Sania Mirza Shoaib Malik: సానియా మీర్జా, షోయబ్ మాలిక్ ల వైవాహిక జీవితం చాలా కాలంగా వార్తల్లో నిలుస్తూనే ఉంది. గ‌తేడాది వీరి విడాకులపై వార్తలు వచ్చినప్పటికీ వీరిద్దరూ ఇంకా ఎలాంటి క్లారిటీ ఇవ్వలేదు. అయితే, తాజాగా సానియా మీర్జా తన ఇన్ స్టాగ్రామ్ లో ఓ పోస్ట్ పెట్టడంతో మరోసారి వీరి పెండ్లి, విడాకుల అంశం హాట్ టాపిక్ గా మారింది.
Sania Mirza Shoaib Malik: స్టార్ క‌పుల్ సానియా మీర్జా, షోయబ్ మాలిక్ లు మరోసారి వార్తల్లో నిలిచారు. వీరు విడాకులు తీసుకోబోతున్నారని హాట్ టాపిక్ మొద‌లైంది. ఇదే స‌మ‌యంలో సానియా మీర్జా చేసిన ఒక మిస్ట‌రీ పోస్ట్ వైరల్ గా మారింది. ఈ పోస్టుతో తన వైవాహిక జీవితం, విడాకులు గురించి ఈ పోస్టులో చెప్ప‌క‌నే చెప్పింది.
భారత టెన్నిస్ స్టార్ సానియా మీర్జా, షోయబ్ మాలిక్ రిలేషన్ షిప్ లో విభేధాలు ఉన్నాయ‌ని పుకార్లు షికార్లు చేస్తున్నాయి. కొన్ని రోజుల క్రితం సానియా ఇన్ స్టాగ్రామ్ నుంచి షోయబ్ మాలిక్ తో ఉన్న ఫోటోలన్నీ డిలీట్ చేసినట్లు స‌మాచారం. ఆ తర్వాత సానియా, షోయబ్ విడాకులు తీసుకోబోతున్నారని పుకార్లు వచ్చాయి. అయితే, కొంత కాలంగా ఈ విష‌యం స‌ద్దుమ‌నిగి పోగా, ఇప్పుడు మరోసారి సానియా-షోయబ్ పెండ్లి, విడాకుల అంశం తెర‌మీద‌కు వ‌చ్చింది. దీనికి కార‌ణంగ సానియా మీర్జా సోషల్ మీడియా వేదిక‌గా చేసిన ఒక పోస్టు.
సోషల్ మీడియాలో చాలా యాక్టివ్‌గా ఉండే సానియా మీర్జా.. తరచుగా ఆమె వ్యక్తిగత జీవిత విశేషాలను కూడా సోషల్ మీడియాలో పంచుకుంటుంది. ప్రస్తుతం సానియా చేసిన ఒక పోస్ట్ ఒకటి అందరి దృష్టిని ఆకర్షిస్తోంది. ఆమె ఇన్‌స్టాగ్రామ్ స్టోరీలో ఒక పోస్ట్‌ను షేర్ చేసింది. ప్రస్తుతం వైరల్ గా మారింది.
సానియా మీర్జా షేర్ చేసిన పోస్టులో "పెళ్లి కష్టం, విడాకులు తీసుకోవడం కష్టం. లావుగా ఉండటం కష్టం, ఫిట్‌గా ఉండటం కష్టం. అప్పుల్లో ఉండటం కష్టం. ఆర్థికంగా క్రమశిక్షణతో ఉండటం కష్టం. కమ్యూనికేట్ చేయడం కష్టం. జీవితం ఎప్పుడూ సులభం కాదు. ఇది ఎల్లప్పుడూ కష్టమే. కానీ, మనం కఠినమైనదాన్ని ఎంచుకోవాలి. కాబట్టి సరైన నిర్ణ‌యం తీసుకోండి" అని పోస్ట్‌లో పేర్కొన్నారు.
సానియా మీర్జా చేసిన ఈ పోస్టు ప్రస్తుతం సోషల్ మీడియాలో వైరల్ గా మారింది. సానియా చేసిన ఈ పోస్టుతో మరోసారి ఈ సార్ట్ క‌పుల్ వార్తల్లో నిలిచారు. కొన్ని నెలల క్రితం షోయబ్ మాలిక్-సానియా మీర్జా విడాకుల పుకార్లకు వచ్చాయి. షోయబ్ తో ఉన్న ఫొటోల‌ను సానియ తొల‌గించ‌డం, షోయబ్ బయోలో తాను సూపర్ ఉమెన్ సానియా మీర్జా భర్త అని రాసుకుని తర్వాత అది తొలగించడంతో ఇద్దరి మధ్య రిలేషన్ షిప్ లో చీలిక వచ్చిందని వార్తులు వినిపిస్తున్నాయి.
సానియా మీర్జా సోషల్ మీడియాలో చేసిన తాజా పోస్టుతో ఈ స్టార్ క‌పుల్ డివోర్స్ తీసుకోవడం కన్ఫార్మ్ అయింద‌ని నెటిజ‌న్లు కామెంట్లు చేస్తున్నారు. ఇదే స‌మ‌యంలో అలాంటిదేమీ లేద‌నే వార్తలు కూడా వినిపిస్తున్నాయి. ఇప్ప‌టివ‌ర‌కు సానియా మీర్జా కానీ, షోయబ్ మాలిక్ గాని విడాకుల విష‌యాన్ని అధికారికంగా ధృవీక‌రించ‌లేదు.