తెలుగులో ‘బుట్టబొమ్మ’ పాటకు వరల్డ్‌వైడ్ పాపులారిటీ తీసుకొచ్చి, వందల మిలియన్ల వ్యూస్ రావడానికి కారణమైన డేవిడ్ వార్నర్, సమయం దొరికినప్పుడల్లా తెలుగు పాటలకు స్టెప్పులేస్తూ, తెలుగువారికి చేరువయ్యేందుకు తనవల్ల అయ్యిదంతా చేస్తూ వచ్చాడు.
undefined
తాజాగా మరో స్టెప్పు ముందుకేసి, తెలుగులో మాట్లాడేందుకు ప్రయత్నిస్తున్నాడు డేవిడ్ వార్నర్. ఒకే రోజు కేన్ విలియంసన్, తన భార్య క్యాండిక్ వార్నర్‌కి తెలుగులో ప్రపోజ్ చేశాడు డేవిడ్ భాయ్...
undefined
ఐపీఎల్ 2021 సీజన్ మధ్యలో సన్‌రైజర్స్ హైదరాబాద్ టీమ్ కిచెన్‌లో ‘వెయ్ పెసరట్టు, గిఫ్టు పట్టు’ ఫన్నీ ప్రోగ్రామ్‌ నిర్వహించాడు డేవిడ్ వార్నర్. చెఫ్‌తో కలిసి పెసరట్టు వేసే కార్యక్రమంలో పాల్గొన్నారు డేవిడ్ వార్నర్, కేన్ విలియంసన్, విజయ్ శంకర్, కేదార్ జాదవ్.
undefined
వీరిలో పర్ఫెక్ట్‌గా పెసరట్టు వేసి, విన్నర్‌గా నిలిచిన కేన్ విలియంసన్‌ను ట్యాగ్ చేస్తూ.... ‘నేను నిన్ను ప్రేమిస్తున్నాను’ అంటూ తెలుగులో కామెంట్ పెట్టాడు డేవిడ్ వార్నర్.
undefined
కేన్ మామకి మాత్రమే చెబితే, భార్య ఫీల్ అవుతుందని ఫీల్ అయ్యాడో ఏమో... సాయంత్రం భార్యతో కలిసి దిగిన ఓ పెయింట్ ఫోటోను పోస్టు చేసిన వార్నర్... ‘నేను నిన్ను ప్రేమిస్తున్నాను క్యాడీ... వైఫ్, లవ్, బెస్ట్ ఫ్రెండ్స్’ అంటూ కాప్షన్ ఇచ్చాడు.
undefined
డేవిడ్ భాయ్ తెలుగులో చేసిన ప్రపోజల్‌కి లవ్ సింబల్స్‌తో రిప్లై ఇచ్చింది క్యాండీ వార్నర్. తెలుగువాళ్లే తెలుగు నేర్చుకోవడానికి ఏ మాత్రం ఇష్టపడని ఈ కాలంలో తెలుగును, తెలుగువారినీ ఇంతగా ప్రేమిస్తున్న డేవిడ్ భాయ్, మరోసారి ఆరెంజ్ ఆర్మీ ఫ్యాన్స్ మనసు దోచుకున్నాడు.
undefined
ఐపీఎల్ 2021 సీజన్ మధ్యలో టీమ్ పర్ఫామెన్స్ బాగోలేదనే వంకతో డేవిడ్ వార్నర్‌ను కెప్టెన్సీ నుంచి తొలగిస్తూ షాకింగ్ నిర్ణయం తీసుకుంది సన్‌రైజర్స్ హైదరాబాద్.
undefined
అయితే జట్టు సెలక్షన్‌లో తనకి స్వేచ్ఛ లేదంటూ, మనీశ్ పాండే ఎంపిక గురించి డేవిడ్ వార్నర్ చేసిన కామెంట్లే, అతన్ని కెప్టెన్సీ నుంచి తొలగించడానికి కారణమని క్రికెట్ విశ్లేషకులు, క్రికెట్ ఫ్యాన్స్ భావిస్తున్నారు.
undefined
కెప్టెన్సీ నుంచి తొలగిస్తూ సన్‌రైజర్స్ నిర్ణయం తీసుకున్న తర్వాత ఆడిన మ్యాచ్‌లో డేవిడ్ వార్నర్‌కి తుది జట్టులో కూడా చోటు దక్కలేదు. డగౌట్‌లో కూర్చొని డ్రింక్స్ మోస్తూ, బంతులను తీసి ఇస్తూ కనిపించిన వార్నర్ భాయ్‌ను తెలుగు ఫ్యాన్స్ బాగా హర్ట్ అయ్యారు.
undefined
డేవిడ్ వార్నర్ లేకుండా ఆడిన మ్యాచ్‌లో సన్‌రైజర్స్ హైదరాబాద్ భారీ తేడాతో ఓడడంతో ‘BrinkBack Warner’, ‘నో వార్నర్, నో ఎస్‌ఆర్‌హెచ్’ అంటూ హ్యాష్‌ట్యాగ్స్ ట్రెండ్ చేసి, వార్నర్ భాయ్‌కి మద్ధతు పలికారు ఆరెంజ్ ఆర్మీ అభిమానులు.
undefined