ఐపీఎల్ 2020 సీజన్‌లో ఒకే మ్యాచ్‌లో ఐదు వికెట్లు తీసి, అందరి దృష్టినీ ఆకర్షించాడు వరుణ్ చక్రవర్తి. ఈ ఇన్నింగ్స్ కారణంగా టీమిండియా సెలక్టర్ల దృష్టిలో పడిన ఈ మిస్టరీ స్పిన్నర్ ప్రదర్శన ఏ మాత్రం సంతృప్తికరంగా లేదని అంటున్నారు లంక మాజీ స్పిన్నర్ ముత్తయ్య మురళీధరన్, పాక్ మాజీ క్రికెటర్, కామెంటేటర్ రమీజ్ రాజా...
‘టీ20 సిరీస్‌లో భారత జట్టు బౌలింగ్ చూస్తే వరుణ్ చక్రవర్తి కంటే రాహుల్ చాహార్ బెస్ట్ పర్ఫామెన్స్ ఇచ్చాడు. అతను మిస్టరీ స్పిన్నర్ అన్నారు, కానీ అతనే ఒకే పేస్‌తో బౌలింగ్ చేస్తూ, ఎలాంటి వెరైటీ చూపించలేకపోయాడు...
లంక స్పిన్నర్లు రాణించినంతగా భారత స్పిన్నర్లు రాణించలేకపోయారు. అందుకే భారత జట్టు చివరి రెండు టీ20ల్లో విజయం సాధించలేకపోయింది...
వరుణ్ చక్రవర్తి కంటే కుల్దీప్ యాదవ్ చాలా బెటర్... అతనికి అవకాశాలు ఇవ్వాలి...’ అంటూ కామెంట్ చేశాడు పాకిస్తాన్ మాజీ క్రికెటర్, కామెంటేటర్ రమీజ్ రాజా...
శ్రీలంక లెజెండరీ స్పిన్నర్ ముత్తయ్య మురళీధరన్ కూడా వరుణ్ చక్రవర్తి కంటే కుల్దీప్ యాదవ్‌కి టీ20 వరల్డ్‌కప్ జట్టులో చోటు కల్పించాలని కామెంట్ చేశాడు..
‘ఐపీఎల్ 2021 యూఏఈలో జరుగుతుండడంతో ఎవరు ఫామ్‌లో ఉన్నారో, ఎవరు లేరో అక్కడే తేలనుంది. వరుణ్ చక్రవర్తి కంటే కుల్దీప్ యాదవ్ బెటర‌ని నా ఉద్దేశం..
2020 ఆస్ట్రేలియా టూర్‌లో టీ20 సిరీస్‌కి ఎంపికైన వరుణ్ చక్రవర్తి, గాయం కారణంగా తప్పుకున్నాడు. అతని స్థానంలో జట్టులోకి వచ్చిన నటరాజన్, ఆసీస్ టూర్‌లో అదరగొట్టాడు...
ఎట్టకేలకు శ్రీలంక టూర్ ద్వారా ఎంట్రీ ఇచ్చిన వరుణ్ చక్రవర్తి, ఐపీఎల్ 2020 సీజన్‌లో కరోనా బారిన పడిన మొట్టమొదటి ప్లేయర్. స్కానింగ్ కోసం బయో బబుల్ దాటి బయటికి వెళ్లిన వరుణ్ చక్రవర్తి, ఆ విషయాన్ని దాచిపెట్టి కేకేఆర్ టీమ్‌లో కరోనా కేసులు రావడానికి కారణమయ్యాడు.