Nagma - Sourav Ganguly relationship : హీరోయిన్ నగ్మా, టీమిండియా మాజీ కెప్టెన్ సౌరవ్ గంగూలీ లు గ‌తంలో ప్రేమలో ఉన్నార‌నీ, 2000ల ప్రారంభంలో ఒకరినొకరు లవ్ చేసుకుంటున్నారనీ, త్వరలోనే పెళ్లి చేసుకుంటారనే వార్తలు వచ్చాయి. ఈ క్రమంలోనే నగ్మా ఈ పుకార్ల గురించి తన ఇంటర్వ్యూలో ప్రస్తావించారు.
Nagma - Sourav Ganguly relationship : హీరోయిన్లు క్రికెటర్లతో ప్రేమలో పడటం కొత్త కాదు.. చాలా కాలం నుంచి నేటి వరకు క్రికెటర్లతో ప్రేమాయణం న‌డిపిన వారు ఉన్నారు. వీరిలో చాలా మంది పెళ్లి బంధంతో ఒక్క‌టై స్టార్ క‌పుల్ గా జీవ‌నం సాగిస్తున్నారు. ఇలాంటి స్టార్ క‌పుల్ కు విరాట్ కోహ్లి, అనుష్క శ‌ర్మ జంట మంచి ఉదాహరణ.
అయితే, క్రికెటర్లు, సినీ హీరోయిన్ల సంబంధాల గురించి మాట్లాడితే ఇప్ప‌టికే హాట్ టాపిక్ గా ఎక్కువ‌గా వినిపించే పేర్లు టీమిండియా స్టార్ క్రికెట‌ర్, మాజీ కెప్టెన్ సౌరవ్ గంగూలీ-సినీ నటి నగ్మా.
దాదాపు 25 సంవత్సరాల క్రితం.. అంటే 1999లో నగ్మా, భారత క్రికెట్ జట్టు కెప్టెన్ గంగూలీల మధ్య ప్రేమాయణం సాగిందని వార్తలు వచ్చాయి. అయితే ఈ వివాదం వెలుగులోకి రావడానికి రెండేళ్ల ముందు అంటే 1997లో గంగూలీ తన స్నేహితురాలు డోనాను పెళ్లి చేసుకున్నాడు.
నటి నగ్మా, గంగూలీ రహస్యంగా వివాహం చేసుకోబోతున్నారనీ, వీరిద్ద‌రూ చాలాసార్లు దేవాలయాలలో కలిసి కనిపించారని వార్తలు కూడా వచ్చాయి. ఎప్పుడో ఒకప్పుడు సౌరవ్ గంగూలీకి డోనా గంగూలీ విడాకులు ఇవ్వనుందనే వార్తలు కూడా అప్ప‌ట్లో హాట్ టాపిక్ అయ్యాయి. ఈ క్రమంలోనే సుమారు 24 ఏళ్ల క్రితం ఓ ప్రముఖ వార్తా సంస్థకు నగ్మా ఇంటర్వ్యూ ఇచ్చింది.
తన ఇంటర్వ్యూలో గంగూలీతో ప్రేమ గురించి నటి నగ్మా ప్రస్తావించారు. ‘ఒక విషయంలో ఇరువురు ఏమీ మాట్లాడుకోకుంటే.. ఎంత ఇష్టమొచ్చినా మాట్లాడుకోవచ్చు.. ఇప్పుడు అలాంటిదే జరుగుతోంది. నా విషయంలో కూడా ఇదే జరుగుతోంది' అని అప్ప‌టి వివాదం గురించి గంగూలీ పేరును ప్ర‌స్తావించ‌కుండానే చాలా విష‌యాల‌ను నగ్మా చెప్పారు.
"మా మధ్య ఏం జరిగి ఉంటుందని మీరు అనుకుంటున్నారు, కానీ క్రికెట్‌పై నాకు ఆసక్తి లేకపోవడం వల్ల చాలా విషయాలు తప్పుగా మారాయి. కొన్ని విషయాలు మా మధ్య వర్కవుట్ కాలేదు, కాబట్టి మేము దానిని ఇంకా ముందుకు తీసుకెళ్లలేకపోయాము" అని చెప్పారు. గంగూలీతో సంబంధం స‌మ‌స్య‌గా మార‌డాన్ని ఇలా చెప్పారు.
1990 నుంచి వెండితెర‌పై స్టార్ గా వెలుగొందిన నగ్మా.. 2008లో నటనకు గుడ్‌బై చెప్పేసి రాజకీయాల్లో ప్రవేశించింది. నగ్మా వయసు 49 ఏళ్లు కాగా, ఇప్పటి వరకు ఒంటరిగా జీవిస్తున్న ఆమె 2020లో గంగూలీకి ట్విటర్ ద్వారా పుట్టినరోజు శుభాకాంక్షలు చెప్పడం గమనార్హం. ఇప్పటి వరకు ఆ ట్వీట్‌ను తొలగించలేదు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి