైగా ముగిసింది.

ఐసీసీ వన్డే జట్టుకు చరిత్ అసలంక కెప్టెన్ 

ఐసీసీ అత్యుత్తమ వన్డే జట్టు 2024కు కెప్టెన్‌గా శ్రీలంక స్టార్ ప్లేయర్ చరిత్ అసలంక ఎంపికయ్యాడు. గత సంవత్సరం అతను 16 ODI మ్యాచ్‌లలో 50.2 సగటుతో 605 పరుగులు చేశాడు, ఇందులో ఒక సెంచరీ, నాలుగు అర్ధసెంచరీలు ఉన్నాయి. పాకిస్థాన్ తరుపున అద్భుత బ్యాటింగ్ చేసిన సామ్ అయూబ్, షాహీన్ అఫ్రిది, హరీస్ రవూఫ్ లకు జట్టులో చోటు దక్కింది. 

ఐదో స్థానంలో అసలంక, షెరఫేన్ రూథర్‌ఫోర్డ్, అస్మతుల్లా ఉమర్జాయ్ ఫినిషర్లుగా వ్యవహరిస్తారు. వనిందు హసరంగ, షాహీన్ అఫ్రిది, హారిస్ రవూఫ్, ఫజల్హక్ ఫరూఖీ బౌలర్లు.

ఐసీసీ వన్డే ర్యాంకింగ్స్‌లో భారత్ అగ్రస్థానంలో ఉంది. రోహిత్, గిల్, కోహ్లీ వరుసగా 2, 3, 4 స్థానాల్లో ఉన్నారు. అయినా 2024 వన్డే జట్టులో ఒక్కరూ లేకపోవడం ఆశ్చర్యం కలిగిస్తోంది. 

2024 ఐసీసీ వన్డే అత్యుత్తమ పురుషుల జట్టు: చరిత్ అసలంక (కెప్టెన్) (శ్రీలంక), సైమ్ అయూబ్ (పాకిస్థాన్), రహ్మానుల్లా గుర్బాజ్ (ఆఫ్ఘనిస్థాన్), పాతుమ్ నిస్సాంక (శ్రీలంక), కుసల్ మెండిస్ (వికెట్) (శ్రీలంక), షెర్ఫాన్ రూథర్‌ఫోర్డ్ (వెస్టిండీస్), అజ్మతుల్లా ఒమర్జాయ్ (ఆఫ్ఘనిస్తాన్), వనిందు హసరంగా (శ్రీలంక), షాహీన్ షా అఫ్రిది (పాకిస్థాన్), హరీస్ రవూఫ్ (పాకిస్థాన్), AM ఘజన్‌ఫర్ (ఆఫ్ఘనిస్తాన్).

India Women vs Bangladesh Women, India ,

మహిళల జట్టులో ఇద్దరు భారతీయులు

ఐసీసీ అత్యుత్తమ మహిళల వన్డే జట్టులో ఇద్దరు భారత క్రీడాకారిణులకు అవకాశం లభించింది. ఐసీసీ టీమ్‌లో స్టార్ బ్యాట్స్‌మెన్ స్మృతి మంధాన, ఆల్‌రౌండర్ దీప్తి శర్మలు చోటు దక్కించుకున్నారు. ఈ ఇద్దరు భారత ఆటగాళ్లతో పాటు ఇంగ్లండ్‌ నుంచి ముగ్గురు, ఆస్ట్రేలియా, దక్షిణాఫ్రికా నుంచి ఇద్దరు, శ్రీలంక, వెస్టిండీస్‌ల నుంచి ఒక్కొక్కరు చొప్పున మహిళల వన్డే జట్టులో చోటు దక్కించుకున్నారు.

2024 ఐసీసీ వన్డే అత్యుత్తమ మహిళల జట్టు:  స్మృతి మంధాన (భారత్), లారా వోల్వార్డ్ట్ (కెప్టెన్) (దక్షిణాఫ్రికా), చమరి అట‌ప‌ట్టు (శ్రీలంక), హేలీ మాథ్యూస్ (వెస్టిండీస్), మారిజాన్ కాప్ (దక్షిణాఫ్రికా), యాష్లీ గార్డనర్ (ఆస్ట్రేలియా), అన్నాబెల్ సదర్లాండ్ (ఆస్ట్రేలియా). ), అమీ జోన్స్ (వారం) (ఇంగ్లండ్), దీప్తి శర్మ (భారతదేశం), సోఫీ ఎక్లెస్టోన్ (ఇంగ్లండ్), కేట్ క్రాస్ (ఇంగ్లండ్).